CIDCO Housing Lottery 2022: नवी मुंबई मध्ये 4158 घरांसाठी अर्ज प्रक्रियेला आजपासून सुरूवात; lottery.cidcoindia.com वर पहा अधिक माहिती

Cidco | (File Image)

सर्वसामान्यांच्या आवाक्यात त्यांचं स्वतःचं घर घेण्याचं स्वप्न पूर्ण करण्यासाठी नवी मुंबई मध्ये सिडको कडून विविध प्रोजेक्ट्स (CIDCO Housing Lottery) सुरू आहेत. दरम्यान त्यापैकी 4158 घरांसाठी तसेच 245 गाळे, 6 कार्यालयांसाठी काल गणेश चतुर्थीला सुरूवात झाली आहे. यासाठी अर्ज स्वीकारण्यास आज 1 सप्टेंबर पासून सुरूवात झाली आहे. दरम्यान ऑनलाईन अर्ज करण्यासाठी सिडकोच्या अधिकृत वेबसाईटवर अर्जप्रक्रिया सुरू करण्यात आली आहे. प्रधानमंत्री आवास योजनेअंतर्गत आर्थिकदृष्ट्या दुर्बल घटकांसाठी नवी मुंबई मध्ये ही घरं उपलब्ध करून देण्यात आली आहे.

सिडको कडून सोडतीसाठी नवी मुंबईत द्रोणागिरी, कळंबोली, तळोजा आणि खारघरमध्ये घर दिले जाणार आहे. परवडणाऱ्या दरातील या 4158 घरांपैकी 404 घरं ही प्रधानमंत्री आवास योजनेंतर्ग आर्थिकदृष्ट्या दुर्बल घटकांकरिता राखीव आहेत तर उरलेली 3754 घरं ही सर्वसाधारण प्रवर्गाकरिता उपलब्ध करून दिली जाणार आहेत.

सिडकोतर्फे सर्वांना गणेश चतुर्थीच्या अनोख्या शुभेच्छा!

गणेश चतुर्थीच्या शुभमुहूर्तावर सिडकोतर्फे नवी मुंबईतील तळोजा, द्रोणागिरी, खारघर व कळंबोली नोड्समध्ये ४१५८ घरे विक्रीसाठी उपलब्ध करून देण्यात आली आहेत. अधिक माहितीसाठी: https://t.co/mfsaJ2awtM pic.twitter.com/45nvmTQqAY

— CIDCO Ltd (@CIDCO_Ltd) August 31, 2022

महत्त्वाच्या तारखा

अर्ज कधी कराल - 1 सप्टेंबरपासून 4 ऑक्टोबर 2022

नोंदणी आणि अर्जात बदल - 1 सप्टेंबरपासून 3 ऑक्टोबर 2022

ऑनलाईन पेमेंट - 1 सप्टेंबरपासून 7 ऑक्टोबर 2022

(हे देखील नक्की वाचा: MHADA Lottery च्या प्रक्रियेमध्ये बदल; अर्ज भरतानाच करावी लागणार कागदपत्रांची सारी पूर्तता).

दरम्यान सोडत 19 ऑक्टोबर 2022 दिवशी जाहीर होण्याचा अंदाज आहे. अर्ज नोंदणीपासून ते सोडतीपर्यंतच्या सर्व प्रक्रिया ऑनलाइन प्रक्रियेद्वारे पार पडणार असल्याचे सिडकोकडून सांगण्यात आले आहे.