Cyber Crime | Representational Image (Photo Credits: Pixabay)

Cyber Crime: ठाण्यातील एका खाजगी कंपनीत काम करणाऱ्या मीरा रोड (Mira Road) येथील एका 35 वर्षीय व्यक्तीची 8 लाख रुपयांची फसवणूक केली. आरोपींनी ट्रॅव्हल पोर्टलवर रेटिंग सबमिट करून आणि हॉटेल्सचे पुनरावलोकन करून घरून अर्धवेळ कामाचे अमिष दाखवून या व्यक्तीला कमिशनची ऑफर दिली. पोलिसांना दिलेल्या निवेदनात, फिर्यादीने म्हटले आहे की, त्यांच्या मोबाईलवर एका अज्ञात व्यक्तीचा कॉल आला, ज्याने हॉटेलचे रेटिंग करून कमाईची साधी संधी दिली.

कॉलरने त्याला विशिष्ट टेलिग्राम ग्रुपमध्ये सामील होण्याचे निर्देश दिले. तक्रारदाराला चित्रपटांच्या रेटिंग प्रक्रियेवरील ट्यूटोरियलसाठी मेसेजिंग ग्रुपमध्ये जोडण्यात आले. सहमती दिल्यानंतर, कॉलरने त्याला एका विशिष्ट टेलिग्राम ग्रुपमध्ये सामील होण्याचे निर्देश दिले. तीन हॉटेलसाठी रेटिंग सबमिट केल्यानंतर, तक्रारदाराला सांगण्यात आले की, त्याने नोकरीसाठी 150 रुपये कमावले आहेत. (हेही वाचा - Pune: उच्चभ्रू सोसायटीत पार्कींगवरून वाद, रागात महिलेच्या कानशिलात लगावली, पहा व्हिडिओ)

त्यानंतर त्याला गुंतवणूक करून अधिक पैसे मिळवून देण्याचे आमिष दाखवण्यात आले आणि व्यापारी कामे पूर्ण करण्यासाठी त्याचे खाते अपग्रेड केले. परंतु विविध बँक खात्यांमध्ये पैसे जमा करून आणि नेमून दिलेली कामे पूर्ण करूनही त्यांना ना त्यांची गुंतवणूक परत मिळाली ना त्यांचे कमिशन.

एका आठवड्यात पीडित व्यक्तीचे 8 लाखांचे नुकसान झाले. या व्यक्तीने जास्तीत-जास्त कमिशनसाठी एका आठवड्यात 8 लाख रुपये भरले होते. त्यांनी तत्काळ सायबर सेल युनिट आणि मीरा रोडवरील नया नगर पोलिस ठाण्यात तक्रार नोंदवली. मीरा रोड पोलिस ठाण्यात अज्ञात कॉलर आणि सुमारे 13 बँक खातेदारांविरुद्ध IPC आणि माहिती तंत्रज्ञान कायदा-2000 च्या संबंधित कलमांखाली गुन्हा नोंदवण्यात आला आहे. पोलिस या प्रकरणाचा तपास करत आहेत.