झारखंडमध्ये रघुवर दास यांच्या नेतृत्वात भाजपा (BJP) सरकारला मोठा पराभव पत्करावा लागला आहे. यंदाची झारखंड विधानसभा निवडणुक हेमंत सोरेन यांच्या नेतृत्वात झामुमो-कॉंग्रेस-आरजेडी आघाडीने जिंकली आहे. सध्याच्या निकालाप्रमाणे भाजपने 22 जागांवर विजय मिळवला आहे. कॉंग्रेसला 15 जागा, झामुमोला 29 जागा तर आरजेडीला 1 जागा मिळाली आहे. अशाप्रकारे या आघाडीने 45 जागांवर विजय प्राप्त करत बहुमत मिळवले आहे.

#JharkhandAssemblyResults: As per Election Commission trends, Congress-JMM-RJD alliance wins 45 seats and Bharatiya Janata Party (BJP) wins 22 seats. pic.twitter.com/9xVr3eyeqc

— ANI (@ANI) December 23, 2019

निवडणूक आयोगाच्या ट्रेंड्सनुसार झारखंडमध्ये कॉंग्रेस-झामुमो-राजद आघाडीने आतापर्यंत 39 जागा जिंकल्या आहेत आणि भारतीय जनता पक्षाने 18 जागा जिंकल्या. भाजप 7 जागांवर आघाडीवर आहे. कॉंग्रेस 4 जागांवर तर, झामुमो 4 जागांवर आघाडीवर आहे.

#JharkhandAssemblyResults: As per Election Commission trends, Congress-JMM-RJD alliance wins 39 seats and Bharatiya Janata Party (BJP) wins 18 seats. pic.twitter.com/VL9jnyDvnl

— ANI (@ANI) December 23, 2019

झारखंड विधानसभा निवडणुकीचा आतापर्यंतचा निकाल पाहता, झारखंडमध्ये भाजपच्या हातातून सत्ता गेल्यात जमा आहे. पंतप्रधान नरेंद्र मोदी आणि अमित शाह यांनी नव्या सरकारला शुभेच्छाही दिल्या आहेत. अशात झारखंडचे मुख्यमंत्री रघुवर दास यांनी आपल्या पदाचा राजीनामा दिला आहे. आज संध्याकाळी राजभवनावर राज्यपाल द्रौपदी मुर्मू, यांच्याकडे त्यांनी आपला राजीनामा सुपूर्त केला.

#JharkhandAssemblyElections2019: Chief Minister Raghubar Das tenders his resignation from the post to Governor Draupadi Murmu, at Raj Bhavan in Ranchi. pic.twitter.com/Dk1PChjZ39

— ANI (@ANI) December 23, 2019

PM Modi: I thank the people of Jharkhand for having given
BJP the opportunity to serve the state for many years. I also applaud the hardworking party 'Karyakartas' for their efforts. We will continue serving the state and raising people-centric issues in the times to come. https://t.co/d6QeSPoSuM

— ANI (@ANI) December 23, 2019

झारखंडमध्ये भाजपला पराभवाचा धक्का बसला आहे. आतापर्यंतच्या ट्रेंडमध्ये भाजप 12 जागा गमावताना दिसत आहेत. त्याचबरोबर, जेव्हीएम, कॉंग्रेस आणि आरजेडी यांच्या युतीचे सरकार स्थापन होणार हे जवळजवळ निश्चित झाले आहे. झारखंडमधील पराभवानंतर भाजप अध्यक्ष अमित शहा यांनी ट्वीट करत आपण जनतेच्या निर्णयाचे स्वागत करतो अशी प्रतिक्रिया दिली आहे.

अमित शाह म्हणाले, 'झारखंडच्या लोकांनी दिलेल्या निर्णयाचा आम्ही आदर करतो. भाजपाला 5 वर्षे राज्यसेवा करण्याची संधी दिल्याबद्दल आम्ही त्यांचे मनापासून आभार मानतो. यापुढेही भाजप सतत राज्याच्या विकासासाठी कटिबद्ध राहील. तसेच सर्व कार्यकर्त्यांच्या अथक परिश्रमाबद्दल त्यांचे अभिनंदन'

हम झारखंड की जनता द्वारा दिये गये जनादेश का सम्मान करते हैं।

भाजपा को 5 वर्षों तक प्रदेश की सेवा करने का जो मौका दिया था उसके लिए हम जनता का हृदय से आभार व्यक्त करते हैं। भाजपा निरंतर प्रदेश के विकास के लिए कटिबद्ध रहेगी।

सभी कार्यकर्ताओं का उनके अथक परिश्रम के लिए अभिनंदन।

— Amit Shah (@AmitShah) December 23, 2019

झारखंड विधानसभा निवडणुकीच्या निकालाच्या ट्रेंडमध्ये झामुमो आणि कॉंग्रेस आघाडीचे सरकार विजयी होणार आहे हे जवळजवळ निश्चित झाले आहे. यामुळे झारखंड मुक्ती मोर्चाचे अध्यक्ष हेमंत सोरेन हे नवीन मुख्यमंत्री होण्याची दाट शक्यता आहे. झारखंड निवडणुकीच्या निकालावर हेमंत सोरेन यांनी पत्रकार परिषद घेऊन मतदारांचे आभार मानले. यावेळी त्यांनी शिबू सोरेन, कॉंग्रेस अध्यक्षा सोनिया गांधी, राहुल, प्रियंका गांधी, लालू प्रसाद यादव यांचेही आभार मानले. झारखंड धानसभा निवडणुकीची मतमोजणी सुरू आहे. बहुमतासाठी 41 जागांची आवश्यकता आहे. कॉंग्रेस-झामुमो युती 46 जागांवर आघाडीवर आहे, तर भाजप 25 जागांवर पुढे आहे.

