मनसे अध्यक्ष राज ठाकरेंनी बांग्लादेशींविरोधात एल्गार पुकारलेला असताना, ठाण्यात मनसे कार्यकर्त्यांनी चार बांग्लादेशींना पकडून पोलिसांच्या हवाली केले आहे. त्यांच्याकडे बांग्लादेशचा पासपोर्ट सापडल्याचा दावा मनसेकडून करण्यात आला आहे.

केइएम रुग्णालयातील रुग्णांच्या मदतीसाठी बृहन्मुंबई महानगरपालिका, इम्पॅक्ट गुरू सोबत एकत्र येऊन 'हेल्थ केअर क्राऊड फंडिंग' हा उपक्रम राबवणार आहेत. जनतेने जनतेसाठी उभी केलेली रकम मुंबईतील आरोग्य सेवा अधिक कार्यक्षम करेल असा बीएमसीला विश्वास आहे. 

भंडारा जिल्ह्यातील ‘आयटीआय’चा कायापालट होणार आहे. यासंदर्भात राष्ट्रवादी नेत नवाब मलिक यांनी निर्णय घेतला आहे.

आयटीआयमधील अभ्यासक्रमांमध्येही कालानुरुप सुधारणा करण्यात येत असून साधनसामुग्री, इमारती यांचाही नजिकच्या काळात कायापालट केला जाईल.भंडारा जिल्ह्यातील आयटीआय यांचा सुद्धा वेगाने विकास व्हावा याकरिता मा. विधानसभा अध्यक्ष श्री. नाना पटोले यांनी माझ्यासोबत चर्चा केली (3/3)

— Nawab Malik نواب ملک नवाब मलिक (@nawabmalikncp) February 13, 2020

भारतीय वंशाचे ऋषी सुनक यांची ब्रिटनच्या वित्तमंत्रिपदी नियुक्ती करण्यात आली आहे. ब्रिटनचे पंतप्रधान बोरिस जॉन्सन यांनी सुनक यांना आपल्या मंत्रिमंडळात ही महत्त्वाची जबाबदारी दिली आहे.  ऋषी सुनक हे इन्फोसिसचे सहसंस्थापक आणि प्रसिद्ध उद्योगपती नारायण मूर्ती यांचे जावई आहेत. 

भाजप पक्षाच्या नेत्यांनी केलेल्या द्वेषयुक्त वक्तव्यामुळे भाजपाला त्रास सहन करावा लागला, असं मत भाजपा नेते आणि गृहमंत्री अमित शहा यांनी व्यक्त केलं आहे. दिल्ली विधानसभा निवडणुकीत भाजप पक्षाला फक्त 8 जागांवर विजय मिळवता आल्या. दिल्ली विधानसभा प्रचारावेळी भाजपच्या अनेक नेत्यांनी द्वेषयुक्त वक्तव्य केले होते. याचा मोठा परिणाम भाजपवर झाला असल्याचे अप्रत्यक्षपणे अमित शहा यांनी सांगितलं आहे. 

BJP may have suffered because of hate statements made by party leaders: Amit Shah

— Press Trust of India (@PTI_News) February 13, 2020

मुंबईतील डबेवाल्यांना लवकरच आपल्या हक्काचं घर मिळणार आहे. आज  मंत्रालयात आयोजित बैठकीत मुंबईच्या डबेवाल्यांना प्रधानमंत्री आवास योजनेंतर्गत हक्काची घरं उपलब्ध करून देण्यासाठी आवश्यक कार्यवाही करण्याच्या सूचना अजित पवार यांनी अधिकाऱ्यांना दिल्या आहे.

