पाकिस्तानचे माजी राष्ट्रपती परवेझ मुशर्रफ यांना विशेष कोर्टाकडून देशद्रोहाच्या खटल्यात मृत्युदंडाची शिक्षा सुनावण्यात आली होती. आज लाहोर हायकोर्टाकडून ही शिक्षा रद्द करण्यात आली आहे. 

भाजप महाराष्ट्र या ट्विटर हॅण्डलवर एक व्हिडिओ शेअर करण्यात आला आहे. या व्हिडिओमध्ये, भाजप कार्यकर्ते संजय मयूख यांनी म्हटले आहे की, "'आजके शिवाजी, नरेंद्र मोदी' हे पुस्तक एका व्यक्तीने लिहिले आहे, आणि ते त्यांचं लेखन आहे. हे पक्षाचे प्रकाशन नाही. आमचा या पुस्तकाशी काही संबंध नाही. हे पुस्तकाच्या लेखकांनी देखील सांगितले आहे. तरीही कोणाच्या भावना दुखावल्या गेल्या असतील तर आम्ही हे पुस्तक मागे घेत आहोत."

BJP National Media Co-Head @drsanjaymayukh on Chhatrapati Shivaji Maharaj’s book issue...@BJP4India pic.twitter.com/bG8ggmWaeD

— भाजपा महाराष्ट्र (@BJP4Maharashtra) January 13, 2020

उद्धव ठाकरे यांच्या कॅबिनेटची आज महत्त्वपूर्ण बैठक पार पडली. बैठकीतील मुद्द्यांविषयी, आदित्य ठाकरे यांनी आज ट्विट केले आहे. ते लिहितात, "महाराष्ट्रातील गृहनिर्माण पॉलिसीला चालना मिळावी हा बैठकीचा मुख्य हेतू होता. तसेच मुंबईमध्ये SRA, म्हाडा, बी.डी.डी. प्रकल्पांना वेग देण्यासाठी मुख्यमंत्री साहेबांनी प्रस्ताव सादर करण्याचे निर्देश दिले आहेत."

परळ मधील वाडिया रुग्णालय हे बंद पडण्याच्या मार्गावर आहे. मात्र नुकतीच गटनेत्यांनी त्या संदर्भात बैठक पार पडली असून, जानेवारी 14 रोजी (उद्या) मुख्यमंत्री उद्धव ठाकरे हे वाडियासंदर्भात हे महत्त्वाची बैठक घेणार आहेत. त्यामुळे उद्याच याबद्दल निर्णय येण्याची शक्यता आहे. दरम्यान, वाडिया रुग्णालय बंद पाडणे हा एक डाव असल्याचा आरोप आशिष शेलार यांनी केला आहे. 

मनसेच्या अनेक  कार्यकर्त्यांनी सोशल मीडियावर #राजसाहेब_मी_तुमचा_तान्हाजी हा हॅशटॅग वापरात पोस्ट करण्यास सुरुवात केली आहे. या हॅशटॅगचा वापर करत, छत्रपती शिवाजी महाराजांचे शूर मावळा तानाजी मालुसरे जसा होता त्याचप्रमाणे आपणही महाराष्ट्र नवनिर्माण सेनेचे अध्यक्ष राज ठाकरे यांचे मावळे आहोत, असा निर्धार मनसेच्या कार्यकर्त्यांचा सध्या सोशल मीडियावर दिसून येत आहे.

आज के शिवाजी, नरेंद्र मोदी या पुस्तकाच्या प्रकाशनानंतर देशभरातून निषेद व्यक्त करण्यात आला. पंतप्रधान मोदींची तुलना शिवरायांशी केल्याने संजय राऊत यांनी काल महाराजांचे वंशज उदयनराजे भोसले यांची प्रतिक्रिया विचारली होती. यावर, उदयनराजे यांनी आज ट्विट करत पत्रकार परिषद घेऊन आपली भूमिका सांगणार असल्याचे म्हटले आहे. ते लिहितात, "‘आज के शिवाजी, नरेंद्र मोदी’ या वादग्रस्त पुस्तकावर उद्या मंगळवार दि १४ जानेवारी २०२० रोजी दुपारी १२.३० वाजता रेसिडन्सी क्लब, पुणे येथे पत्रकार परिषद घेऊन सडेतोडपणे आमची भूमिका स्पष्ट करणार आहोत."

