41st GST Council Meeting: अर्थमंत्री निर्मला सीतारमण यांच्या अध्यक्षतेखाली जीएसटी काऊन्सिलची आज 41 वी बैठक; राज्यांच्या GST भरपाईवर चर्चा होण्याची शक्यता

वस्तू आणि सेवा कर काऊन्सिंलची 41 वी बैठक (41st GST Council Meeting) आज (27 ऑगस्ट) होणार आहे. अर्थमंत्री निर्मला सीतारमण (Finance Minister Nirmala Sitharaman) यांच्या अध्यक्षतेखाली व्हिडिओ कॉन्फरन्सिंगच्या माध्यमातून ही बैठक पार पडेल. MoS वित्त अनुराग ठाकूर (MoS Finance Anurag Thakur) यांच्याशिवाय राज्य व केंद्रशासित प्रदेशांचे वित्तमंत्री आणि केंद्र सरकार व राज्यातील वरिष्ठ अधिकारी उपस्थित असतील. अशी माहिती अर्थ मंत्रालयाकडून देण्यात आली आहे. दरम्यान कोरोना व्हायरस (Coronavirus) संकटामुळे सर्वच राज्यांचे मोठे आर्थिक नुकसान झाले आहे. त्यात जीएसटीची भरपाई कशी करता येईल, हा बैठकीतील सर्वांत महत्त्वाचा मुद्दा असू शकतो.

रिपोर्टनुसार, कोरोना व्हायरस संकटामुळे मे, जून, जुलै आणि ऑगस्ट या चार महिन्यात राज्यांना नुकसान भरपाई मिळू शकलेली नाही. म्हणून या बैठकीत राज्यांना नुकसान भरपाई कशी द्यावी यावर विचार होऊ शकतो. (GST भरण्यास विलंब झाल्यास होऊ शकते मोठे नुकसान; 1 सप्टेंबरपासून Net Tax Liability वर आकारले जाणार व्याज)

ANI Tweet: 

Finance Minister Nirmala Sitharaman will chair the 41st GST Council meeting today via video conferencing. The meeting will be attended by MoS Finance Anurag Thakur besides Finance Ministers of states & UTs and senior officers from Union Government & states: Ministry of Finance pic.twitter.com/OscTSrEfnv

— ANI (@ANI) August 27, 2020

नियमांनुसार, जीएसटी कलेक्शनमधील सुमारे 14% भाग राज्यांना देणे अनिवार्य आहे. जुलै 2017 मध्ये मोदी सरकारकडून जीएसटी लागू करण्यात आला होता. पहिल्या पाच वर्षात झालेल्या कोणत्याही महसुलाचे नुकसान लक्षात घेऊन केंद्राकडून नुकसान भरपाई देण्यात येईल, जीएसटी कायद्यांतर्गत राज्यांना सांगण्यात आले होते. परंतु, कोरोनाच्या संकटामुळे आता केंद्र आणि राज्य यांच्यात हा वादाचा विषय बनला आहे.

(The above story first appeared on LatestLY on Aug 27, 2020 09:35 AM IST. For more news and updates on politics, world, sports, entertainment and lifestyle, log on to our website latestly.com).