मुंबई पाठोपाठ नाईट लाईफचे वारे आता उत्तर प्रदेश मध्ये देखील वाहू लागले आहेत. योगी आदित्यनाथ यांच्या सरकारने घेतलेल्या नव्या निर्णयानुसार येत्या 1  एप्रिल पासुन बड्या शहरांमध्ये रात्री 2 ऐवजी पहाटे 4  पर्यंत दारू विक्रीला परवानगी दिली गेली आहे. 

नाशिक मालेगाव रोड वर झालेल्या राज्य परिवहन मंडळाची बस आणि रिक्षा मध्ये झालेल्या धडकेने बस रस्त्यानजीकच्या विहिरीत कोसळल्याचा प्रसंग समोर आला आहे. आतापर्यंत याठिकाणी मृतांचा आकडा 20 वर पोहचली आहे. तर 20 ते 25 जण गंभीर जखमी झाले आहेत.

Death toll in bus-autorickshaw collision in Nashik district of Maharashtra further rises to 20: Police

— Press Trust of India (@PTI_News) January 28, 2020

अंडर 19 क्रिकेट विश्वचषक स्पर्धेत टीम इंडियाने उपांत्य फेरीत धडक मारत ऑस्ट्रेलियाचा 74 धावांनी पराभव केला आहे . टीम इंडियाने दिलेले 234 धावांचे आव्हान पूर्ण करू न शकल्याने ऑस्ट्रेलियन संघाचा विश्वचषक स्पर्धेतील गेम ओव्हर झाला आहे. 

दिल्ली शहराच्या काही भागात पावसाने हजेरी लावली असल्याची माहिती  समोर आली आहे. यामुळे नागरिकांना थंडीचा अधिक सामना करावा लागणार, अशी  शक्यता व्यक्त केली जात आहे. 

एएनआयचे ट्वीट-Delhi: Rain lashes parts of the city; visuals from Dr. Rajendra Prasad road area. pic.twitter.com/8K0cyVZ52l

— ANI (@ANI) January 28, 2020

देशातील तरूणांना देशभक्ती आणि बलिदानाचे महत्व काळाले पाहिजे, यासाठी महाविद्यालयातील कार्यक्रमाची सुरुवात राष्ट्रगीतानेच होणार , अशी माहिती उच्च तंत्रशिक्षण मंत्री उदय सामंत यांनी दिली.

दिल्लीच्या शाहीन बागेत नागरिकता दुरुस्ती कायद्याविरोधात वादग्रस्त वक्तव्य करणारा, जेएनयूचा माजी विद्यार्थी शरजील इमाम याला दिल्ली पोलिसांनी  बिहारच्या जहानाबाद येथून अटक केली आहे. त्यानंतर शरजील इमाम याच्याविरोधात देशद्रोहाचा गुन्हा दाखल करण्यात आला असून त्याला जहानाबाद न्यायालयात दाखल करण्यात आले आहे.

एएनआयचे ट्वीट-

#WATCH Bihar: JNU Student Sharjeel Imam has been brought to Jahanabad court. He was arrested from Jahanabad in Bihar by Delhi Police, earlier today. Imam had been booked for sedition by Police. pic.twitter.com/6x8gIpwRwO

— ANI (@ANI) January 28, 2020

नाशिकमध्ये कळवण आगाराची बस आणि रिक्षा यांच्यात समोरासमोर धडक होऊन भीषण अपघात झाला. या अपघातानंतर दोन्ही वाहने विहिरीत कोसळली आहेत. यात 10 ते 11 जणांचा मृत्यू झाल्याची भीती व्यक्त करण्यात येत आहे. 

प्रसिद्ध डान्स कोरिओग्राफर गणेश आचार्य यांनी त्यांच्यावरील सर्व आरोप खोटे असल्याचा दावा केला आहे. तसेच या सर्व कारस्थानामागे ज्येष्ठ नृत्यांगना सरोज खान आणि त्यांचे सहकारी असल्याचा आरोपही गणेश आचार्य यांनी केला आहे. 