गेल्या १३० वर्षांपासून सेवाभावी वृत्तीनं काम करणाऱ्या मुंबईच्या डबेवाल्यांचं कौशल्य जाणून घेण्यासाठी जगभरातून पर्यटक, अभ्यासक येतात. डबेवाल्यांना त्यांच्या कामकाजाची माहिती देण्यासाठी हक्काची जागा असायला हवी. त्यासाठी, मुंबई डबेवाला भवनाचा प्रश्न मार्गी लावण्याबाबत सूचित केले. pic.twitter.com/yUnGGu4DHD

— Ajit Pawar (@AjitPawarSpeaks) February 13, 2020

राणीच्या बागेत आता करिष्मा आणि शक्ती या वाघांची डरकाळी ऐकू येणार आहे. औरंगाबाद येथील सिद्धार्थ उद्यानातून करिश्मा (मादी) आणि शक्ती (नर) हे दोन वाघ राणीच्या बागेत आणण्यात आले आहेत. त्यामुळे राणीच्या बागेत येणाऱ्या पर्यटकांना हे वाघ जवळून पाहता येणार आहेत.

मराठीत चित्रपट अधिकाधिक प्रेक्षकांपर्यंत पोहोचवण्यासाठी राज्यात 'मिनी चित्रपटगृह' उभारणार असल्याचे सांस्कृतिक कार्यमंत्री अमित देशमुख यांनी सांगितले आहे. मराठी चित्रपटांना स्क्रीन मिळावे तसेच मराठीत येत असलेल्या दर्जेदार चित्रपटांना प्रेक्षकांनी गर्दी करावी, यासाठी ही मिनी चित्रपटगृह उभारण्यात येणार आहेत. 

ऑस्ट्रेलियाचा दिग्गज क्रिकेटपटू मायकल क्लार्कने आपली पत्नी कायलीपासून घटस्फोट घेण्याचा निर्णय घेतला आहे. लग्नाच्या सात वर्षानंतर क्लार्कने हा निर्णय घेतला आहे. कायली आणि क्लार्क यांना एक मुलगीही आहे. गेल्या काही महिन्यांपासून दोघांमधील संबंध बिघडले होते. त्यामुळे क्लार्कने आपल्या पत्नीपासून वेगळं होण्याचा निर्णय घेतला आहे. 

मुंबईतील नागपाडा जंक्शन परिसरात नग्न अवस्थेत रस्त्यावर फिरणाऱ्या मनोरुग्णाने पोलिस कॉन्स्टेबलच्या बोटाला चावा घेतल्याची घटना घडली आहे. यात पोलिस कॉन्स्टेबलच्या बोटाचा तुकडा पडला आहे. जनार्दन साखरे, असं या पोलिस कॉन्स्टेबलचं नाव असून तो नागपाडा पोलिस ठाण्यात कार्यरत आहे. साखरे यांच्यावर मुंबईतील जेजे रुग्णालयात उपचार सुरू आहेत. यासंदर्भात मिड-डे या इंग्रजी वेबसाईटने वृत्त प्रकाशित केले आहे.  

राष्ट्रवादी कॉंग्रेसचे अध्यक्ष शरद पवार यांनी महाराष्ट्राच्या गृहमंत्री अनिल देशमुख यांना पत्र लिहून राज्यातील पोलिसांची व्यवस्था नीट करण्यात यावी अशी विनंती केली आहे. व्हीआयपी चळवळी आणि राजकीय मेळाव्यासाठी तैनात वेळी पोलिस कर्मचारी विशेषत: महिला पोलिस कर्मचार्‍यांचे हाल होऊ नयेत याची खबरदारी घ्यावी असेही पवार यांनी पत्रात म्हंटले आहे.

Nationalist Congress Party Chief Sharad Pawar writes to Maharashtra Home Minister requesting him to ensure better arrangements for police personnel especially women police personnel during deployment for VIP movement and political rallies. (file pic) pic.twitter.com/HCgPYecAK5

— ANI (@ANI) February 13, 2020

मुंबई- लातूर बिदर एक्सप्रेस मध्ये  एका 26 वर्षीय तरुणाला काही अज्ञातांनी किरकोळ कारणावरून केलेल्या मारहाणीत तरुणाचा मृत्यू झाल्याचे समजत आहे. याप्रकरणी दौंड रेल्वे पोलिसानी 12 जणांना ताब्यात घेतले आहे.  तरुणाला झालेल्या मारहाणीनंतर त्याला दौंड येथील रुग्णालयात उपचारासाठी दाखल करण्यात आले हिते मात्र उपचार्याच्या दरम्यान त्याचा मृत्यू झाला आहे.

