पंतप्रधान नरेंद्र मोदी यांच्या सोशल मीडियाला रामराम करण्याच्या विचाराने ट्वीटरवर #NoSir हॅशटॅग ट्रेन्ड होत आहे. 

इटली येथे कोरोना व्हायरसमुळे 18-52 जणांचा मृत्यू झाल्याची माहिती देण्यात आली आहे.

Death toll of patients who tested positive for #coronavirus in Italy rises by 18 to 52, official says, adding that total number of confirmed cases rises above 2,000: Reuters

— ANI (@ANI) March 2, 2020

राष्ट्रवादी नेत्या विद्या चव्हाण आणि परिवाराच्या विरोधात सुनेचा छळ केल्याच्या आरोपाखाली गुन्हा दाखल करण्यात आला आहे.

NCP leader Vidya Chavan and her family has been booked, in a case under the sections 498A, 354, 323, 504, 506 and 34 IPC, for alleged harassment of her daughter-in-law

— ANI (@ANI) March 2, 2020

पंतप्रधान नरेंद्र मोदी यांच्या पाठोपाठ अमृता फडणवीस यांची सुद्धा सोशल मीडिया सोडण्याची घोषणा केली आहे.

Sometimes it’s the smallest decision that can change our life forever ! I will follow the path of my leader !! https://t.co/D7l1iZcosS

— AMRUTA FADNAVIS (@fadnavis_amruta) March 2, 2020

पंतप्रधान नरेंद्र मोदी युट्युब, फेसबुक, ट्वीटरवरुन बाहेर पडण्याचा विचार करत असून येत्या रविवार पर्यंत निर्णय घेण्याची शक्यता आहे. 

कोरोनामुळे इराणमध्ये अडकून पडलेल्या 34 कोल्हापूरकरांना मदत करण्याची विनंती राष्ट्रवादी काँग्रेसच्या खासदार सुप्रिया सुळे यांनी परराष्ट्रमंत्री एस जयशंकर यांच्याकडे केली आहे.

कोरोना व्हायरसच्या भीतीने विमानवाहतूक बंद केल्यामुळे कोल्हापूर व परिसरातील ३४ जण इराण येथे अडकले आहेत. @DrSJaishankar जी आपणास विनंती आहे की कृपया या सर्वांना मायदेशी परत आणण्यासाठी प्रयत्न करावेत.त्यांची नावे व पासपोर्टचा तपशील आदि माहिती सोबत जोडली आहे.

— Supriya Sule (@supriya_sule) March 2, 2020

मध्य रेल्वे मार्गावर धावणारी एसी लोकल महिला कर्मचार्‍यांनी चालविली.

#EachforEqual
First AC Suburban train on Central Railway piloted by all women crew. pic.twitter.com/epIn1BfyF9

— Ministry of Railways (@RailMinIndia) March 2, 2020

महाराष्ट्र-गुजरात सीमेवरील असलेल्या सोनगड शहराजवळ बस-टॅकर आणि क्रुझरचा भीषण अपघात झाला आहे. या अपघातात 9 जणांचा मृत्यू झाला असून 24 प्रवाशी गंभीर जखमी झाले आहेत. 

पुण्यातील लोणीकंद-केसनंद परिसरातील रस्त्याच्या कडेला कचऱ्यामध्ये अज्ञात महिलेचा कुजलेल्या अवस्थेतील मृतदेह आढळला आहे. प्राथमिक अंदाजानुसार, महिलेचा खून करून पुरावा नष्ट करण्याच्या हेतूने मृतदेह कचऱ्यात आणून टाकला असल्याचा अंदाज वर्तवण्यात येत आहे. या प्रकरणी लोणीकंद पोलीस ठाण्यात खुनाचा गुन्हा दाखल करण्यात आला आहे.

निर्भया प्रकरण: दिल्लीच्या पटियाला हाउस कोर्टाने निर्भया प्रकरणातील चारही आरोपींच्या फाशीच्या शिक्षेवर स्थगिती आणण्याचा आदेश दिला आहे.

2012 Delhi gang-rape case: A Delhi Court has deferred the matter as the mercy petition of one of the convicts, Pawan is pending before the President of India https://t.co/rwEpu1VLWk

— ANI (@ANI) March 2, 2020

आसाममधील गोहपूर पोलिस ठाण्याच्या हद्दीत 28 फेब्रुवारी रोजी एका 12 वर्षाच्या मुलीवर सामूहिक बलात्कार करून तिचा खून करण्यात आला आहे. या प्रकरणी पोलिसांनी आरोपीला ताब्यात घेतले आहे.