लातूर जिल्ह्याचं लवकरचं विभाजन होणार आहे. यासाठी प्रशासनाकडून हालचाली सुरू झाल्या आहेत. त्यानुसार, 'उदगीर' हा नवीन जिल्हा घोषित करण्यात येणार आहे. नवीन जिल्ह्याच्या निर्मितीसाठी प्रस्ताव पाठवा, अशी सूचना विभागीय आयुक्तांनी केली आहे. 

पुण्यात 10 रुपयांमध्ये मिळणाऱ्या शिवथाळीला पुणेकरांनी चांगला प्रतिसाद दिला आहे. शिवथाळीचा लाभ घेण्यासाठी अनेक नागरिक रांगेत उभा राहत आहेत. अवघ्या दोन तासांत जेवण समाप्त होत असल्याने अनेकांना या ठिकाणाहून उपाशी जाव लागत आहे.   

पंतप्रधान नरेंद्र मोदी यांनी पाकिस्तानचे नाव न घेता इशारा दिला आहे. भारतीय लष्कराने मनात आणले तर 10 दिवसांत त्यांना पराभवाची धूळ चारू शकते, अशा शब्दांत मोदी यांनी पाकिस्तानला ठणकावले आहे. दिल्लीत एनसीसी कॅडेट्सला ते संबोधित करत होते. यावेळी त्यांनी काँग्रेस, बसपा तसेच इतर विरोधी पक्षांवर निशाणा साधला.

PM Modi, at NCC rally in Delhi: We know that our neighbouring country has lost 3 wars against us, our armed forces don't need more than 10-12 days to defeat them. They've been fighting proxy wars against India since decades. It claimed the lives of thousands of civilians, jawans. pic.twitter.com/5x2utdGUmL

— ANI (@ANI) January 28, 2020

भांडूप स्थानकात सिग्नल यंत्रणेत बिघाड झाल्यामुळे मध्य रेल्वेची सेवा विस्कळीत झाली आहे. त्यामुळे  सीएसएमटी अप डाऊन मार्गावरील वाहतूक विस्कळीत झाली आहे.  

अलिगढ मुस्लिम विद्यापीठामध्ये भारताचे तुकडे करण्याची भाषा वापरणाऱ्या शरजील इमामला पोलिसांनी अटक केली आहे. शरजील इमामने विद्यापीठामध्ये आसामला भारतापासून वेगळं करण्याची भाषा वापरी होती.   

आपण सुधारित नागरिकत्व कायद्याला (सीएए) समर्थन केलं नसल्याचे मनसे अध्यक्ष राज ठाकरे यांनी स्पष्ट केलं आहे. आपल्या वक्तव्याच्या प्रसारमाध्यमांकडून चुकीचा अर्थ लावण्यात आला असल्याचंही राज ठाकरे यांनी म्हटलं आहे. मी बेकायदा पाकिस्तानी, बांगलादेशी मुसलमानांना हाकला असं म्हणालो होतो. मात्र, याचा चुकीचा अर्थ लावण्यात आला असल्याचंही राज ठाकरे यांनी यावेळी सांगितलं. 

साताऱ्याचे तत्कालीन खासदार उदयनराजे भोसले यांना मोठा दिलासा मिळाला आहे. सातारा जिल्ह्यातील लोणंद येथील औद्योगिक वसाहतीतील 'सोना अलॉईज' या कंपनीचे राजकुमार जैन यांना मारहाण करून त्यांना खंडणी मागितल्याच्या प्रकरणातून उदयनराजे भोसले यांच्यासह 12 जणांची सत्र न्यायालयाने सबळ पुराव्यांअभावी निर्दोष मुक्तता केली आहे. 

गुजरातमध्ये 2002 साली झालेल्या गुजरात दंगलीतील सदरपुरा गावातील 14 आरोपींना आज सर्वोच्च न्यायालयाने जामीन मंजूर केला आहे. सरन्यायाधीस एस. ए. बोबडे यांच्या नेत्तृत्वाखालील खंडपीठाने या दोषींना जामीन मंजूर केला आहे.

