मकर संक्रांतीनिमित्त मुख्यमंत्री योगी आदित्यनाथ यांनी गोरखपूरमधील गोरखनाथ मंदिरातील तयारीचा आढावा घेतला आहे, अशी माहिती एएनआय वृत्त संस्थेने दिली आहे. ट्वीट-

 

तामिळनाडू: रामेश्वरम बेटातील धनुष्कोडी समुद्रकिनाऱ्यावर पोलिसांच्या क्यू शाखेने आज समुद्रात तरंगणार्‍या 25 किलो गांजाचे पार्सल जप्त केले. याबाबत अधिक तपास सुरू आहे.

महाराष्ट्र: नायलॉनच्या 'मांजा' (पतंगाची दोरी) मुळे एका 20 वर्षीय व्यक्तीचा मृत्यू झाला आहे. आज संध्याकाळी तो मानेवाडा, नागपूर येथे मोटरसायकलवरून जात होता.

महाराष्ट्र प्रदेश महिला कॉंग्रेसच्या अध्यक्षपदी संध्या सवालाखे यांची नियुक्ती करण्यात आली आहे. महाराष्ट्र काँग्रेसने ट्विट करुन ही माहिती दिली आहे.

व्हाट्सअॅप यूजर्सची खासगी माहिती इंटरनेट सर्च इंजिनवर कथीत रुपात लिक झाल्याच्या वृत्तानंतर सोशल मीडिया आणि जगभरातील युजर्समध्ये जोरदार वाद निर्माण झाला आहे. या वादानंतर व्हाट्सअॅपकडून लागलीच स्पष्टीकरण देण्यात आले आहे. फेसबुककडे मालकी हक्क असलेले सोशल मीडिया अॅप व्हाट्सअॅपने म्हटले आहे की, व्हॉट्सअॅपकडून अलिकडेच बदललेल्या धोरणांनुसार युजर्सच्या मित्र, अथवा कुटुंबीयांशी शेअर केलेल्या खासगी माहितीवर त्याचा कोणताही परिणाम होणार नाही. सर्व युजर्सची माहिती सुरक्षीत आहे.

मुंबईतील महत्त्वाच्या वांद्रे-वर्सोवा सी लिंक आणि वर्सोवा-विरार सी लिंक या दोन प्रकल्पांचा मुख्यमंत्री उद्धव बाळासाहेब ठाकरे यांनी आढावा घेतला. मुंबईतील वाहतूक कोंडी सोडविण्यासाठी व सुखकर प्रवासासाठी हे प्रकल्प महत्त्वाचे असून त्यांच्या कामांना गती देण्याचे निर्देश त्यांनी दिले.

राज्यात कोरोना लसीकरणाची तयारी जय्यत सुरु आहे.आज सिरम इन्स्टिट्यूट कडून राज्यासाठी लसीचे 9 लाख 63 हजार डोसेस प्राप्त झाले आहेत, अशी माहिती राज्याचे आरोग्यमंत्री राजेश टोपे यांनी दिली आहे.

जम्मू कश्मीरमध्ये CRPF जवान Lohri साजरी करतानाचे दृश्य. पाहा व्हिडिओ

कोविशिड्लची पहिली खेप आज भारतभर पाठविली गेली.16 जानेवारी रोजी लसीकरणाचा पहिला टप्पा पार पडणार आहे. दरम्यान, सीरम इन्स्टिट्यूट ऑफ इंडिया कंपनीतील काही दृश्ये पुढे आली आहेत.

कोविशिल्डची पहिली खेप आज भारतभर पाठविण्यात आल्यामुळे कर्मचारी आणि सीरम इन्स्टिट्यूट ऑफ इंडिया (एसआयआय) चे मुख्य कार्यकारी अधिकारी पूनावाला यांनी टाळ्या वाजवत स्वागत केले.

Load More

कोरोना विषाणूचा संसर्ग रोखण्यासाठी येत्या 16 जानेवारीपासून भारतात लसीकरणाला सुरुवात होणार आहे. कोरोना व्हायरसवरील दोन लसींना केंद्र सरकारने मान्यता दिली आहे. आजपासून सीरम इन्स्टिट्यूने आपल्या कोरोना वॅक्सिन कोविशील्डचा पुरवठा करण्यास सुरुवात केली आहे. पुण्यातील सीरम इन्स्टिट्यूटमधून आज कोविशील्ड लसीची पहिली बॅच रवाना झाली आहे. यासाठी तीन ट्रक पुण्यातील आंतरराष्ट्रीय विमानतळावर दाखल झाले आहेत. हे डोस विमानाच्या साहाय्याने देशभरात पाठवण्यात येणार आहेत.

सुरुवातीला आरोग्य कर्मचारी, कोरोना योध्ये तसेच 50 वर्षांवरील व्यक्ती आणि 50 वर्षाखालील काही इतर आजार असलेल्या व्यक्तींना लसीकरण केले जाणार आहे. आज पुणे एअरपोर्टवरुन कार्गो विमानांद्वारे देशभरात ही लस पाठवली जाणार आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.

दरम्यान, राज्यातील आगामी ग्रामपंचायत आणि महानगरपालिका निवडणुकांच्या पार्श्वभूमीवर मनसे प्रमुख राज ठाकरे यांच्या उपस्थितीत आज महत्त्वाची बैठक पार पडणार आहे. आज सकाळी 10 वाजता वांद्र्याच्या MIG क्लबमध्ये या बैठकीला सुरुवात होणार आहे. या बैठकीत राज ठाकरे आपल्या पदाधिकाऱ्यांना कोणता आदेश देणार याकडे सर्वांचे लक्ष लागले आहे.