उत्तर प्रदेशातील कोरोनाच्या परिस्थिती संदर्भात केंद्रीय आरोग्यमंत्री हर्षवर्धन यांनी व्हिडिओ कॉन्फरन्सिंगच्या माध्यमातून आढावा बैठक घेतली.

अरुणाचल प्रदेशात कोरोनाचे आणखी 68 रुग्ण आढळले आहेत.

केरळ येथे कोरोनाचे आणखी 8511 रुग्ण आढळले असून 26 जणांचा बळी गेला आहे.

अंदमान निकोबार येथे कोरोनाचे आणखी 23 रुग्ण आढळले असून आकडा 4207 वर पोहचला आहे.

छत्तीसगढ येथे कोरोनाच्या रुग्णांचा आकडा 1,72,580 वर पोहचला असून आणखी 2450 रुग्णांची भर पडली आहे.

सुदान ची इस्राईल सोबत शांतता व सामान्यीकरणाच्या करारावर सहमती दर्शवल्याची माहिती युएस राष्ट्राध्यक्ष डोनाल्ड ट्रंम्प यांनी म्हटले आहे.

पश्चिम बंगाल येथे दुर्गा पूजेच्या मंडपात आरोग्य कर्मचाऱ्यांना सलाम करणारे  पुतळे उभारण्यात आले आहेत.

महाराष्ट्र सरकारकडून बेस्टला पूर्ण क्षमतेने प्रवास करण्याची परवानगी दिली आहे. ट्विट-

 

मुंबईत आज आणखी 1 हजार 470 कोरोनाबाधितांची नोंद झाली आहे. तर, 48 जणांचा मृत्यू झाला आहे. ज्यामुळे मुंबईतील एकूण कोरोनाबाधितांची संख्या 2 लाख 48 हजार 804 वर पोहचली आहे. ट्विट-

 

मुंबईतील सिटी सेंटर मॉलला लागलेली आग विझवण्यासाठी अद्याप प्रयत्न सुरुच आहेत.

Load More

मुंबईतील नागपाडा भागातील सीटी सेंटर मॉलला काल रात्री आग लागली. ही आग लेव्हल-5 ची होती. घटनेची माहिती मिळताच अग्निशमन दल घटनास्थळी रवाना झाले असून आगीवर नियंत्रण मिळवण्याचे काम सुरु होते. मात्र यात अग्निशमन दलाचे दोन जवान जखमी झाले आहेत.

देशात सध्या बिहार निवडणूकांचे वारे वाहत आहेत. निवडणूकीच्या पार्श्वभूमीवर आज पंतप्रधान नरेंद्र मोदी बिहारचा दौरा करणार आहेत. यासाठी सासाराम मधील बियाडा मैदानावर जय्यत तयारी सुरु आहे. 27 ऑक्टोबर रोजी बिहार निवडणूकीचा पहिला टप्पा पार पडणार आहे.

दरम्यान, महाराष्ट्रात राजकारणात सध्या एकनाथ खडसे यांची चर्चा आहे. भाजप पक्षाचा राजीनामा दिल्यानंतर आज एकनाथ खडसे राष्ट्रवादी काँग्रेस पक्षात प्रवेश करणार आहेत.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या. 

कोरोना व्हायरसचे संकट देशात कायम आहे. देशातील कोरोनाचा संसर्ग नियंत्रणात ठेवण्यात प्रशासनाला बऱ्याच अंशी यश येत आहे. सध्या देशात 7706947 कोरोना बाधित रुग्ण असून त्यापैकी 6874519 रुग्णांनी कोरोनावर मात केली आहे. तर 715812 सक्रीय रुग्ण आहेत. दरम्यान, आतापर्यंत 116616 रुग्णांचा कोरोना संसर्गामुळे मृत्यू झाला आहे. येणारा पुढील काळ सणासुदीचा असल्याने कोरोनाचा संसर्ग वाढू नये म्हणून विशेष खबरदारी घेण्याचे आवाहन प्रशासनाकडून करण्यात येत आहे.