2002 Gujarat riots case: Supreme Court grants bail to 14 convicts in the Sardarpura village case. A Bench headed by Chief Justice SA Bobde grants bail to the convicts & asks them to do social service during the duration of the bail. pic.twitter.com/qN36C30iha

— ANI (@ANI) January 28, 2020

निर्भया प्रकरणातील आरोपी मुकेशला तुरुंगात मारहाण करण्यात आली, असा आरोप मुकेशच्या वकिलांनी केला आहे.

Lawyer for one of the convicts(Mukesh) in Supreme Court: You have to apply your mind at each and every step. You are playing with somebody's life(on powers conferred to the President with regard to mercy plea). I(Mukesh) was beaten mercilessly after coming to jail. #NirbhayaCase pic.twitter.com/VjxMAC4Vkg

— ANI (@ANI) January 28, 2020

राजकीय पक्षांचा कोणताही बंद महाराष्ट्रातील व्यापारी पाळणार नाहीत, असा निर्णय महाराष्ट्र चेंबर्स ऑफ कॉमर्सने घेतला आहे. आंदोलनाला पाठिंबा दर्शवण्यासाठी केवळ दंडावर काळी पट्टी लावण्यात येणार आहे. 

कोरेगाव-भीमा प्रकरणी माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांची चौकशी करण्यात यावी, अशी मागणी कर्मवीर प्रतिष्ठानचे अध्यक्ष आणि याचिकाकर्ते डॉ. संजय लाखे पाटील यांनी चौकशी आयोगाकडे केली आहे.

राज्यातल्या 22 जिल्हा मध्यवर्ती बँका आणि 8 हजार 194 प्राथमिक कृषी सहकारी संस्थांच्या निवडणुका पुढे ढकलण्यात येणार आहेत. महात्मा ज्योतिराव फुले शेतकरी कर्जमुक्ती योजनेच्या अंमलबजावणीसाठी अधिकारी कर्मचारी व्यस्त राहणार आहेत. त्यामुळे हा निर्णय घेण्यात आला आहे. 

एनसीसीच्या मेळ्याव्यात भारताचे पंतप्रधान नरेंद्र मोदींनी तरुणांचे लक्ष्य वेधून घेतले आहे. तरुणांमध्ये देशाबद्ल शिस्त, भक्तीची भावना मजबूत करण्यासाठी एक व्यासपीठ उपलब्ध आहे. तसेच जगभरातून भारताला युवादेश म्हणून ओळखले जात आहे. देशातील 65% पेक्षा जास्त लोक 35 वर्षांपेक्षा कमी वयाच्या आहेत. देश तरुण आहे, आम्हाला त्याचा अभिमान आहे. परंतु, देशाचा विचारही तरुण असला पाहिजे, ही आपली जबाबदारी आहे, असे नरेंद्र मोदी म्हणाले. 

भाजप नेते चंद्रकांत पाटील यांच्या नेतृत्वाखाली कोल्हापुरमध्ये कर्जमाफीच्या विरोधात मोर्चा काढण्यात आला आहे. महाविकास आघाडी सरकारने केलेली कर्जमाफी फसवी असल्याचे मत भाजपकडून व्यक्त केलं जातं आहे. विधानसभा निवडणुकांमध्ये शिवसेनेने शेतकऱ्यांचा सातबारा कोरा केला जाईल, असं आश्वासन दिलं होतं. परंतु, सत्तेत आल्यानंतर केलेल्या कर्जमाफीमध्ये याची पूर्तता करण्यात आलेली नाही. या कर्जमाफीमध्ये अनेक अटी घालण्यात आल्या असून अनेक शेतकरी या कर्जमाफी योजनेपासून वंचित राहिले आहेत, असंही चंद्रकांत पाटील यांनी म्हटलं आहे.    

पंतप्रधान नरेंद्र मोदी यांच्यानंतर 'मॅन वर्सेस वाईल्ड'च्या एपिसोडमध्ये बेअर ग्रिल्ससोबत आता सुपरस्टार रजनीकांत दिसणार आहेत. कर्नाटकमधील बंदीपूरमध्ये पुढील दोन दिवस या कार्यक्रमाचे चित्रीकरण होणार आहे. 