‘आज के शिवाजी, नरेंद्र मोदी’ या वादग्रस्त पुस्तकावर उद्या मंगळवार दि १४ जानेवारी २०२० रोजी दुपारी १२.३० वाजता रेसिडन्सी क्लब, पुणे येथे पत्रकार परिषद घेऊन सडेतोडपणे आमची भूमिका स्पष्ट करणार आहोत. pic.twitter.com/gN1qELbnab

— Chhatrapati Udayanraje Bhonsle (@Chh_Udayanraje) January 13, 2020

महाराष्ट्राचे मुख्यमंत्री उद्धव ठाकरे यांनी आपल्या भाषणातून आज माजी मुख्यमंत्री देवेंद्र फडणवीस यांच्यावर निशाणा साधला आहे. मला दुचाकी चालवण्याची सवय नाही, पण सध्या तीन चाकी कार नाही पण सरकार चालवतो आहे, असे वक्तव्य उद्धव ठाकरे यांनी राज्यस्तरीय रस्ता सुरक्षा अभियानात केले आहे. यावर अद्याप विरोधी पक्षातील नेत्यांकडून कोणतीही प्रतिक्रिया आली नाही.

वाडिया आणि सत्ताधारांचा संगनमताने रुग्णालय बंद करण्याची वेळ आल्याचा आरोप भाजप आमादार आशिष शेलार यांनी केला आहे. तर निधी अभावी बंद करण्यात आलेली कामे पुन्हा सुरु करण्याची जबाबदारी ही महापालिकेतील सत्ताधाऱ्यांची आहे. पण जर असे न झाल्यास भाजप मोठे आंदोलन करणार असून रुग्णालय बंद होऊ देणार नाही आहे. 

'आज के शिवाजी नरेंद्र मोदी' पुस्तकाच्या निषेधार्थ  14 जानेवारीला मुंबईतील टिळक भवनात काँग्रेसचे आंदोलन करणार असल्याची अधिक माहिती काँग्रेस पक्षाचे नेते बाळासाहेब थोरात यांनी दिली आहे. 

सोलापूर फौजदारी चावडी ठाण्यात 'आज के शिवाजी नरेंद्र' पुस्तकाचे लेखक जयभगवान गोयल यांच्या विरोधात गुन्हा दाखल करण्यात आला आहे. दिनकर जगदाळे नावाच्या व्यक्तीच्या फिर्यादीवरुन गुन्हा दाखल केला आहे. 

मुंबई विमानतळावर एका व्यक्तीकडून आत्महत्येचा प्रयत्न करण्यात आला असून त्याने पार्किंगच्या येथे असलेल्या इमारतीवरुन उडी मारली आहे. या प्रकरणी अधिक तपास सुरु करण्यात आला आहे. 

पक्षाने आदेश दिल्यास 'आज के शिवाजी नरेंद्र मोदी' पुस्तक मागे घेणार असल्याचे लेखल जयभगवान गोयल यांनी स्पष्टीकरण दिले आहे. छत्रपती शिवाजी महाराज ज्या प्रकारे काम करतात. त्याच प्रकारे पंतप्रधान नरेंद्र मोदी हे काम करत असल्याने आपण मोदी यांचा उल्लेख महाराजांच्या नावे केला असे गोयल यांनी म्हटले आहे.

