Mumbai Online Fraud: मुंबईतील तिघांना ऑनलाइन दारू मागवण्याचा प्रयत्न फसला, अज्ञाताकडून 2 लाखांचा गंडा
एकत्रितपणे त्यांचे सुमारे 2 लाख रुपयांचे नुकसान झाले. सेबीच्या एका वरिष्ठ अधिकाऱ्याने अशाच प्रकारच्या फसवणुकीला बळी पडल्यानंतर आणि त्याची 1.53 लाख रुपयांची फसवणूक केल्याच्या काही दिवसांतच ही घटना घडली आहे.
गुगलवरून वाईन शॉपचे (Wine shop) फोन नंबर उचलून ऑनलाइन मद्य (Alcohol online) मागवण्याच्या प्रयत्नात मुंबईतील तीन जणांची फसवणूक (Fraud) करण्यात आली आहे. एकत्रितपणे त्यांचे सुमारे 2 लाख रुपयांचे नुकसान झाले. सेबीच्या एका वरिष्ठ अधिकाऱ्याने अशाच प्रकारच्या फसवणुकीला बळी पडल्यानंतर आणि त्याची 1.53 लाख रुपयांची फसवणूक केल्याच्या काही दिवसांतच ही घटना घडली आहे. पहिल्या घटनेत 8 डिसेंबर रोजी क्रॉफर्ड मार्केटजवळील (Crawford Market) एलटी मार्ग पोलिस ठाण्यात (LT Marg Police Station) एफआयआर दाखल करणार्या 77 वर्षीय कपड्याच्या व्यापाऱ्याने सांगितले की, Google वरून त्यांचा नंबर मिळाल्यानंतर त्यांनी एका विशिष्ट नीता वाईनला कॉल केला होता.
फसवणूक करणारा खऱ्या दुकानाचा कर्मचारी असल्याचे भासवत त्याने आगाऊ पैसे मागितले. तसेच त्याचे क्रेडिट कार्ड तपशील घेतले. त्याने दोन वन-टाइम पासवर्ड तयार केले आणि व्यापाऱ्याच्या बँक खात्यातून 99,000 रुपये ट्रान्सफर केले. 9 डिसेंबर रोजी घडलेल्या दुसर्या घटनेत 58 वर्षीय गृहिणीने गमदेवी पोलिसांना सांगितले की तिने पीके वाईन्सला फोन करून तिथून दारू मागवल्यानंतर तिची 13,500 रुपयांची फसवणूक झाली होती. हेही वाचा Mumbai: महापौर किशोरी पेडणेकर यांना पत्राद्वारे जीवे मारण्याची धमकी
तिने सांगितले की, कर्मचारी म्हणून दाखविणाऱ्या एका व्यक्तीने तिला पैसे भरण्यास सांगितले होते, पण दारू कधीच दिली नाही. जेव्हा तिने परतावा मागितला तेव्हा फसवणूक करणाऱ्याने तिला पुन्हा पैसे परत मिळण्याची प्रक्रिया सुरू करण्यासाठी 23,000 रुपये देण्यास सांगितले. तेव्हाच तिला पोलिसांशी संपर्क साधला असता काहीतरी गडबड झाल्याचे लक्षात आले.
तिसर्या घटनेत, 9 डिसेंबर रोजी एफआयआर नोंदवण्यात आला होता. एका 29 वर्षीय गृहिणीलाही पीके वाईन्समधून दारू मागवायची होती. तिला आगाऊ पैसे भरण्यास सांगितले होते परंतु फसवणूक करणाऱ्याने तिला सांगितले की पेमेंट मिळाले नाही. तिला आणखी दोनदा पैसे द्यावे लागले आणि शेवटी तिला 94,000 रुपये गमवावे लागले.
(The above story first appeared on LatestLY on Dec 10, 2021 04:10 PM IST. For more news and updates on politics, world, sports, entertainment and lifestyle, log on to our website latestly.com).