Assam: A 12-year-old girl allegedly gang-raped & murdered on 28th Feb in Sakal village under Gohpur police station limits in Biswanath Dist. SJ Saikia, Addl Superintendent of Police, Biswanath says, "We've arrested 7 juveniles & will present them in court.Further probe underway". pic.twitter.com/wVtbd09YOI

— ANI (@ANI) March 2, 2020

सांस्कृतिक कार्य विभागामार्फत दरवर्षी विविध 12 प्रकारचे राज्य सांस्कृतिक पुरस्कार प्रदान केले जातात. यावर्षीपासून मराठी नाट्यकला क्षेत्रात लक्षणीय कार्य करणाऱ्या कलावंतास 'नटसम्राट डॉ. श्रीराम लागू' यांच्या नावाने पुरस्कार देण्यात येणार आहे. यासंदर्भात शासन निर्णय जारी करण्यात आला आहे.

सांस्कृतिक कार्य विभागामार्फत दरवर्षी विविध १२ प्रकारचे राज्य सांस्कृतिक पुरस्कार प्रदान केले जातात, यावर्षीपासून मराठी नाट्यकला क्षेत्रात लक्षणीय कार्य करणाऱ्या कलावंतास 'नटसम्राट डॉ. श्रीराम लागू' यांच्या नावाने पुरस्कार देण्यात येणार- शासन निर्णय जारी.

— MAHARASHTRA DGIPR (@MahaDGIPR) March 2, 2020

आज सकाळी लासलगावमध्ये कांदा निर्यातबंदी हटविण्याबाबत शेतक-यांनी सुरु केलेलं आंदोलन हळूहळू पेट घेत अनेक जिल्ह्यांत पोहोचले. त्यावर तोडगा काढत सरकारने आता कांदा विदेशात पाठविण्याचा मार्ग मोकळा केला आहे. येत्या 15 मार्चपासून कांदा निर्यात होणे सुरु होणार आहे. याबाबत आज संध्याकाळ पर्यंत अधिसूचना जारी केली जाईल अशी माहिती खासदार भारती पवार यांनी दिली आहे. 

निर्भया सामूहिक बलात्कार प्रकरणी आरोपी पवन कुमार याची राष्ट्रपतींकडे पाठवलेली दया याचिका राष्ट्रपती रामनाथ कोविंद यांनी फेटाळली आहे. त्यामुळे उद्याच म्हणजेच 3 मार्च ला पवन कुमार, विनय कुमार, अक्षय सिंह आणि मुकेश सिंह या चौघांना सकाळी 6:00 वाजता फाशी होणार आहे.

#Breaking | President Ram Nath Kovind rejects Nirbahya rape convict Pawan's mercy petition. pic.twitter.com/SrlqlCTra6

— TIMES NOW (@TimesNow) March 2, 2020

काँग्रेसचे ज्येष्ठ नेते दिग्विजय सिंह यांनी ANI वृत्तसंस्थेला दिलेल्या मुलाखतीत एक धक्कादायक खुलासा केला आहे. यात त्यांनी मध्य प्रदेशात भाजप पक्षाकडून काँग्रेसचे आमदार खरेदी करण्याचा प्रयत्न केला गेल्याचे त्यांनी सांगितले आहे.

BJP leaders trying to buy Congress MLAs in MP, alleges Digvijaya Singh

Read @ANI Story | https://t.co/glGZ6c3fD8 pic.twitter.com/Equ7jgIuPm

— ANI Digital (@ani_digital) March 2, 2020

निर्भया प्रकरणातील आरोपी पवन गुप्ता याने दिल्ली पटियाला हाऊस कोर्टोत दया याचिका दाखल केली आहे. मात्र, दिल्ली पटियाला हाऊस कोर्टाने दोषी पवन गुप्ता याच्या याचिकेवरील निर्णय राखून ठेवला आहे.  ट्वीट-

Nirbhaya Case: Delhi's Patiala House Court reserved the order on convict Pawan Gupta's plea which sought a stay on the execution as his mercy petition is pending before the President of India

— ANI (@ANI) March 2, 2020

भारतात कोरोना व्हायरसचे 2 रूग्ण आढळले असल्याची धक्कादायक माहिती समोर आली आहे. एक दिल्लीत तर, दुसरा रुग्ण तेलंगणा येथे आढळल्याचे समजत आहे. यामुळे नागरिकांमध्ये भितीजनक वातावरण निर्माण झाले आहे. 

