Mahad Building Collapse: रायगड जिल्ह्यातील महाड येथे 5 मजली इमारत कोसळली; 15 लोकांना वाचवण्यात यश, 200 हून अधिक लोक अडकल्याची भीती (Video)
महाराष्ट्रातील रायगड जिल्ह्यातील महाड परिसरात 5 मजली इमारत कोसळली असल्याची माहिती मिळत. या घटनेनंतर घटनास्थळी अग्निशमन दलाच्या 4 गाड्या आणि दोन डझन सैनिक बचावासाठी दाखल झाले आहेत. यामध्ये 70 हून अधिक लोक अडकल्याची माहिती मिळत आहे.
महाराष्ट्रातील रायगड (Raigad) जिल्ह्यातील महाड (Mahad) परिसरात 5 मजली इमारत कोसळली (Building Collapse) असल्याची माहिती मिळत. या घटनेनंतर घटनास्थळी अग्निशमन दलाच्या 4 गाड्या आणि दोन डझन सैनिक बचावासाठी दाखल झाले आहेत. इमारत कोसळल्याने झालेल्या ढिगाऱ्याखाली जवळजवळ 150 हून अधिक लोक अडकल्याची भीती व्यक्त केली जात आहे. या इमारतीत 47 फ्लॅट असल्याची माहिती आहे व या फ्लॅट्समध्ये साधारण 200 लोक राहत होते. महाडच्या काजळपुरा येथील ही इमारत अवघे 10 वर्षे जुनी असल्याचे सांगण्यात आले आहे. आतापर्यंत बचाव पथकाला 10 ते 15 लोकांना ढिगाऱ्याखालून बाहेर काढण्यात यश आले आहे. या सर्व जखमी लोकांना शेजारच्या शासकीय रुग्णालयात हलवले असून त्यांच्यावर उपचार सुरु आहेत.
एएनआय ट्वीट -
A house collapse has been reported in Mahad of Raigad district; some people are reported trapped. Three teams of NDRF are moving to the spot: National Disaster Response Force (NDRF) #Maharastra
— ANI (@ANI) August 24, 2020
ही दुर्घटना आज संध्याकाळी साडेसहाच्या सुमारास घडली. घटनास्थळी नागरिकांची गर्दी झाली असून बचावकार्य सुरु झाले आहे. कोसळलेल्या इमारतीच्या मातीचा ढिगारा हटवण्याचे काम सुरु आहे. मात्र आता अंधार होत असल्याने बचाव कार्यात अडथळा निर्माण होण्याची शक्यता आहे. महाड दुर्घटनेनंतर तळेगाव दाभाडे येथून एनडीआरएफच्या 3 टीम घटनास्थळी रवाना झाल्या आहेत. ही इमारत नक्की कशामुळे कोसळली याबाबत माहिती मिळू शकली नाही. या दुर्घटनेमधील मृत्यूंची माहिती अजून समोर आली आहे. अदिती तटकरे यांनी दिलेल्या माहितीनुसार, आतमध्ये अडकलेल्या काही लोकांशी फोनवरून संपर्क झाला आहे, त्यामुळे सध्या तरी बचाव कार्य युद्ध पातळीवर सुरु आहे.
महाड दुर्घटना व्हिडीओ -
#रायगड जिल्ह्यातील #महाड येथील काजळपुरा परिसरातील ५ मजली इमारत कोसळली असून ढिगाऱ्याखाली ७० ते ८० जण अडकल्याची शक्यता आहे.आतापर्यंत २२ जणांना बाहेर काढण्यात यश आले आहे.मदतकार्य सुरू असून #राष्ट्रीय आपत्ती प्रतिसाद दलाची ३ पथके पुण्याहून महाडकडे रवाना झाली आहेत.@InfoRaigad pic.twitter.com/mozTRLFwvQ
— AIR News Mumbai, आकाशवाणी मुंबई (@airnews_mumbai) August 24, 2020
तारीक गार्डन असे या इमारतीच नाव आहे. इमारतीचे दाेन पिलर कमकुवत असल्याचे स्थानिकांचे म्हणणे आहे, तसेच या इमारतीचे काम अतिशय निकृष्ट दर्जाचे झाले असल्याचे थानिकांचे म्हणणे आहे. ही इमारत मुंबईतील दाेन बांधकाम व्यावसायिकांनी बांधली असल्याचे बोलले जात आहे.
(The above story first appeared on LatestLY on Aug 24, 2020 08:03 PM IST. For more news and updates on politics, world, sports, entertainment and lifestyle, log on to our website latestly.com).
