Delhi Crime: दिल्लीमध्ये पैशासाठी अज्ञातांची तरूणांना मारहाण, एकाचा मृत्यू, चार जण अटकेत
प्रातिनिधिक फोटो (File Photo)

दिल्लीतील (Delhi) स्वरूप नगरमध्ये दरोडा (Robbery) टाकण्याच्या प्रयत्नाला विरोध केल्याच्या कारणावरून एका 22 वर्षीय तरुणाला मारहाण करण्यात आली आहे. तर त्याच्या मित्राला पुरुषांच्या एका गटाने मारहाणीत जबर जखमी केले. याप्रकरणी रविवारी पोलिसांनी (Delhi Police) चौघांना अटक केली आहे. अंकित जैस्वाल असे मृताचे नाव असून, तो दिल्ली विद्यापीठाच्या स्कूल ऑफ ओपन लर्निंगचा विद्यार्थी होता. तसेच तो आपल्या कुटुंबाचा उदरनिर्वाह करण्यासाठी एका दुकानात कामही करत होता, असे पोलिसांनी सांगितले. जैस्वाल आणि त्याचा मित्र आनंद झा पोलिसांनी सांगितले की, त्यांच्या घराबाहेर दुचाकीवरून जात असताना 4 किंवा 5 जणांचा एक गट त्यांच्याजवळ आला. आरोपींनी त्यांचा पाठलाग करून दुचाकी थांबवली.

जैस्वाल आणि झा रस्त्यावर पडले आणि आरोपींनी त्यांचा फोन हिसकावून घेण्याच्या प्रयत्नाला प्रतिकार केल्याने त्यांनी दगड आणि विटांनी त्यांना मारहाण केली, असे पोलिसांनी सांगितले. मात्र, आरोपींनी त्यांचा फोन हिसकावून घटनास्थळावरून पळ काढला. पोलिसांना पहाटे 2.52 वाजता स्थानिकांकडून घटनेचा फोन आला. पीसीआर व्हॅनने दोघांना रुग्णालयात नेले जेथे जयस्वाल यांना मृत घोषित करण्यात आले आणि झा यांना उपचारासाठी दाखल करण्यात आले. हेही वाचा Nashik Murder: नाशिकमध्ये कौटुंबिक वादातून महिलेचा खून, आरोपी फरार

झा यांच्या तक्रारीवरून आरोपींविरुद्ध खून, दरोडा आणि खुनाचा प्रयत्न या कलमांखाली एफआयआर दाखल करण्यात आला. ब्रिजेंद्र कुमार ठाकूर, डीसीपी म्हणाले, झा यांनी आम्हाला सांगितले की पुरुषांनी त्यांना कसे मारहाण केली आणि त्यांचे फोन लुटले. आम्ही परिसरातील अनेक सीसीटीव्ही स्कॅन केले आणि आरोपींची ओळख पटवली. ते एकाच परिसरात राहतात. त्यांचा शोध घेण्यासाठी आमच्या टीमने घरोघरी जाऊन सर्वेक्षण केले.

निखिल पाल, विजय, सुशील आणि अशोक अशी अटक करण्यात आलेल्या आरोपींची नावे असून पोलिसांनी त्यांच्या ताब्यातून रक्ताने माखलेले कपडे तसेच लुटलेले मोबाईल जप्त केले आहेत. यातील दोन आरोपी हिस्ट्रीशीटर असून ते खुनाच्या प्रयत्नाच्या गुन्ह्यांमध्ये सामील असल्याचे पोलिसांनी सांगितले.