Maharashtra: 12 people detained by Railway police at Daund railway station for allegedly beating a 26-year-old man in Mumbai-Latur-Bidar Express train last night. Later, the man was declared brought dead at a hospital in Daund. FIR is being registered.

— ANI (@ANI) February 13, 2020

दिल्ली मध्ये काल 12 फेब्रुवारी रोजी एकाच घरात पाच जणांचे मृतदेह आढळल्याने खळबळ माजली होती, याप्रकरणी आता पोलिसांनी एकाला अटक केल्याचे समजत आहे.

Delhi: Police has arrested one person, in connection with 5 people of a family found dead in Bhajanpura yesterday.

— ANI (@ANI) February 13, 2020

राजस्थानच्या सीकर जिल्ह्यात एका गॅस सिलिंडरचा स्फोट होऊन यात तब्बल 13 जण गंभीर जखमी झाल्याचे समजत आहे. यातील 9 जणांची प्रकृती चिंताजनक आहे. त्यांना जयपूर रुग्णालयात दाखल करण्यात आले आहे.

Rajasthan: 13 people injured in gas cylinder blast in Mohalla Sheikhpura, Sikar; 9 seriously injured referred to a Jaipur hospital pic.twitter.com/vrCGbGYj4r

— ANI (@ANI) February 13, 2020

अंधेरी MIDC परिसरात रॉल्टा टेक्नॉलॉजी पार्क इमारतीला लागलेली आग अद्याप विझलेली नाही, परिणामी काळजी म्हणून आजूबाजूच्या इमारती खाली करण्यात आल्या आहेत. सध्या ही आग विझवण्यासाठी अग्निशमन दलाच्या 18 गाड्या घटनास्थळी उपस्थित आहेत सुदैवाने या इमारतीत कोणीही अडकलेले नाही.

Mumbai: Fire continues to rage at Rolta company in Andheri East. 8 fire tenders are present at the spot. As a precautionary measure, the nearby buildings have been vacated. https://t.co/llJrsypyBJ pic.twitter.com/2g6lCHfRWt

— ANI (@ANI) February 13, 2020

आम आदमी पक्षाचे प्रमुख अरविंद केजरीवाल यांच्या नेतृत्वाखाली दिल्लीत लवकरच सरकार स्थापन होणार आहे. विशेष म्हणजे केजरीवाल यांच्या नव्या मंत्रीमंडळात जुनेच मंत्री शपथ घेणार आहेत.

Sources: All Delhi ministers to again take oath as ministers in the new term.Portfolio allocation to be done later pic.twitter.com/nyQ6nizDdL

— ANI (@ANI) February 12, 2020

मॅच फिक्सिंगचा आरोप असलेल्या संजीव चावलाचे इंग्लंडहून भारतात प्रत्यार्पण करण्यात आले आहे. संजीव चावलावर दक्षिण आफ्रिकेच्या 200 मधील भारत दौऱ्यावेळी सामना निश्चितीचा (मॅच फिक्सिंग) आरोप करण्यात आला होता. चावलाला गुरुवारी इंग्लंडहून नवी दिल्लीत आणण्यात आलं आहे. 

चंद्रपूर जिल्ह्यातील चिमूर तालुक्यातील शंकरपूरजवळ गुरुवारी सकाळी टाटा सुमो कार उलटून झालेल्या अपघातात 10 जण जखमी झाले आहेत. जखमींना उपचारासाठी जवळच्या रुग्णालयात दाखल करण्यात आले आहे. या कारमधून प्रमाणापेक्षा जास्त लोक प्रवास करत होते. दरम्यान, वाहन चालकाचे वाहनावरील नियंत्रण सुटल्याने हा अपघात झाला.   

महावितरणचा कोट्यावधी रुपयांचा घोटाळा उघकीस आला आहे. महावितरणने वीज वापराच्या आकड्यांमध्ये गेल्या पाच वर्षात गोलमाल करत तब्बल 30 हजार कोटींचा घोटाळा केला आहे. 