महाराष्ट्रातील 25 भाजप नेते दिल्ली विधानसभा निवडणुकीसाठी प्रचार करणार आहेत. यात माजी मुख्यमंत्री देवेंद्र फडणवीस, विनोद तावडे, पंकजा मुंड आदी नेत्यांचा समावेश असणार आहे.  

मुख्यमंत्री उद्धव ठाकरे यांच्या हस्ते व्हिडिओ लिंकद्वारे नागपूर मेट्रोचे उद्धघाटन केलं आहे. यावेळी मुख्यमंत्री ठाकरे यांनी केंद्रीय मंत्री नितीन गडकरी, माजी मुख्यमंत्री देवेंद्र फडणवीस यांचे आभार मानले. 'एकाच गाडीवर बसू शकलो म्हणून काय झालं, एकाच स्टेशनवर भेटलो,' असं मतही यावेळी उद्धव ठाकरे यांनी व्यक्त केलं आहे. आम्हाला कोणतही श्रेय घ्यायचं नाही, आम्हाला केवळ महाराष्ट्राची सेवा करायची आहे, असंही ठाकरे यांनी यावेळी सांगितलं. 

नागपूर मेट्रोच्या उद्धघाटनप्रसंगी नाराजी नाट्य पाहायला मिळालं आहे. नागपूर मेट्रोच्या पानभर जाहीरातीत पालकमंत्री नितीन राऊत तसेच इतर महत्त्वाच्या नेत्यांची नावे देण्यात आलेली नाहीत. त्यामुळे राऊत यांनी नाराजी व्यक्त केली आहे.    

जम्मू काश्मीरच्या पोलिसांनी लष्कर-ए-तोयबाच्या सर्वात महत्त्वाच्या दहशतवाद्याला जिवंत पकडलं आहे. 19 वर्षाचा दहशवादी शाझीद फारुख डारला जम्मू काश्मीर पोलिसांनी बारामुला येथून अटक केली आहे.

Jammu and Kashmir Police: A 19-year-old man, Sajid Farooq Dar affiliated with proscribed terror outfit Lashkar-e-Taiba (LeT), was arrested by police from Andergam Pattan, Baramulla.

— ANI (@ANI) January 28, 2020

माजी मंत्री मिलिंद देवरा यांनी काँग्रेस नेत्या सोनिया गांधी यांना पत्र लिहलं आहे. काँग्रेच्या जाहीरनाम्यातील गोष्टींची पूर्तता होण्यासाठी समिती नेमण्यात यावी, अशी मागणी देवरा यांनी केली आहे.  

पुणे पोलिसांना एनआयएला कागदपत्रे द्यावेचं लागतील, असं माजी मुख्यमंत्री देवेंद्र फडणवीस यांनी म्हटलं आहे. 

नागपूरमध्ये मनपा आयुक्त तुकाराम मुंढे यांनी आज पदभार स्वीकारला आहे. पहिल्याचं दिवशी तुकाराम मुंडे यांनी अधिकाऱ्यांना काही सूचना केल्या आहेत. कार्यालयात उशीरा न येणे, मिटिंगमध्ये मोबाईल वाजू न देणे, आदी सूचना तुकाराम मुंढे यांनी केल्या आहेत.    

सीएए समर्थनार्थ पुण्यात अखिल भारतीय विद्यार्थी संघटनेकडून तिरंगा रॅली काढण्यात आली आहे. यात अनेक विद्यार्थांनी सहभाग घेतला आहे.  

शिवसेना, काँग्रेस आणि राष्ट्रवादी काँग्रेसने मिळून किमान समान कार्यक्रमासाठी स्वाक्षऱ्या केल्या आहेत. त्यामुळे कोणीही कुणाकडून काहीही लिहून घेतलेले नाही. अशोक चव्हाण यांची बोलण्याची पद्धत चुकली आहे, अशी टीका राष्ट्रवादीचे नेते नवाब मलिक यांनी केली आहे.

नागपूर मेट्रो उद्धघाटनावेळी आंदोलनाचा प्रयत्न करण्यात आला आहे. या 7 कोटी रुपये खर्च करून केवळ 60 टक्के काम पूर्ण करण्यात आलं असल्याचं या आंदोलकांनी म्हटलं आहे.   

