Weather Forecast Tomorrow: कसे असेल उद्याचे हवामान? जाणून घ्या, 22 जूनचा अंदाज

Weather Forecast Tomorrow: दिल्ली, राजस्थान, पंजाब, हरियाणासह संपूर्ण उत्तर भारतात गेल्या महिनाभरापासून कडक उन्हाचा तडाखा बसत आहे. दरम्यान, भारतीय हवामान खात्याने (IMD) दिलासा देणारी बातमी दिली आहे. पुढील ४ ते ५ दिवस बहुतांश राज्यांमध्ये उष्णतेची लाट येण्याची शक्यता नसल्याचे हवामान खात्याचे म्हणणे आहे. उष्णतेच्या लाटेचा परिणाम उत्तर प्रदेशातील काही भागात दिसून येत असला तरी 23 जूननंतर उष्णतेपासून दिलासा मिळणार आहे. बिहार आणि पूर्व उत्तर प्रदेशात 3-4 दिवसांत मान्सून दाखल होईल आणि 30 जूनपर्यंत मान्सून दिल्लीत पोहोचेल, असा अंदाज आहे. त्याच वेळी, स्कायमेट या हवामान मूल्यांकन संस्थेने 22 जूनचा हवामान अंदाज देखील जारी केला आहे. स्कायमेटच्या मते, पुढील २४ तासांत मध्य प्रदेश, छत्तीसगड, विदर्भ, तेलंगणा, दक्षिण ओडिशा, कोकण आणि गोवा, किनारी कर्नाटक, केरळ आणि अंदमान निकोबार बेटांवर हलका ते मध्यम पाऊस पडण्याची शक्यता आहे.