Jharkhand Mukti Morcha's (JMM) Hemant Soren in Ranchi: I want to thank Lalu ji, Sonia ji, Rahul ji and Priyanka ji & all Congress leaders for all the support & for believing in me. #JharkhandAssemblyPolls pic.twitter.com/oMW8wp6xsY

— ANI (@ANI) December 23, 2019

झारखंड निकालात मतमोजणीच्या फेऱ्या अद्याप सुरु आहेत. अंतिम निर्णय अद्याप हाती आला नसला तरी भाजपच्या हातून सत्ता निसटत असल्याचे आता जवळपास निश्चित आहे. यावर पत्रकार परिषदेतून बोलत असताना विद्यमान मुख्यमंत्री रघुवर दास यांनी हा भाजपचा नसुन माझा प्रभाव आहे अशी भावनिक प्रतिक्रिया दिली आहे. तसेच जनतेचा निर्णय खुलेपणाने स्वीकारेन पण अजून निर्णयासाठी वाट पहा असेही त्यांनी माध्यमांना सांगितले. 

झारखंड निवडणूक निकालात आघाडीवर असणाऱ्या JMM पक्षाचे नेते आणि मुख्यमंत्री पदाचे दावेदार हेमंत सोरेन यांनी रांची येथील आपल्या घराबाहेर सायकल चालवत आपल्या पक्षाच्या विजयाचे सेलिब्रेशन केले आहे. झारखंड मुक्ती मोर्चा पक्षाने काँग्रेस व आरजेडी सोबत मिळून आतापर्यंत झारखंड मध्ये 47 जागांवर आघाडी कायम ठेवली आहे.

#WATCH: Jharkhand Mukti Morcha's (JMM) Hemant Soren rides a cycle at his residence in Ranchi. JMM is currently leading on 28 seats while the Congress-JMM-RJD alliance is leading on 46 seats. pic.twitter.com/e9HYcb26Y2

— ANI (@ANI) December 23, 2019

झारखंड विधानसभा निवडणुक निकालात आता JMM, काँग्रेस व आरजेडी स्पष्ट बाजी मारताना दिसत आहे. चार वाजेपर्यंतच्या आकडेवारीनुसार, महागठबंधन हे तब्बल 49 जागांवर आघाडीवर आहे तर भाजपची पिछेहाट होत असून तूर्तास केवळ 21 जागी आघाडी टिकवण्यात यश लाभल्याचे दिसत आहे.

हुसैनाबाद विधानसभा मदतारसंघातून राष्ट्रवादी काँग्रेस पक्षाचे प्रदेशाध्यक्ष कमलेश कुमार सिंह आघाडीवर आहेत. हुसेनाबाद मदतारसंघातील उमेदवारांची आघाडी पुढीलप्रमाणे

झारखंड विधानसभा निवडणुकीत अजून मतमोजणी सुरु असून पूर्ण निर्णय हाती आलेला नाही मात्र दुपारी 1 वाजेपर्यंतचे कल पाहता झारखंड मुक्ती मोर्चाचे पक्ष बळकट असल्याचे स्पष्ट आहे. भाजपला मागील काही वेळापासून केवळ 29 जागांवर अडवून ठेवत JMM ने 40 जागांवर आघाडी घेतली आहे. 

झारखंडचे मुख्यमंत्री रघुवर दास हे निकालाचा कल पाहता जमशेदपूर पूर्व मतदारसंघातून  काही वेळापुर्वी आघाडीवर होते, ज्यात मध्येच अडथळा येऊन त्यांना हजार मते पिछाडीवर टाकत विरोधी उमेदवार पुढे जात होते. आता कुठेतरी दास यांची आघाडी पुन्हा स्थिर होत आहे, मात्र अजूनही केवळ 156 मतांचा फरक असल्याने विजयाची स्पष्ट ग्वाही देता येत नाहीये. 

झारखंड निकालाचे कल JMM कडे झुकत असतानाही मुख्यमंत्री रघुवर दास यांनी भाजपच सरकार स्थापन करेल असा ठोस दावा केला आहे. "सध्या कल समोर आला आहे अंतिम निर्णय नाही आणि जर का सरयू राय यांच्यामुळे काही तोटा झाला असता तर मला मतेच मिळाली नसती", असे म्हणत दास यांनी निकाल हाती येईपर्यंत धीर धरण्याचे आवाहन केले आहे. संध्याकाळी, निकालानंतर दास हे रांची येथे पत्रकार परिषद घेणार आहेत. 