ठाण्यामध्ये भरधाव ट्रकने रस्त्यावर झोपलेल्या 5 पादचाऱ्यांना चिरडलं आहे. या अपघातात एकाचा मृत्यू झाला असून 4 जण जखमी झाले आहेत. सोमवारी मध्यरात्री ही घटना घडली आहे. 

सार्वजनिक बांधकाम मंत्री अशोक चव्हाण यांच्या वक्तव्यामुळे महाविकास आघाडीत नाराजीचा सूर पसरला आहे. अशोक चव्हाणांच्या वक्तव्यानं उद्धव ठाकरे, शरद पवार नाराज असून लवकरच काँग्रेसच्या पक्षश्रेष्ठींशी चर्चा करणार आहेत. अशोक चव्हाण यांनी प्रजासत्ताक दिनाच्या कार्यक्रमात वादग्रस्त विधान केलं होतं. यावेळी ते म्हणाले होते की, सोनिया गांधी यांनी सांगितलं की, संविधानाच्या चौकटीत सरकार चाललं पाहिजे असं लिहून घ्या. जर संविधानाच्या चौकटीत सरकार चालले नाही तर सरकारमधून बाहेर पडू. त्यानुसार आम्ही उद्धव ठाकरे यांच्यासोबत चर्चा केली. त्यांनीही आम्हाला संविधानाच्या चौकटीतच सरकार चालेल, अशी ग्वाही दिली. त्यानंतरच आम्ही सत्तेत आलो. 

मनसे अध्यक्ष राज ठाकरे यांचा आजचा लातूर दौरा पुढे ढकलण्यात आला आहे. प्रकृती अस्वस्थामुळे राज ठाकरेंचा दौरा पुढे ढकलल्याचं समजत आहे. 

नागपूरमध्ये आज मुख्यमंत्री उद्धव ठाकरे मेट्रोचं व्हिडिओ लिंकद्वारे उद्धघाटन करणार आहेत. लोकमान्य ते सीताबर्डी या स्टेशनदरम्यान ही मेट्रो धावणार आहे. 

पक्षाचा झेंडा बदलल्यानंतर मनसे प्रमुख राज ठाकरे आज मराठवाड्याच्या दौऱ्यावर जाणार आहेत. लातूरमध्ये होणाऱ्या 'कृषी नवनिर्माण 2020' चं उद्घाटन राज ठाकरे यांच्या हस्ते होणार आहे. हे कृषी प्रदर्शन 3 दिवस चालणार आहे. पक्षाचा झेंडा बदलल्यामुळे राज ठाकरेंचा हा दौरा महत्वाचा मानला जात आहे.

दिल्लीतल्या शाहीन बाग आंदोलनाच्या धर्तीवर मुंबईच्या नागपाड्यातही सुधारित नागरिकत्व कायदा आणि एनआरसीविरोधात आंदोलन सुरु आहे. मुस्लीम महिलांच्या आंदोलनाचा आजचा दुसरा दिवस आहे. या आंदोलनात सोमवारी रात्री विद्यार्थी नेता उमर खालिद सहभागी झाला होता. 

प्रसिद्ध कोरिओग्राफर गणेश आचार्य यांच्या विरोधात 33 वर्षीय महिला नृत्यदिग्दर्शिकेने तक्रार दाखल केली आहे. या महिलेने गणेश आचार्य   अश्लील व्हिडिओज बघण्यास बळजबरी करत असल्याचा आरोप केला आहे.  (अधिक माहितीसाठी वाचा -  प्रसिदध कोरिओग्राफर गणेश आचार्य विरोधात 33 वर्षीय महिला नृत्यदिग्दर्शिकेने केली तक्रार दाखल; अश्लील व्हिडिओज बघण्यास बळजबरी करत असल्याचा आरोप)

Mumbai:33yr-old woman choreographer,has filed complaint against Ganesh Acharya, GenSecyIndian Film&Television Choreographers Assoc at state's Women's Commission&Amboli PS accusing him of depriving her of work in film industry,demanding commission&forcing her to watch adult videos pic.twitter.com/Z8jYzgVyQh

— ANI (@ANI) January 28, 2020