भांडूप येथे  कपड्यांच्या गोदामाला लागलेल्या आगीत आतापर्यंत कोणतीही जीवितहानी झाली नसल्याची माहिती मिळत आहे. तसेच आग विझविण्याचे प्रयत्न सुरु असल्याचे सांगण्यात येत आहे.

एंटी डिफेक्शन कायद्यांतर्गत आमदार अपात्र ठरल्यास, तो जरी विधानपरिषद सदस्य म्हणून नामित झाला असला तरी, सभागृहाच्या उर्वरित मुदतीपर्यंत त्याची मंत्रीपदी नियुक्ती करता येणार नाही- सर्वोच्च न्यायालय

भांडूपच्या सोनापूरमधील कपड्यांच्या गोदामाला भीषण आग लागली आहे. अग्निशमन दलाच्या आठ गाड्या घटनास्थळी दाखल झाल्या असून आग विझवण्याचे प्रयत्न सुरु आहेत.  

कर्नाटक मध्ये मागील 24 तासांत 550 नवे कोरोनाचे रुग्ण आढळले असून एकूण कोरोना बाधितांची संख्या 9,37,933 वर पोहोचली आहे.

मुंबईत आज दिवसभरात 511 कोरोनाचे रुग्ण बरे झाले असून आतापर्यंत एकूण 3,07,563 रुग्णांनी कोरोनावर मात केली आहे.

मनी लॉन्ड्रिंग प्रकरणी ओमकार ग्रुपचे अध्यक्ष कमल किशोर गुप्ता आणि व्यवस्थापकीय संचालक बाबूलाल वर्मा यांची येत्या 30 जानेवारी पर्यंत ED कोठडी सुनावण्यात आली आहे.

आम्ही आत्महत्या करु पण कृषी बिल रद्द होत नाहीत तो पर्यंत आंदोलन संपवणार नाही असे शेतकऱ्यांचे नेते राकेश टिकैत यांनी म्हटले आहे.

Comrade Balwinder Singh Sandhu's Murder Case प्रकरणी इंद्रजित सिंह याला अटक करण्यात आली आहे.

श्री विनायक विष्णू खेडेकर यांना गावडा आदिवासी संस्कृतीचे जतन केल्याबद्दल पद्मश्री पुरस्कार जाहीर करण्यात आला आहे.

महाराष्ट्रात आज कोरोनाचे आणखी 2889 रुग्ण आढळले असून 50 जणांचा बळी  गेला आहे.

Load More

प्रजासत्ताक दिनी राजधानी दिल्लीत शेतकऱ्यांनी काढलेल्या ट्रॅक्टर रॅलीला हिंसक वळण लागले. त्यामुळे ऐन प्रजासत्ताक दिनी राजधानी दिल्लीत अभूतपूर्व गदारोळ आणि तणाव पाहायला मिळाला. या सर्व प्रकारानंतर आता देशाच्या संसदेवर 1 फेब्रुवारी रोजी काढण्यात येणारा नियोजित शेतकरी मोर्चा रद्द करण्याचा निर्णय घेण्यात आला आहे. दरम्यान, दिल्लीत झालेल्या हिंसाचारानंतर शेतकरी आंदोलनातही फूट पडल्याचे चित्र आहे. या आंदोलनातून दोन शेतकरी संघटनांनी माघार घेतली आहे.

केंद्र सरकारने संसदेत मंजूर केलेले शेतकरी कायदे मागे घेण्यासाठी देशभरातील शेतकरी आक्रमक झाले आहेत. यात प्रामुख्याने पंजाब आणि हरियाणा राज्यातील शेतकऱ्यांचा समावेश आहे. गेले 2 महिन्यांहून अधिक काळ हे शेतकरी उन, वारा, पाऊस, थंडी यांचा काहीही विचार न करता सिंघु सीमेवर ठाण मांडून आहेत. केंद्र सरकार आणि हे शेतकरी यांच्यात आतापर्यंत 12 वेळा चर्चा झाली आहे. परंतू प्रत्येक वेळी चर्चा निष्फळ ठरताना दिसत आहे.

दरम्यान, दिल्ली हिंसाचारात आतापर्यंत 37 नेत्यांविरोधात गुन्हे दाखल जाले आहेत. तर ,19 जणांना अटक करण्यात आल्याचे वृत्त आहे. या सर्व प्रकारानंतर आता आंदोलनाचे पुढे काय होणार याबाबत उत्सुकता आहे.

दरम्यान, कोरोना व्हायरस संसर्ग टाळण्यासाठी घातलेल्या कडक बंधनांमधून महाराष्ट्र हळूहळू सुटत आहे. केंद्र सरकारने नुकतीच नव्याने आदेश काढत कोरोना निर्बंधांना शिथिलता दिली आहे. केंद्र सरकारने जाहीर केलेल्या नव्या मार्गदर्शक सुचनांमध्ये चित्रपटगृहे, नाट्यगृहे अधिक प्रमाणावर खुली करण्याची परवानगी आहे. तर, जलतरण तलाव सर्वांसाठी खुले करण्यासही केंद्राने मान्यता दिली आहे.

दरम्यान, शेतकरी आंदोलनासोबतच शेती, क्रीडा, साहित्य, समाज, संस्कृती, विज्ञान, अर्थकारण, राजकारण, उद्योगविश्व, इंटरनेट, डिजिटल वर्ल्ड आणि इतर क्षेत्रातील घटना घडामोडींचा ताजा तपशील जाणून घेण्यासाठी लेटेस्टली मराठी लाईव्ह ब्लॉगसोबत जोडलेले राहा.