May Day 2023: कामगार दिनाची तारीख, इतिहास आणि महत्व, जाणून घ्या, संपूर्ण माहिती
कामगारांच्या कर्तृत्वाची आठवण म्हणून दरवर्षी 1 मे रोजी कामगार दिन साजरा केला जातो. कामगारांच्या प्रयत्नांची आणि परिश्रमाची कबुली देणारा कामगार संघटनेच्या चळवळीतला विशेष दिवस म्हणजे कामगार दिन हा आहे. जाणून घ्या, कामगार दिनाची संपूर्ण माहिती
कामगार दिनाची 2023 तारीख
कामगार दिन 2023 सोमवार, 1 मे 2023 रोजी साजरा केला जाईल.
कामगार दिनाचे महत्त्व
कामगार दिनाची सुरुवात कामगार संघटनेने केलेल्या चळवळी नंतर झाली होती, विशेषत: कामगारांनी आठ तास कामासाठी, आठ तास मनोरंजनासाठी आणि आठ तास विश्रांतीसाठी पाहिजे या उद्देशाने आंदोलन केले होते. पूर्वी कामगारांसाठी काम करण्याची ठरलेली वेळ नव्हती. त्यामुळे पूर्वी कामगारांना दिवसातील बरेच तास काम करावे लागेल. 1 मे ही तारीख युरोपियन वसंतोत्सवाची तारीख आहे. 1889 मध्ये, मार्क्सवादी आंतरराष्ट्रीय समाजवादी काँग्रेसची पॅरिसमध्ये बैठक झाली आणि आधीच्या आंतरराष्ट्रीय कामगार संघटनेचा उत्तराधिकारी म्हणून दुसऱ्या आंतरराष्ट्रीयची स्थापना केली. बैठकीत, त्यांनी कामगारांच्या आठ तास कामाच्या मागण्यांच्या समर्थनार्थ 'महान आंतरराष्ट्रीय प्रदर्शन' करण्याचा ठराव मंजूर केला. 1 मे 1886 रोजी सुरू झालेल्या आणि चार दिवसांनंतर हेमार्केट प्रकरणाचा पराकाष्ठा झालेल्या यूएसमधील सामान्य संपाच्या स्मरणार्थ अमेरिकन फेडरेशन ऑफ लेबरने कामगार दिन म्हणून 1 मे ही तारीख निवडली आणि तेव्हा पासून 1 मे हा दिवस कामगार दिवस म्हणून साजरा करण्यात येऊ लागला.
(The above story first appeared on LatestLY on Apr 27, 2023 05:29 PM IST. For more news and updates on politics, world, sports, entertainment and lifestyle, log on to our website latestly.com).
