मुंबई मधील नागरिकांना सकाळी 5 ते संध्याकाळी 7 दरम्यान, शेजारच्या मोकळ्या जागांवर वैयक्तिक शारिरीक व्यायाम (सायकलिंग, जॉगिंग, धावणे, चालणे) करण्यास परवानगी देण्यात आली आहे.

विषय तज्ज्ञ समितीच्या शिफारशीनंतर Zydus Cadila च्या कोरोना व्हायरस लसीसाठी फेज 1/2 च्या क्लिनिकल चाचणीस परवानगी देण्यात आली आहे.  आरोग्य मंत्रालयाच्या अधिकाऱ्यांनी याबाबत माहिती दिली.

नाटक, सिनेमा आणि मालिकांमधून विनोदी भूमिका साकारणारे ज्येष्ठ अभिनेते लिलाधर कांबळी यांचे निधन झाल्याची माहिती समोर आली आहे. ट्वीट-

 

पुणे शहरात आज नव्याने 937 कोरोनाबाधित रुग्ण आढळले असून, यात नायडू-महापालिका रुग्णालये 672, खासगी 353 आणि ससूनमधील 12 रुग्णांचा समावेश आहे. आजच्या 937 रुग्णांसह पुणे शहरातील एकूण कोरोना व्हायरस रुग्ण संख्या आता 19,042 इतकी झाली आहे.

महाराष्ट्रातील पालघर जिल्ह्यातील धबधब्यात बुडून 5 मुलांचा मृत्यू झाला आहे. जव्हारपासून सात किलोमीटर अंतरावर केळीचापाडा (काळशेती ) येथील काळमांडवी धबधब्यावर हा अपघात झाला आहे.

राजस्थान येथून अफूची बोंडे घेऊन कनार्टककडे घेऊन जाणारा ट्रक, धुळे जिल्ह्यातील शिरपूर पोलिसांनी पकडला. या अफूच्या बोंडांचं वजन 104 किलो 700 ग्रॅम एवढे असून, त्याची किंमत तब्बल 10 लाख 47 हजार रुपये एवढी आहे. यामध्ये एकूण 30 लाख 47 हजाराचा मुद्देमाल जप्त करण्यात आला.

आसाममधील 33 पैकी 22 जिल्ह्यांना पुराचा फटका बसला आहे. आतापर्यंत 34 लोकांचा मृत्यू झाला आहे. आसाम राज्य आपत्ती व्यवस्थापन प्राधिकरणाने याबाबत माहिती दिली आहे.

महाराष्ट्रात आज 6,330 कोरोना बाधीत रुग्णांची वाढ झाली आहे व अशाप्रकारे एकूण संख्या आता 1,86,626 अशी आहे. आज नवीन 8,018 कोरोना बाधित रुग्ण बरे झाले आहेत. आतापर्यंत राज्यात एकूण 1,01,172 रुग्ण बरे होऊन दवाखान्यातून घरी पाठविण्यात आले आहेत. राज्यात सध्या एकूण 77,260 ऍक्टिव्ह रुग्ण आहेत.

 

गोव्यात आणखी 95 कोरोनाबाधित रुग्णांची भर पडल्याने आकडा 1482 वर पोहचला आहे.

मुंबईत कोरोनाचे आणखी 1554 रुग्ण आढळले तर 57 जणांचा बळी गेला आहे. त्यामुळे शहरातील COVID19 चा आकडा 80,262 वर पोहचला आहे.

Load More

महाराष्ट्रात कोरोना व्हायरसचा (Coronavirus) विळखा मजबूत होत चालला असून दिवसागणिक कोविड-19 (COVID-19) रुग्णांची संख्या वाढत चालली आहे. यात महाराष्ट्रात सर्वाधिक रुग्ण हे मुंबई शहराता असून त्यापाठोपाठ ठाणे (Thane), पुणे, पालघर जिल्ह्यामध्ये सर्वाधिक कोरोनाचे रुग्ण आहेत. यामुळे असे असताना देखील या भागातील अनेक लोक सर्रासपणे नियमांचे उल्लंघन करताना दिसत आहे. याचा परिणाम ठाण्यामध्ये 2 जुलै ते 12 जुलैपर्यंत पूर्णपणे लॉकडाऊन (Thane) ठेवण्यात आला आहे. तसेच ठाणे जिल्ह्यातील ग्रामीण भागातही आजपासून लॉकडाऊन सुरु झाला आहे. या कडक लॉकडाऊनदरम्यान अत्यावश्यक सेवा सुरु राहणार आहे.

देशातील कोरोना विषाणू संक्रमित रुग्णांची संख्या अजूनही वाढतच आहे. याच पार्श्वभूमीवर राज्यात 31 जुलै पर्यंत लॉक डाऊन असेल असे मुख्यमंत्री उद्धव ठाकरे यांनी घोषित केले आहे. महाराष्ट्रात अनलॉक 2 सुरुवात झाली असून लोकांनी संयम बाळगून सोशल डिस्ंटसिंगचे पालन करावे असे सांगण्यात येत आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या. 

महाराष्ट्र राज्यातील कोरोनाबाधितांची (Coronavirus) संख्या 1 लाख 80 हजार 298 वर पोहचली आहे. यापैकी 8 हजार 53 जणांचा मृत्यू झाला आहे. तर, 93 हजार 154 रुग्णांनी कोरोनावर मात केली आहे. महाराष्ट्रासह संपूर्ण देशात कोरोना विषाणूने धुमाकूळ घातला आहे. तर भारतामध्ये कोरोनाबाधितांनी 5 लाख 85 हजारांचा टप्पा पार केला आहे. दरम्यान आरोग्य विभागाकडून देण्यात आलेल्या माहितीनुसार, आज 1 जुलै ला 18,653 नवे कोरोनाबाधित रूग्ण तर 507 रूग्णांच्या मृत्यूची नोंद करण्यात आली आहे.