नागपाडा येथील मॉलला लागलेली आग ही Level-3 असल्याचे जाहीर करण्यात आले असून 8 अग्निशमन दलाच्या गाड्या घटनास्थळी दाखल झाल्या आहेत.

राजस्थान मधील जयपूर येथे IPL साठी सट्टेबाजीचा पर्दाफाश करण्यात आला असून पोलिसांकडून चार जणांना अटक केली आहे.

पुणे शहरामध्ये आज दिवसभरात कोरोना विषाणूच्या 818 रुग्णांना डिस्चार्ज देण्यात आला असून, पुणे शहरातील एकूण डिस्चार्ज संख्या 1 लाख 46 हजार 912 झाली आहे.

महाराष्ट्र: मुंबईतील नागपाडा परिसरातील मॉलमध्ये भीषण आग लागली आहे. सध्या तरी यामध्ये कोणतीही जीवितहानी झाली नसल्याची माहिती मिळत आहे.

वकील अली काशिफ खान देशमुख यांनी कंगना रनौत विरोधात अंधेरी दंडाधिकारी न्यायालयात आणखी एक फौजदारी तक्रार दाखल केली आहे. यामध्ये राजद्रोह, हिंदु-मुस्लिमांमध्ये तणाव निर्माण करणे आणि सरकारचा उल्लेख 'पप्पू सेना' असा करून चेष्टा केल्याचा आरोप आहे.

गाझियाबाद, नोएडा, फरीदाबादच्या मोठ्या भागात हवेची गुणवत्ता 'अत्यंत खराब' प्रकारात कायम आहे; केंद्रीय प्रदूषण नियंत्रण मंडळाने मेंटेन केलेल्या एअर क्वालिटी इंडेक्स (एक्यूआय) नुसार गुडगावचे प्रमाण तुलनेने चांगले आहे.

मुंबईमध्ये आज कोरोना विषाणूच्या 1,463 रुग्णांची नोंद झाली असून, एकूण संक्रमितांची संख्या 2,47,334 झाली आहे. तसेच आज 49 रुग्णांचा मृत्यू झाला असून, एकूण मृत्यूंची संख्या 9,918 वर गेली आहे. 

गुजरात येथे कोरोनाचे 1136 नवे रुग्ण आढळल्याने आकडा 1,64,121 वर पोहचला आहे.

दिल्लीत कोरोनाचे आणखी 3882 रुग्ण आढळले असून गेल्या 24 तासात 35 जणांचा बळी गेला आहे.

मध्य प्रदेशात कोरोनाचे आणखी 1045 रुग्ण आढळले असून 14 जणांचा बळी गेला आहे.

Load More

राजस्थान, छत्तीसगड आणि पश्चिम बंगाल पाठोपाठ आता महाराष्ट्रानेही राज्यात परस्पर सीबीआय तपासाला बंदी घातली आहे. महाविकास आघाडी सरकारने आता केलेल्या नियमबदलानुसार, राज्यांत जर सीबीआयला तपास करायचा असेल तर त्यासाठी सरकाराची परवानगी घेणं गराजेचे असेल.

दरम्यान भारतामध्ये सध्या शारदीय नवरात्र सुरू आहे. कोरोनाच्या सावटामुळे त्याच्या सेलिब्रेशनवर बंधनं असली तरीही नागरिक सावधपणे हा सण साजरा करत आहेत. आज षष्ठी म्हणजे सहावा दिवस असल्याने आता नवरात्रीमध्ये दुर्गापुजेचा उत्सवदेखील सुरू झाला आहे. पश्चिम बंगालसह राज्यभर दुर्गा मातेचं रूपन पुढील 4 दिवस केले जाईल.

देशासह महाराष्ट्रातही आता कोरोनाबाधितांचा आकडा दिवसागणिक कमी होत आहे. यामध्ये मुंबईतही कोरोना रूग्ण दुपटीचा दर 100 दिवसांच्या पार गेला आहे. त्यामुळे सर्वत्र आरोग्य यंत्रणेवरील ताण कमी होत असताना दिसत आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या. 

यंदा ऐन ऑक्टोबरमध्येही पावसाचा धुमाकूळ सुरू आहे. केंद्रीय मंत्री रामदास आठवले आज अतिवृष्टीमुळे नुकसानग्रस्त भागाचा दौरा करण्यासाठी बाहेर पडणार आहेत.