QuickLY
Socially
राज्यभरात आज गणपती विसर्जन केले जात आहे. विविध ठिकाणी गणपती विसर्जन मिरवणुकीस सुरुवातही झाली आहे. दरम्यान, काही ठिकाणी मिरवणूकसोबत वरुनराजानेही हजेरी लावली आहे. गेले काही दिवस राज्यातील विविध भागात पाऊस कोसळत आहे. तसाच पाऊस आजही कोसळू लागल्याने गणेशभक्तांची काही ठिकाणी तारांबळ उडाल्याचे पाहायला मिळत आहे.
Ganapati Visarjan 2019 Live Updates: मुंबई, पुणे, नागपूर शहरांसह महाराष्ट्रभरातील गणपती विसर्जन क्षणाक्षणांच्या बातम्या
12 Sep, 11:07 (IST)
12 Sep, 11:03 (IST)
पुणे शहरातील मानाचा समजला जाणाऱ्या कसबा गणपतीचे विसर्जन करण्यात आले आहे. सार्वजनिक गणेशोत्सवाचे विसर्जन करताना पहिल्यांदा कसबा गणपतीचे विसर्जन होते. त्यानंतरच शहरातील इतर सार्वजनिक गणपतींचे विसर्जन केले जाते.
12 Sep, 10:43 (IST)
कोल्हापूरातील गणेशोत्सवावर यंदा महापुराचे सावट होते. तरीही कोल्हापूरकरांनी मोठ्या उत्साहाने गणेशोत्सव साजरा केला. सार्वजनिक गणेशोत्सवाची आज सांगता होत आहे. गणपती विसर्जनास नुकतीच सुरुवातही झाली.
12 Sep, 09:53 (IST)
लालबागचा राजा गणपती विसर्जनापुर्वी सुरु असलेल्या आरती तुम्ही इथे पाहू शकता. थोड्याच वेळात लालबागचा राजा विसर्जनासाठी निघत आहे.
12 Sep, 09:41 (IST)
गणेशोत्सव मिरवणूक आणि गणपती विसर्जनासाठी गर्दी करणाऱ्या गणेशभक्तांवर पुणे पोलीस ड्रोन सीसीटीव्ही कॅमेऱ्याद्वारे नजर ठेवणार आहेत.
Drones, CCTV, videowall, explosive detectors, separate vhf channel, interactive https://t.co/mvVpVE2WBA, satarkpunekar, non emergency 8975 283100 whatsapp, noise meters, body worn cameras, .. etc etc.
technology in service of Punekars @DGPMaharashtra #DoingMore https://t.co/QI83n6S26O— CP Pune City (@CPPuneCity) September 11, 2019
12 Sep, 09:27 (IST)
देव नयनांनी माझ्या, कधी नाहीच दिसला, देव आभाळी सागरी, चराचरात साठला.
देवा भेटायास गेलो, देव आधीच भेटला, देव खाकीच्या रुपाने, माझ्या पुढयात ठाकला...
मुंबई पोलिसांनी भावनिक ट्विट केले आहे. तसेच, या ट्विटमध्ये #आधाराला_हात_पोलीसांचा असा हॅशटॅगही वापरला आहे.
देव नयनांनी माझ्या, कधी नाहीच दिसला.
देव आभाळी सागरी, चराचरात साठला.
देवा भेटायास गेलो, देव आधीच भेटला.
देव खाकीच्या रुपाने, माझ्या पुढयात ठाकला... #आधाराला_हात_पोलीसांचा— Mumbai Police (@MumbaiPolice) September 11, 2019
12 Sep, 09:11 (IST)
मुंबई शहरातील गणपती उत्सवाचे आकर्षण ठरलेलेला लालबागचा राजा गणपती थोड्याच वेळात विसरर्जनासाठी बाहेर निघणार आहे. गणेश गल्लाचा राजा काहीवेळापूर्वीच बाहेर निघाला असून त्याची मिरवणुकही सूरु झाली आहे. दरम्यान, लालबागचा राजा काही वेळातच बाहेर पडणार असल्याची माहिती आहे.
12 Sep, 09:09 (IST)
मुंबई शहरात गणेशोत्सव काळात आकर्षणाचा केंद्र बिंदू असलेले दोन गणपती म्हणजेच लालबागचा राजा आणि गणेशगल्ली गणपती. आज अनंत चतूर्दशी असल्याने राज्यभरातील गणपतींचे विसर्जन होत आहे. त्यामुळे गणेशगल्लीचा राजा विसर्जनासाठी बाहेर पडला आहे.
Ganapati Visarjan 2019 Live Updates: आज अनंत चतुर्दशी. केवळ महाराष्ट्रच नव्हे तर जगभरात साजऱ्या केल्या जाणाऱ्या गणेशोत्सवातील गणपती विसरर्जनाचा दिवस. महाराष्ट्रात तर गणपती विसर्जन मिरवणुकीस अनेक ठिकाणी सुरुवात झाली देखील. मुंबई, पुणे, नागपूर, सांगली, कोल्हापूर, नाशिक शहरांसह महाराष्ट्रभर साजऱ्या केल्या जाणाऱ्या सार्वजनिक गणेशोत्सव मंडळ आणि घरगुती गणपतींचे आज विसर्जन होत आहे. गणपती विसर्जन मिरवणुकीदरम्यान गणेश भक्तांची उसळणारी गर्दी आणि त्याचा वाहतुक यंत्रणा आणि कायदा व सुव्यवस्थेवर पडणारा ताण ध्यानात घेऊन पोलीस यंत्रणा सतर्क झाली असून, पोलिसांनी अनेक ठिकाणी चोख बंदोबस्त ठेवला आहे. खास करुन मुंबई शहरातील लालबागचा राजा, गणेश गल्ली गणपती यांसह पुणे शहरातील मानाचे पास गणपती विसर्जन मिरवणूकीच्या ठिकाणी पोलिसांनी विशेष फौजफाटा तैनात केला आहे. आपल्या लाडक्या बाप्पाला निरोप देताना राज्यभरातील गणपती विसर्जन मिरवणूक आणि उत्साहाच्या ताज्या बातम्या, क्षणाक्षणांची माहिती मिळविण्यासाठी तुम्ही नजर ठेवा लेटेस्टली मराठीच्या https://marathi.latestly.com/ या संकेतस्थळावर.