अंधेरी MIDC परिसरात रोळता टेक्नॉलॉजी पार्क येथे आज 13 फेब्रुवारी रोजी दुपारी भीषण आग लागल्याचे समजत आहे. याठिकाणी सध्या अग्निशमन दलाच्या आठ गाड्या दाखल झाल्या असून आग विझवण्याचे प्रयत्न सुरु आहेत. 

लखनौ येथील हायकोर्टात आज देशी दारूने बनवलेल्या एका बॉम्बचा स्फोट घडला आहे. इतकंच नव्हे तर कोर्टाच्या परिसरात चक्क 3 जिवंत बॉम्ब देखील आढळल्याने भीतीचे वातावरण निर्माण झाले आहे. या बॉम्ब स्फोटात काही वरिष्ठ वकील जखमी झाल्याचे समजत आहे.

#UPDATE Lucknow: Crude bomb was hurled towards chamber of lawyer Sanjeev Lodhi who has blamed another lawyer Jitu Yadav for the incident. Police at the spot https://t.co/X8eJ7SJJbn

— ANI UP (@ANINewsUP) February 13, 2020

जपान मधील 2 भारतीय नागरिकांना कोरोनाचे लागण झाल्याची माहिती परराष्ट्र मंत्री एस. जयशंकर यांनी ट्विट मार्फत दिली आहे. या नागरिकांना मदत पुरवण्यासाठी जपानच्या सरकारशी संवाद साधला जात आहे असेही जयशंकर यांनी एका ट्विटच्या माध्यमातून सांगितले आहे.

2 Indian crew members have tested positive for #Coronavirus.
Will keep you updated.

— Dr. S. Jaishankar (@DrSJaishankar) February 13, 2020

मनसे चे मुख्य कार्यालय राजगडाच्या बाहेर 100 फेरीवाल्यांना बसण्यासाठी जागा करून  देण्याचा निर्णय काल राज्य सरकारकडून देण्यात आला होता, या निर्णयाच्या विरुद्ध आज मनसे कार्यकर्ते व स्थानिकांनी मोर्चा काढून तीव्र निषेध नोंदवला आहे. 

भाजप प्रदेशाध्यक्षपदी चंद्रकांत पाटील यांची पुन्हा एकदा नेमणूक झाली असून मुंबईच्या प्रदेशाध्य्क्ष पदाची जबाबदारी मंगलप्रभात लोढा यांच्यावर सोपवण्यात आली आहे. 

मनसे अध्यक्ष राज ठाकरे यांच्या आजपासून सुरु होणाऱ्या तीन दिवसीय औरंगाबाद दौऱ्यापूर्वी त्यांनी पुण्यात जाऊन दगडूशेठ हलवाई गणपती बाप्पाचे दर्शन घेतले आहे पुण्यातून आता पुढे राज ठाकरे हे औरंगाबाद ला रवाना होणार आहेत. 

नवी मुंबई महापालिका निवडणुकांच्या आधीच भाजपला मोठा धक्का बसण्याची शक्यता आहे. याभागातील सहा भाजप नगरसेवकांनी आज उपमुख्यमंत्री व राष्ट्रवादीचे नेते अजित पवार यांची भेट घेतली आहे. यातले काही नेते हे राष्ट्रवादी मध्ये तर काही शिवसेनेत प्रवेश घेण्याची शक्यता आहे. 

माकड, वानर, निलगायीच्या हल्ल्यात व्यक्तीचा मृत्यू झाल्यास त्याच्या कुटुंबाला 15 लाखांची मदत दिली जाईल असा निर्णय राज्य सरकारतर्फे देण्यात आला आहे.  आतापर्यंत वाघ, बिबट्या, अस्वलासारख्या प्राण्याने हल्ला केल्यास मदतीची होती तरतूद होती. 

