Akasa Air Recruitment: कर्मचारी कपातीच्या काळात आशेचा किरण; अकासा एअर करणार 1,000 जणांची भरती
केवळ 7 महिन्यांपूर्वी बाजारात दाखल झालेली अकासा एअर या वर्षाच्या अखेरीस आंतरराष्ट्रीय उड्डाणे सुरू करण्याचा विचार करत आहे. कंपनीने 2023 च्या अखेरीस 100 हून अधिक नवीन विमाने ऑर्डर करण्याची योजना आखली आहे.
लवकरच देशातील विमान वाहतूक क्षेत्रात मोठी तेजी पाहायला मिळू शकते. एकीकडे जेवरसारखे नवीन विमानतळ बांधले जात आहेत, तर दुसरीकडे, जेट एअरवेज परतणार आहे. यासह टाटा समूहाच्या नेतृत्वाखाली एअर इंडियाने स्वतःला पुन्हा जागतिक एअरलाइन बनवण्याची योजना आखली आहे. अशात नवीन एअरलाइन्स अकासा एअर (Akasa Air) देखील उंच उडण्याच्या प्रयत्नात सामील झाली आहे. शेकडो नवीन विमानांची ऑर्डर देण्याबरोबरच कंपनी 1,000 जणांची भरतीही करणार आहे.
राकेश झुनझुनवाला यांच्या गुंतवणुकीमुळे अकासा एअर आपल्या कार्याचा विस्तार करण्याच्या योजनेवर काम करत आहे. यासाठी, एकीकडे, कंपनीचे विमान उड्डाण सेवेत सुधारणा करण्याचे नियोजन आहे आणि दुसरीकडे, कंपनी आपली एकूण कर्मचारी संख्या 3,000 पर्यंत वाढवणार आहे. अकासा एअरचे सीईओ विनय दुबे यांनी एजन्सीला दिलेल्या मुलाखतीत सांगितले की, कंपनी मार्च 2024 पर्यंत 1,000 लोकांची भरती करेल. त्याद्वारे कंपनीची एकूण कर्मचारी संख्या 3,000 च्या जाईल. यामध्ये सुमारे 1,100 फक्त पायलट आणि फ्लाइट अटेंडंट असतील.
केवळ 7 महिन्यांपूर्वी बाजारात दाखल झालेली अकासा एअर या वर्षाच्या अखेरीस आंतरराष्ट्रीय उड्डाणे सुरू करण्याचा विचार करत आहे. कंपनीने 2023 च्या अखेरीस 100 हून अधिक नवीन विमाने ऑर्डर करण्याची योजना आखली आहे. आकासा एअरने सध्या 72 बोईंग 737 मॅक्स विमानांची ऑर्डर दिली आहे. यापैकी 19 विमाने आधीच ताफ्यात सामील झाली असून, एप्रिलमध्ये 20वे विमान मिळणार आहे. यामुळे कंपनी आंतरराष्ट्रीय उड्डाणेही सुरू करू शकणार आहे. 72 विमानांसाठी कंपनीची ऑर्डर 2027 पर्यंत पूर्ण होईल. (हेही वाचा: BrahMos missiles: ब्रह्मोस क्षेपणास्त्राची लोकप्रियता वाढत आहे, करारासाठी दक्षिण पूर्व आशिया आणि मध्य पूर्व देशाशी भारताची चर्चा)
कंपनी पुढील आर्थिक वर्षात आपल्या ताफ्यात 9 विमानांची भर घालणार आहे. सध्या कंपनी दररोज 110 उड्डाणे चालवते. उन्हाळी हंगामाच्या अखेरीस ती 150 उड्डाणे करण्यात येणार आहे. आकासा एअरने देशांतर्गत बाजारात 3.61 लाख कंपन्यांना आपली सेवा दिली आहे. दुसरीकडे, वेळेवर कामगिरीच्या बाबतीत, अकासा एअरची 87 टक्के उड्डाणे वेळेवर पोहोचली आहेत. दरम्यान, एअर इंडियानेही 2023 च्या अखेरीस 5,000 हून अधिक लोकांची भरती करण्याची घोषणा केली आहे. यामध्ये सुमारे 4,200 केबिन क्रू आणि सुमारे 900 वैमानिकांची भरती केली जाणार आहे. सध्या एअर इंडियाकडे 1600 पायलट आहेत.
(The above story first appeared on LatestLY on Mar 25, 2023 04:09 PM IST. For more news and updates on politics, world, sports, entertainment and lifestyle, log on to our website latestly.com).
