Sharad Pawar यांनी राजीनामा मागे घेतल्यानंतर NCP च्या कार्यकर्त्यांमध्ये आनंदाचे वातावरण, पहा व्हिडिओ

पक्षाचे सुप्रिमो शरद पवार (Sharad Pawar) यांनी पक्षाच्या सर्वोच्च पदाचा राजीनामा मागे घेतल्याने राष्ट्रवादी काँग्रेस पक्षाचे (NCP) कार्यकर्ते मुंबईतील वायबी चव्हाण केंद्राबाहेर जल्लोष करताना दिसले. कार्यकर्ते पक्षाच्या समर्थनार्थ घोषणाबाजी करताना दिसले. पवार यांनी शुक्रवारी पक्षाध्यक्षपदाचा राजीनामा मागे घेतला. मी तुमच्या भावनांचा अनादर करू शकत नाही. तुमच्या प्रेमापोटी मी राजीनामा मागे घेण्याची माझ्याकडे केलेली मागणी आणि राष्ट्रवादीच्या ज्येष्ठ नेत्यांनी केलेल्या ठरावाचा आदर करत आहे.

राष्ट्रवादी काँग्रेस पक्षाच्या (NCP) राष्ट्रीय अध्यक्षपदावरून पायउतार होण्याचा माझा निर्णय मी मागे घेतो, राष्ट्रवादीच्या पॅनेलने त्यांचा राजीनामा फेटाळल्यानंतर काही तासांनी ते म्हणाले. राष्ट्रवादीच्या पॅनेलने पवार यांचा राजीनामा फेटाळल्याबद्दल बोलताना पक्षाचे नेते प्रफुल्ल पटेल म्हणाले, आजच्या बैठकीत समितीने एकमताने ठराव मंजूर केला आहे. शरद पवार यांनी राष्ट्रीय अध्यक्षपदी कायम राहावे, असे ठरावात म्हटले आहे. हेही वाचा Sharad Pawar Takes Back His Resignation: शरद पवार यांची मोठी घोषणा! राष्ट्रवादी काँग्रेसच्या अध्यक्षपदाचा राजीनामा घेतला मागे: म्हणाले, 'माझ्या निर्णयावर पक्षाचे कार्यकर्ते खूश नाहीत'

#WATCH | Nationalist Congress Party (NCP) workers celebrate outside YB Chavan Centre in Mumbai as Sharad Pawar withdraws his resignation as the national president of the party. pic.twitter.com/l36qjDippY

— ANI (@ANI) May 5, 2023

अध्यक्षपदावरून पायउतार होण्याच्या त्यांच्या निर्णयाला सर्वांनी एकमताने विरोध केला आहे. राष्ट्रवादी काँग्रेसमध्ये बंडखोरी सुरू असल्याच्या अफवांमुळे शरद पवार यांनी पक्षाच्या नेतृत्वाचा राजीनामा देण्याचा निर्णय घेतला. राष्ट्रवादीच्या काही आमदारांनी अजित पवारांसह पक्ष सोडून भाजपमध्ये प्रवेश करण्याचा विचार केल्याचे वृत्त होते.

(The above story first appeared on LatestLY on May 05, 2023 09:09 PM IST. For more news and updates on politics, world, sports, entertainment and lifestyle, log on to our website latestly.com).