7th Pay Commission: केंद्र सरकार कर्मचार्यांच्या पगार Rs 49,420 ने वाढणार? इथे पहा Fitment Factor चा पगारावर कसा होऊ शकतो परिणाम
7 व्या CPC नुसार सरकारी कर्मचाऱ्यांचा फिटमेंट फॅक्टर 2.57 आहे. केंद्राने फिटमेंट फॅक्टर वाढीला मान्यता दिल्यास सरकारी कर्मचाऱ्यांच्या पगारातही वाढ होण्याची शक्यता आहे.
केंद्रीय कर्मचार्यांना (Central Government Employee) एचआरए (HRA) मध्ये वाढ आणि डीए (DA) ची थकबाकी अद्याप मिळणं बाकी आहे. त्यामुळे याची वाट बघणार्यांसाठी एक गूड न्यूज आहे. मीडीया रिपोर्ट्सनुसार केंद्र सरकार आपल्या कर्मचार्यांसाठी फिटमेंट फॅक्टर (Fitment Factor) वाढवण्याच्या तयारीमध्ये आहे. वर्ष 2023 च्या शेवटी फीटमेंट फॅक्टर वाढी बाबतचा निर्णय होऊ शकतो. मागील अनेक वर्षांपासून केंद्र सरकारी कर्मचारी 7व्या वेतन आयोगाच्या शिफारसीनुसार, फिटमेंट फॅक्टर मध्ये वाढ करण्याची मागणी करत आहेत. रिपोर्ट्सनुसार त्यांचा फिटमेंट फॅक्टर 2.57 पट वरून 3.68 पट वाढवण्याची मागणी आहे.
फिटमेंट फॅक्टर म्हणजे 7 व्या CPC अंतर्गत सर्व केंद्रीय सरकारी कर्मचार्यांना दिलेल्या विशिष्ट घटकाद्वारे मूळ वेतन (मूलभूत वेतन) मध्ये बदल करणे. केंद्राने नुकताच डीए 4 टक्क्यांनी वाढवला आहे. यासोबतच, फिटमेंट फॅक्टर वाढवण्याची मागणीही जोर धरत आहे. अहवालांवर विश्वास ठेवला तर सरकार 2023 च्या अखेरीस यावर निर्णय घेण्याची शक्यता आहे.
सध्या, 7 व्या CPC नुसार सरकारी कर्मचाऱ्यांचा फिटमेंट फॅक्टर 2.57 आहे. केंद्राने फिटमेंट फॅक्टर वाढीला मान्यता दिल्यास सरकारी कर्मचाऱ्यांच्या पगारातही वाढ होण्याची शक्यता आहे. सध्या 2.57 चा फिटमेंट फॅक्टर प्राप्त करणार्या केंद्र सरकारच्या कर्मचार्यांना ते 3.68 पट वाढवायचे आहे. नक्की वाचा: 7th Pay Commission: केंद्रीय कर्मचाऱ्यांसाठी खुशखबर! जानेवारी 2023 मध्ये 'इतका' वाढणार DA; पगारात किती वाढ होणार? जाणून घ्या.
सध्याच्या फिटमेंट फॅक्टर दरानुसार, सरकारी कर्मचाऱ्याचा पगार रु. 18,000 X 2.57 = रु. 46,260 आहे. जर 3.68 पट वाढ मंजूर झाली तर सरकारी कर्मचार्याचा पगार रु. 26,000 X 3.68 = रु. 95,680 होईल. त्याचप्रमाणे, केंद्राने 3 पट फिटमेंट फॅक्टर वाढ स्वीकारल्यास सरकारी कर्मचाऱ्याचा पगार 21,000 रुपये X 3 = 63,000 रुपये होईल.
दरम्यान, अहवाल असेही सूचित करतात की सरकार पुढील DA वाढ मार्च 2023 पर्यंत जाहीर करण्याची शक्यता आहे, जी आतापासून तीन महिन्यांनी आहे. केंद्र सरकार महागाई भत्ता 38 टक्क्यांवरून 42 टक्क्यांपर्यंत वाढवण्याची शक्यता आहे.
(The above story first appeared on LatestLY on Nov 25, 2022 03:49 PM IST. For more news and updates on politics, world, sports, entertainment and lifestyle, log on to our website latestly.com).