आज के शिवाजी नरेंद्रे मोदी या पुस्तका वरुन संपूर्ण महाराष्ट्रातून संतप्त अशा प्रतिक्रिया येऊ लागल्या आहेत. तसेच या पुस्तकाच्या विरोधात राज्यभरातून विरोध दर्शवला जात आहे. आज के शिवाजी नरेंद्र मोदी या पुस्तकात छत्रपती शिवाजी महाराजांची तुलना पंतप्रधान नरेंद्र मोदी यांच्याशी केली गेली आहे. छत्रपती शिवाजी महाराज जसे निर्णय घ्यायचे, त्याप्रकारे नरेंद्र मोदीही निर्णय घेतात, असे या पुस्तकात लिहण्यात आले आहे. यामुळे राज्यभरातून या पुस्तकाच्या विरोधात अंदोलने केली जात आहेत

पंढरपुरातील प्रसिद्ध उद्योजक महालक्ष्मी फर्निचरचे मालक सागर दोशी यांचे अपघातात निधन झाले आहे. सागर दोषी आपले काम आटपून घरी परत असताना त्यांच्या वाहनाला अपघात झाला. वाहनावरील ताबा सुटल्याने त्यांचे वाहन रस्त्यावर पलटले. यात सागर दोषी यांचा जागेवरच मृत्यू झाला. सागर दोषी यांच्यासह वाहनात असलेले 4 जण जखमी झाले असून त्यांच्यावर जवळच्या  रूग्णालयात उपचार सुरू आहेत.

आजपासून पुन्हा  जेएनयू युनिव्हर्सिटीचे वर्ग सुरु होणार आहेत. युनिव्हर्सिटीच्या  प्रशासनाने नोटीस जाहीर करत याबाबत  दिली माहिती आहे.

दिल्लीतील जामिया मिलिया इस्लामिया विद्यार्थ्यांचे कुलगुरु नजमा अख्तर यांच्या कार्यालयाबाहेर आंदोलन सुरु करुन निषेध व्यक्त केला आहे. या आंदोलनात विद्यार्थ्यांनी परीक्षेची तारीख पुन्हा ठरवावी, पोलिसांविरोधात एफआयआर नोंदवावा आणि विद्यार्थ्यांना सुरक्षितता द्यावी अशी मागणी करत आहेत.

Delhi: Students protest outside office of Jamia Millia Islamia Vice Chancellor Najma Akhtar seeking rescheduling of exam dates,registration of FIR against Police and ensuring safety to students. pic.twitter.com/Ckw8A6EqsG

— ANI (@ANI) January 13, 2020

मुंबईतील लहान मुलांच्या उपचारासाठी प्रसिद्ध असलेल्या वाडिया रुग्णालयाबाबतचा वाद मिटवून रुग्णांसाठी पुन्हा सुरु करा असा इशारा  आमदार आशिष शेलार यांनी महापालिकेला दिला आहे. याबाबत त्यांनी महापालिका आयुक्त प्रवीण परदेशी यांना पत्र पाठवले आहे.

वाडिया रुग्णालय आणि महापालिका यामध्ये सुरू असलेली तू तू मै मै यामागे वेगळाच "डाव"? रुग्णालय बंद करुन कोट्यवधीची मोक्याची जागा हडप करण्याचे वाडिया आणि पालिकेतील सत्ताधाऱ्यांचे हे षडयंत्र? तातडीने रुग्णालय पुर्ण क्षमतेने सुरु करा! आम्ही तुमचा हा डाव हाणून पाडू! रस्त्यावर उतरू!! pic.twitter.com/NNc5rjADnp

— Adv. Ashish Shelar - ॲड. आशिष शेलार (@ShelarAshish) January 13, 2020

पीएमसी बँक  प्रकरणी राष्ट्रवादीचे अध्यक्ष शरद पवार यांनी राज्यमंत्री अनुराग ठाकूर यांची  दिल्लीत भेट घेतली आहे.

Delhi: NCP Chief Sharad Pawar met MoS Finance Anurag Thakur over issue of revival of Punjab and Maharashtra Co-operative(PMC) Bank pic.twitter.com/SnUsq78Vqr

— ANI (@ANI) January 13, 2020

'आज के शिवाजी नरेंद्र मोदी' पुस्तकावरुन पुणे फर्ग्युसन कॉलेजमध्ये विद्यार्थ्यांनी आंदोलन सुरु करण्यात आले आहे. तसेच छत्रपती शिवजी महाराज यांची तुलना केल्याने लेखक आणि नरेंद्र मोदी निषेध करण्यात येत आहे. तसेच या पुस्तकाला राज्यभरातून विरोध दर्शवला जात आहे. 