निवडणुकांमध्ये उमेदवारी देताना गुन्हेगारी पार्श्वभूमीच्या नेत्यांना का निवडले याचे कारण आता राजकीय पक्षांनी त्यांच्या अधिकृत वेबसाईट, सोशल मीडिया आणि वृत्तपत्रातून  स्पष्ट करावे लागणार आहे, याबाबत सर्वोच्च न्यायालयाकडून निर्देश देण्यात आले आहेत.

Supreme Court also directs political parties to publish credentials, achievements and criminal antecedents of candidates on newspaper, social media platforms and on their website while giving a reason for selection of candidate with criminal antecedents. https://t.co/HE0Om38zGn

— ANI (@ANI) February 13, 2020

भोपाळ रेल्वे स्थानकातील पादचारी पुलाचा काही भाग अचानक कोसळल्याने 5 ते 6 जण जखमी झाले आहेत, यात कोणतीही जीवितहानी झालेली नसून जखमींना जवळच्या रुग्णालयात उपचारासाठी दाखल करण्यात आले आहे.

Madhya Pradesh: At least 6 people injured after portion of a footover bridge at Bhopal railway station collapsed this morning. The injured have been sent to a hospital. More details awaited. pic.twitter.com/bcmkegZq2S

— ANI (@ANI) February 13, 2020

 महाराष्ट्र राज्य मार्ग परिवहन महामंडळाच्या (एसटी) शिवाईच्या 50 ई-बस पुणे शहराला सोपवण्यात येणार असल्याची माहिती महामंडळाकडून देण्यात आली. पुण्याच्या स्वारगेट, पुणे स्टेशन व वाकडेवाडी आगारातून कोल्हापूर, नाशिक, सोलापूर व औरंगाबादसाठी या ई-बस सोडण्यात येतील

अमरावती येथील धामणगाव मधील प्रेमप्रकरणातून एका अल्पवयीन मुलीची हत्या प्रकरणात आता ठाणेदार रवींद्र सोनवणे यांच्या विरुद्ध तक्रार नोंदवण्यात आली आहे. सोनावणे पीडितेशी वारंवार संपर्क करण्याचा प्रयत्न करायचा असे मुलीच्या कुटुंबाकडून सांगण्यात आले आहे. यानंतर वरिष्ठांकडून रवींद्र सोनवणे यांची उचलबांगडी करण्यात आली असून या प्रकरणाची सखोल चौकशी करण्याचे आदेश देण्यात आले आहेत. 

मुंबई उच्च न्यायालयाच्या नागपूर खंडपीठाने एक कौतुकास्पद आदेश देत दुचाकीसोबत कंपनीने 2 हेल्मेट देणे बंधनकारक असल्याचे सांगितले आहे.  अन्यथा वाहनांची नोंदणी होणार नाही असा इशाराही देण्यात आला आहे. या संदर्भात परिवहन आयुक्तांनी अंमलबजावणी करत सहा आठवड्यात अहवाल सादर करायचा आहे. 

पनवेल मधील कर्नाळा बँकेचा 513  कोटींचा घोटाळा उघडकीस आल्यानंतर आता अनेक ठेवीदार गुंतवणूकदारणाचे पैसे अडकून पडले आहेत. स्थानिक शेकाप नेते याबाबत कारवाई करण्यात दिरंगाई करत असून सरकारकडूनही याकडे दुर्लक्ष केले जात आहे. या पार्श्वभूमीवर आज अखेरीस बँकेच्या विरुद्ध नागरिक मोर्चा काढणार आहेत. सकाळी 10. 30 वाजता हा मोर्चा सुरु होणार आहे. याबाबत किरीट सोमैय्या यांनी ट्विट करून माहिती दिली आहे.

today 13 Feb 10.30am Karnala Cooperative Bank Depositors Morcha to start from Panvel BJP Office, Mahesh Baldi MLA, Prashant Thakur MLA & Myself will participate @BJP4Maharashtra @bjp4mumbai @Dev_Fadnavis @ChDadaPatil pic.twitter.com/hBcmixJ6Ep

— Kirit Somaiya (@KiritSomaiya) February 13, 2020