SBI ने ग्राहकांना केलं सतर्क; इनकम टॅक्स रिफंड च्या नावाखाली 'या' SMS पासून दूर राहण्याचे आवाहन
आयकर विभाग आयटी रिफंड थेट करदात्यांच्या खात्यामध्ये जमा केला जातो. त्यामुळे फसव्या लिंक्स आणि मेसेज पासून दूर राहण्याचे आवाहन केले आहे.
बॅंकांचे आणि एकूणच आर्थिक व्यवहार सुरळीत पार पडावे याकरिता ऑनलाईन बॅंकिंग़ आणि डिजिटल पेमेंटला चालना देण्यासाठी सरकार प्रयत्न करत आहे. मात्र यामध्ये ग्राहकांची फसवणूक करून सायबर हल्ले करण्याचं प्रमाणही वाढलं आहे. सध्या आयटी रिफंड मिळवण्याच्या आमिष दाखवत नागरिकांना गंडा घातला जाऊ शकतो. त्यापासून सावध रहा अशा आशयाचा एक मेसेज आज स्टेट बॅंक ऑफ इंडियाकडून देण्यात आला आहे. आयकर विभाग आयटी रिफंड थेट करदात्यांच्या खात्यामध्ये जमा केला जातो. त्यामुळे फसव्या लिंक्स आणि मेसेज पासून दूर राहण्याचे आवाहन केले आहे.
एसबीआयने आयकर विभागाच्या नावाने किंवा आयटी रिफंडसाठी मेसेज पाठवले असतील तर त्यावर क्लिक करू नका, उघडू नका. तुमची माहिती अनोळखी लिंक्सवर शेअर करू नका असे सांगण्यात आले अअहेत. तसेच अशा मेसेजबाबत पोलिस किंवा सायबर क्राईममध्ये तक्रार करण्याचे आवाहनही करण्यात आले आहे.
SBI बॅंक ट्वीट
Received any message from the Income Tax Department, requesting you to put in a formal request for your refund? These messages are from fraudsters at play! Ensure you ignore and report the messages immediately. For more security tips, visit https://t.co/U3XVLPyP8W pic.twitter.com/vHCL2PBvyz
— State Bank of India (@TheOfficialSBI) November 1, 2019
काही दिवसांपूर्वी इन्कम टॅक्स विभागानेही अशाप्रकारचा एक मेसेज दिला आहे. फसव्या मेसेजपासून दूर रहा असे आवाहन भारतीय करदात्यांना करण्यात आलं आहे.
(The above story first appeared on LatestLY on Nov 01, 2019 08:09 PM IST. For more news and updates on politics, world, sports, entertainment and lifestyle, log on to our website latestly.com).