पंतप्रधान नरेंद्र मोदी यांची छत्रपती शिवरायांसोबत तुलना केल्याने शिवसेना आक्रमक झाली आहे. तर नाशिक येथे  'आज के शिवाजी नरेंद्र मोदी' या  पुस्तक प्रकाशनाच्या प्रतिमेला जोडे मारो आंदोलन सुरु करण्यात आले आहे. त्याचसोबत शिवसेनेच्या कार्यकर्त्यांकडून भाजप नेत्यांचे बॅनर सुद्धा जाळण्यात येत आहेत. 

राज्य सरकार आणि मुंबई महापालिकेकडून येणारा निधी रखडला गेल्याने वाडिया रुग्णालय बंद होण्याच्या वाटेवर चालले आहे. निधी अभावी शस्रक्रिया आणि बाह्यरुग्ण विभाग बंद करण्यात येत आहेत. यामुळे उपचारासाठी दाखल झालेल्या रुग्णांचे हाल होत आहेत. तर रुग्णालयातील कर्मचाऱ्यांनी आंदोलन करण्यास सुरुवात केली आहे. 

'आज के शिवाजी'  पुस्तकावरुन राष्ट्रवादीचे नेते छगन भुजबळ यांनी टीका केली आहे. त्याचसोबत छत्रपती शिवाजी महाराज यांनी सर्वांना सोबत घेऊन स्वराज्य घडवले असल्याची भावना व्यक्त केली. त्यामुळे शिवाजी महाराज आणि नरेंद्र मोदी यांची तुलना कधीच केली जाऊ नये. 

छत्रपती शिवाजी महाराज हे राज्याचे दैवत आहे. छत्रपती शिवाजी महाराज यांच्यासोबत पंतप्रधोन मोदी यांची तुलना चुकीची आहे.  महाराष्ट्राच्या आणि भाजपच्या नेत्यांनी याबाबत आपली भूमिका स्पष्ट करावी, असे संजय राऊत यांनी म्हटले आहे.

शेअर बाजारात आज तेजी येत सेनसेक्स 248.34 ने वधारला असून 41,848.06 वर पोहचला आहे.

Sensex at 41,848.06 points, up by 248.34 points pic.twitter.com/9KXASigGe8

— ANI (@ANI) January 13, 2020

लष्करलप्रमुख जनरल मनोज नरवणे यांनी केलेल्या एका विधानावरुन शिवसेना मुखपत्र दै. सामनातून केंद्र सरकार आणि पर्यायाने पंतप्रधान नरेंद्र मोदी यांच्यावर निशाणा साधण्यात आला आहे. देशातील तुकडे तुकडे गँग संपवायची असेल तर, लष्करप्रमुखांना आदेश द्या, असे सामनामध्ये म्हटले आहे. केंद्र सरकारने आदेश दिल्यास पाकव्याप्त कश्मीर ताब्यात घेऊ, असे विधान जनरल नरवणे यांनी केले होते. या विधानाचा धागा पकडत केंद्र सरकारवर शिवसेनेने मुखपत्र सामनातूून टीकास्त्र सोडले आहे.

पाटणकोट येथे गुरुदासपुरचे भाजप खासदार सनी देओल यांचे बेपत्ता झाल्याचे पोस्टर झळकवण्यात आले आहेत.

Punjab: 'Missing' posters of Sunny Deol, BJP MP from Gurdaspur constituency, seen in Pathankot pic.twitter.com/SHGpMsxlaq

— ANI (@ANI) January 13, 2020

छत्रपती शिवाजी महाराज यांच्यासोबत पंतप्रधान नरेंद्र मोदी यांची तुलना करणारे पुस्तक प्रकाशित केल्याने काँग्रेस कडून नागपूर येथील नंदनवन पोलीस स्थानकात गुन्हा दाखल करण्यात आला आहे.