झारखंड विधानसभा निवडणूक निकालाचा प्राथमिक कल हाती येत असताना आता JMM मोठ्या फरकाने आघाडी घेत आहे, त्यामुळेच जेएमएमचे नेते हेमंत सोरेन यांची मुख्यमंत्री पदी नेमणूक होणार अशा चर्चा रंगू लागल्या आहेत. सोरेन हे डुमका मतदारसंघातून अजूनही पिछाडीवर आहेत तर बऱ्हेट मध्ये त्यांनी मतांची आघाडी घेतली आहे. 

झारखंड विधानसभा निवडणूक निकालात आता भाजपाची चिंता वाढताना दिसत आहे, सध्या झारखंड मुक्ती मोर्चा 45 जागी तर भाजप 25 जागी जिंकताना दिसून येत आहे, सोबतच AJSU  4  जागी आणि JVM 3जागी आघाडीवर आहे. हा फरक बराच मोठा असून आता जागांसाठी भाजप जुळवाजुळव करण्याचा प्रयत्न करत असल्याचा माध्यमांच्या सूत्रांचा अंदाज आहे. 

झारखंड विधानसभा निवडणूक निकालात प्रादेशिक पक्ष झारखंड मुक्ती मोर्चाचा पगडा सुरुवातीपासून भारी असल्याचे समोर येत आहे. सध्याचा प्राथमिक कल पाहता JMM तब्बल 41 जागांवर पुढे असून भाजपचा आकडा बराच वेळ 30 वरच अडकून आहे. या 11 जागांचा फरक टिकून राहिल्यास झारखंड मध्ये महागठबंधन सरकार स्थापन होण्याची पूर्ण संधी आहे. 

झारखंड विधानसभा निवडणूक निकालाचा प्राथमिक कल पाहता अद्याप कोणत्याच पक्षाला स्पष्ट बहुमत प्राप्त झाल्याचे दिसत नाहीये, तूर्तास भाजप  आणि झारखंड मुक्ती मोर्चा मध्ये मात्र काट्याची टक्कर पाहायला मिळत आहे. तर AJSU आणि JVM अजूनही 4 जागांवर अडकून आहे. 

झारखंड मुक्ती मोर्चाचे मोठे नेते हेमंत सोरेन यांची डुमका आणि बऱ्हेट या दोन्ही जागांवरील जिंकण्याची संधी कमी होताना दिसून येत आहे, प्राथमिक कल हाती येताच मताधिक्य असणारे सोरेन हे आता मतांच्या शर्यतीत दोन्ही मतदारसंघातून पिछाडीवर आहेत. 

झारखंड विधानसभा निवडणूक निकालाचे प्राथमिक कल पाहता भाजप वर महागठबंधन भारी पडत असल्याचे दिसून येत आहे त्यामुळे हातची सत्ता टिकवून ठेवण्यासाठी भाजपने हालचाली सुरु केल्या आहेत. सूत्रांच्या माहितीनुसार, भाजप कडून AJSU, JVM च्या उमेदवारांशी संपर्क केल्याचे अंदाज आहेत. यासंदर्भात बाबूलाल मरांडी आणि सुदेश महतो यांच्याशी पक्षाचा संपर्क झाल्याचे समजतेय. 

आज तक वाहिनीच्या सूत्रांनुसार, झारखंड विधानसभा निवडणूक निकालाचा प्राथमिक कल हाती येताच जेवीएमचे बाबुलाल मरांडी धनवार  मतदारसंघातून आघाडीवर असल्याचे समजत आहे. 

मतमोजणीच्या पहिल्या फेरीत 81 पैकी 71 जागांचे प्राथमिक कल समोर आले आहेत. यामध्ये ४० हुन अधिक जागी महागठबंधन हे भाजपवर भारी पडत असल्याचे संकेत आहेत. असे झाल्यास भाजपच्या हातून आणखीन एक राज्य सटकण्याची चिन्हे आहेत. 

झारखंड विधानसभा निवडणुकीचा निकाल जरी जेएमएम आणि मित्र पक्षाच्या बाजूने झुकता दिसत असला तरी सध्याचे झारखंडचे मुख्यमंत्री रघुवर दास हे मात्र आघाडीवर असल्याचे समजत आहे. जमशेदपूर पूर्व मतदारसंघातून रघुवर यांना प्राथमिक कल पाहता मताधिक्य प्राप्त झाले आहे. 

मतमोजणीच्या पहिल्या फेरीत महागठबंधन हे भाजपवर भारी पडत असल्याचे संकेत आहेत, प्राथमिक कल पाहता जेएमएम-आरजेडी- काँग्रेस यांचे महागठबंधन 33 जागी आघाडीवर असून भाजपला मात्र अद्याप 20 जागांचा आकडा पार करता आलेला नाही. मुख्यमंत्री पदावर दावा करण्यासाठी कोणत्याही पार्टीला 42 जागांचा मॅजिक आकडा गाठणे आवश्यक असेल.