Government of India: Two more cases of #COVID19 reported, one each from New Delhi & Telangana. Both the patients are stable and being closely monitored. pic.twitter.com/BkrL6qmLUK

— ANI (@ANI) March 2, 2020

शिक्षणात आणि नोकरीत आरक्षण न्याय मिळावा यासाठी गेल्या अनेक दिवसांपासून आझाद मैदानात मराठा समाज लढा देत आहे. यातच खासदार संभाजीराजे भोसले यांनी आंदोलकर्त्यांची भेट घेतल्यानंतर आक्रमक भुमिका साकारली आहे. मराठा समाजाला न्याय मिळालाच पाहिजे असे प्रसारमाध्यमांशी बोलताना ते म्हणाले. तसेच जर काही बरे वाईट झाले तर, त्याला केवळ सरकार जबाबदार असेल, असा इशारही त्यांनी त्यावेळी दिला आहे. 

दिल्ली सामूहिक बलात्कार प्रकरणी आरोपी पवन कुमार याची क्युरेटिव प्ली सुप्रीम कोर्टाने फेटाळल्यानंतर आता त्याच्या वकीलांनी पुन्हा राष्ट्रपतींकडे दया याचिका दाखल केली आहे. पवन कुमार चे वकील ए.पी.सिंह यांनी याबाबत माहिती दिली आहे.

2012 Delhi gangrape case: Advocate AP Singh has informed Delhi's Patiala House Court that death row convict Pawan's mercy petition has been filed before the President. https://t.co/TzPkDdfzvi

— ANI (@ANI) March 2, 2020

दिल्ली हिंसाचाराबाबत पश्चिम बंगालच्या मुख्यमंत्री ममता बॅनर्जी यांनी झालेल्या प्रकाराबाबत दु:ख व्यक्त केले आहे. तसेच दिल्लीत घडलेल्या घटनेचा निषेध केला आहे. हा पूर्वनियोजित कट असल्याचे ही ममता बॅनर्जी यांनी सांगितले आहे.

West Bengal Chief Minister Mamata Banerjee: We are sad and depressed, and condemn the incident that happened in Delhi. I think it's a planned genocide. #DelhiViolence pic.twitter.com/fPh7Dv9IMg

— ANI (@ANI) March 2, 2020

विधानसभेत सुरु असलेल्या अधिवेशनात मुख्यमंत्री उद्धव ठाकरे यांना धनगर समाजाबाबत मोठी घोषणा केली आहे. 'धनगर समाज हा माझा आहे. सर्व समाज आपले आहेत, त्यामुळे सर्वांनी एकत्र येऊन यावर तोडगा काढू' असे मुख्यमंत्री म्हणाले. तसेच धनगर समाजाच्या न्यायासाठी केंद्रात जाण्याचे आश्वासनही मुख्यमंत्री उद्धव ठाकरे यांनी यावेळी दिले. 

मनसे नेते हर्षवर्धन जाधव यांच्यावर अॅट्रोसिटीची तक्रार दाखल करण्यात आली आहे. यावर स्पष्टीकरण देत 'हे माझ्याविरुद्ध षडयंत्र असून मी सेनेविरोधात भूमिका घेतल्याने असे केले जात आहे' असे हर्षवर्धन यांनी प्रसारमाध्यमांशी बोलताना सांगितले. औरंगाबाद येथील एका दलित समाजातील व्यक्तीला शिवीगाळ केल्याप्रकरणी तक्रार दाखल करण्यात आली आहे. प्लॉट शेजारी टाकलेली टपरी काढण्यासाठी ही शिवीगाळ करण्यात आली होती. 

लोकसभेपाठोपाठ राज्यसभेतही दिल्ली हिंसाचाराचे जोरदार पडसाद उमटले. विरोधकांनी केलेल्या गोंधळामुळे राज्यसभेचे कामकाजही 2 वाजेपर्यंत तहकूब करण्यात आले आहे.

Rajya Sabha adjourned till 2 pm after uproar by opposition MPs over #DelhiViolence pic.twitter.com/Z6f0Y53Ek6

— ANI (@ANI) March 2, 2020

कर्जत-भिवपुरी रेल्वे स्थानकांदरम्यान आज सकाळी पावणेदहाच्या सुमारास रुळाला तडा गेला. त्यामुळं मुंबई आणि ठाण्याकडे येणाऱ्या लोकलगाड्या 20 ते 25 मिनिटे उशिराने धावत आहेत. ऐन गर्दीच्या ही समस्या उद्भवल्यामुळे चाकरमान्यांची चांगलीच तारांबळ उडाली. 

नवी मुंबईतील कृषी उत्पन्न बाजार समितीच्या निवडणूकांचे काही निकाल हाती आले असून यात कांदा बटाटा मार्केट मधून अशोक वाळूंज विजयी झाले आहेत. तर मसाला मार्केट मधून विजय भूता विजयी झाले आहेत. त्याचबरोबर दाणा मार्केटमधून निलेश विरा विजयी झाल्याचे सांगण्यात येत आहे. 

मुख्यमंत्री उद्धव ठाकरे यांचे मुंबईतील मूळ निवासस्थान 'मातोश्री' बाहेर आज सकाळी पिस्तुलासह एका कुख्यात दरोडेखोराला अटक करण्यात आली आहे. इर्शाद खान असे या दरोडेखोराचे नाव असून याच्यावर राज्यभरात अनेक गुन्हे दाखल असल्याचे पोलिसांकडून सांगण्यात आले आहे. 

दिल्ली सामूहिक बलात्कार प्रकरणातील 4 आरोपींना उद्या फाशी होणार आहे. यातील एक आरोपी पवनकुमार याने सुप्रीम कोर्टात क्युरेटिव प्ली दाखल केली होती. त्यावर सुप्रीम कोर्टाने निकाल देत ही याचिका फेटाळून लावली आहे.

2012 Delhi gangrape case: One of the convict Pawan's curative petition has been dismissed by the Supreme Court. The petition had sought commutation of his death penalty to life imprisonment. pic.twitter.com/2KhruqyxVb

— ANI (@ANI) March 2, 2020

दिल्ली हिंसाचाराचे पडसाद लोकसभेत उमटले असून विरोधकांच्या गोंधळामुळे संसदेचे कामकाज दुपारी 2 वाजेपर्यंत तहकूब करण्यात आले आहे. संसदेबाहेर विरोधकांनी डोळ्यांवर काळी पट्टी बांधून आणि तोंडावर बोट ठेवून निषेध केला आहे.

Lok Sabha adjourned till 2 pm after an obituary reference to Baidyanath Prasad Mahto, JD(U) MP from Valmiki Nagar, Bihar who passed away on 28th February. pic.twitter.com/SBmYgAJ27q

— ANI (@ANI) March 2, 2020

कांद्याच्या निर्यातबंदी हटविण्याबाबत राज्यातील शेतकरी आक्रमक झाले असून लासलगाव पाठोपाठ आता मनमाडमध्येही कांदा लिलाव बंद करण्यात आला आहे. जोपर्यत कांद्यावरील निर्यातबंदी उठवत नाही तोपर्यंत कांदा लिलाव होऊ देणार नाही अशी भूमिका येथील शेतक-यांनी घेतली आहे. 

थोड्याच वेळात विधिमंडळ अधिवेशनचा दुसरा आठवडा आजपासून सुरु होणार असून या अधिवेशनात अवकाळी पावसामुळे शेतक-यांच्या झालेल्या नुकसानभरपाईचा विषय मांडला जाईल असे कृषीमंत्री दादा भुसे आश्वासन दिले आहे. तसेच नुकसानग्रस्त परिसराच्या पंचनाम्याचे आदेश देखील अधिका-यांना दिले असल्याचे त्यांनी सांगितले आहे. 

गेल्या 35 दिवसांपासून मुंबईत उपोषणाला बसलेल्या मराठा आंदोलकांची आज उपमुख्यमंत्री अजित पवार यांच्या सोबत बैठक झाली. या बैठकीत 'या उपोषणात कुठलेही राजकारण आणणार नाही' असे आश्वासन अजित पवारांनी दिले. त्यासोबत लवकरात लवकर यावर योग्य तो तोडगा काढला जाईल, असेही सांगण्यात आले. या बैठकीला भाजप नेते चंद्रकांत पाटील देखील उपस्थित होते. त्यामुळे आम्ही सर्वांनी मिळून यात राजकारण न करता योग्य तो तोडगा काढण्याचे ठरवले असल्याचेही त्यांनी यावेळी सांगितले. 

गेल्या काही दिवसांपासून कांद्याचे भाव घसरत चालल्याने तसेच कांद्याची निर्यात बंदी रद्द न केल्याने शेतकरी आक्रमक झाले असून लासलगाव बाजार समितीत कांदा लिलाव बंद ठेवण्यात आला आहे. कांद्याच्या दरात होणारी घसरण लक्षात शेतक-यांनी ही भूमिका घेतली आहे. 

चीनमध्ये कोरोनाची लागण झालेल्या मृतांच्या संख्येत वाढ झाली असून हा आकडा आता 3000 वर येऊन पोहोचला आहे. अमेरिकेवरही कोरोनाचे सावट पसरले अमेरिकेत कोरोना व्हायरस मुळे एकाचा मृत्यू झाल्याची माहिती मिळत आहेत. तरे कॅलिफोर्नियात देखील कोरोनाचे आणखी 5 रुग्ण आढळले आहेत. 

मराठा आंदोलकांचे गेल्या 35 दिवसांपासून मुंबईतील आझाद मैदानात उपोषण सुरु होते. यासंदर्भात आपल्या मागण्यांसाठी आज उपमुख्यमंत्री यांची अजित पवारांसोबत मराठा आंदोलकांची बैठक होणार आहे. या आंदोलकांचे गेल्या 2 दिवसांपासून अन्नत्यागही सुरु झाला होता. 

मुंबई शेअर बाजार उघडताच सेनसेक्स 38,991.13 वर जाऊन पोहोचला. याचाच अर्थ आधीच्या तुलनेत यात 693.84 अंकांनी वाढ झाली आहे.

Sensex at 38,991.13, up by 693.84 points. pic.twitter.com/lTuumcSi7I

— ANI (@ANI) March 2, 2020

मनसे नेते हर्षवर्धन जाधव यांच्यावर अॅट्रोसिटीची तक्रार दाखल करण्यात आली आहे. औरंगाबाद येथील एका दलित समाजातील व्यक्तीला शिवीगाळ केल्याप्रकरणी तक्रार दाखल करण्यात आली आहे. प्लॉट शेजारी टाकलेली टपरी काढण्यासाठी ही शिवीगाळ करण्यात आली होती. 

अर्थंसंकल्पीय अधिवेशनाचा दुसरा टप्पा आज संसदेत सुरु होणार आहे. केंद्रीय अर्थमंत्री निर्मला सीतारमण या आज संसदेत 'The Direct Tax Vivad Se Vishwas Bill' मांडणार आहेत. यात दिल्ली हिंसाचाराचा मुद्दा देखील जोर धरणार असल्याचे सांगण्यात येत आहे.

Union Finance Minister Nirmala Sitharaman to move The Direct Tax Vivad Se Vishwas Bill, 2020 in Lok Sabha today. pic.twitter.com/LgSiZN6Ult

— ANI (@ANI) March 2, 2020

निर्भया सामूहितक बलात्कार प्रकरणातील 4 आरोपींवर उद्या म्हणजेच 3 मार्चला सकाळी 6:00 वाजता फाशी होणार आहे. यातील आरोपी पवनकुमार याने क्युरेटिव प्ली दाखल केली होती. त्यावर आज सुप्रीम कोर्टात सुनावणी होणार आहे.

Supreme Court to hear curative plea of Nirbhaya convict Pawan Kumar today

Read @ANI story | https://t.co/Gdwita6bqK pic.twitter.com/9Nz4638eMW

— ANI Digital (@ani_digital) March 2, 2020

आजपासून लोकसभेमध्ये अर्थसंकल्पी अधिवेशनाचा दुसरा टप्पा सुरु होणार आहे. या अधिवेशनात दिल्लीतील हिंसाचाराचा मुद्दा विरोधक उचलून धरणार असल्याचे सांगण्यात येत आहे. तसेच या अधिवेशनात गृहमंत्री अमित शहा यांच्या राजीनाम्याची मागणी लावून धरली जाणार आहे असे काँग्रेसने म्हटले आहे. काँग्रेस दिल्लीतील जातीय हिंसाचाराच्या प्रकरणी तहकुबी सूचना दोन्ही सभागृहात आज मांडण्यात येईल. त्यात दिल्लीतील हिंसाचारावर तातडीने चर्चा करण्याची मागणी करण्यात येईल. त्यामुळे एकूणच दिल्ली हिंसाचाराचा मुद्दा संसदेत जोर धरणार आणि यावर काय अंतिम निर्णय काय होणार याकडे सर्वांचे लक्ष लागले आहे.