मी मतांसाठी विकासकाम सुरू करत नाही, तर ते लोकांचे जीवनमान उंचावण्यासाठी करतो, गुजरातमध्ये पंतप्रधानांचा काँग्रेसवर हल्लाबोल

PM Narendra Modi (Pic Credit - ANI)

पंतप्रधान नरेंद्र मोदी (PM Narendra Modi) यांचे शुक्रवारी सकाळी गुजरातमध्ये आगमन झाले. जिथे त्यांनी नवसारी (Navsari) येथे अनेक प्रकल्पांची पायाभरणी केली. पंतप्रधान अहमदाबादला (Ahmedabad) देखील भेट देणार आहेत आणि 3,050 कोटी रुपयांच्या प्रकल्पांचे लोकार्पण करतील, असे त्यांच्या कार्यालयाने प्रसिद्ध केलेल्या निवेदनात म्हटले आहे. गेल्या दोन दशकांत राज्यात झपाट्याने झालेला विकास हा गुजरातचा अभिमान आहे. गेल्या आठ वर्षांत सबका साथ, सबका विकास या मंत्राचा अवलंब करत आमच्या सरकारने राज्यातील लोकांच्या कल्याणावर सर्वाधिक भर दिला आहे, असे पंतप्रधान मोदींनी नवसारी येथील कार्यक्रमादरम्यान सांगितले.

पंतप्रधान मोदींनी काँग्रेसवर हल्ला चढवला आणि म्हटले की, देशात दीर्घकाळ सत्तेत असलेल्यांनी आदिवासी भागाच्या विकासात कधीच रस घेतला नाही. कारण त्यासाठी कठोर परिश्रम करावे लागतात. ते म्हणाले की, मी मतांसाठी किंवा निवडणुका जिंकण्यासाठी विकासकाम सुरू करत नाही, तर ते लोकांचे जीवनमान उंचावण्यासाठी करतो. खुडवेल येथे 3,050 कोटी रुपयांच्या प्रकल्पांचे उद्घाटन आणि पायाभरणी केली. हेही वाचा Sanjay Raut Tweet: खोट्या गर्वाचे पक्षी जास्त फडफडतात... गरुडाच्या उड्डाणाचा कधीच आवाज येत नाही, संजय राऊतांचे ट्विट चर्चेत

लोकार्पण पंतप्रधान आज नवसारी येथे रुग्णालय, आरोग्य सेवा संकुल आणि शैक्षणिक संकुलाचे उद्घाटन करणार आहेत. नवसारीत मी एएम नाईक हेल्थकेअर कॉम्प्लेक्स, निराली मल्टी स्पेशालिटी हॉस्पिटल आणि खरेल एज्युकेशन कॉम्प्लेक्सचे उद्घाटन करेन. नवसारीच्या सर्व प्रकल्पांमुळे दक्षिण गुजरातमधील लोकांना अनेक फायदे होतील. नंतर अहमदाबादमध्ये, ते इंडियन नॅशनल स्पेस प्रमोशन अँड ऑथोरायझेशन सेंटर (IN-SPACE) च्या मुख्यालयाचे उद्घाटन करणार आहेत. जे भारताच्या अंतराळ क्षेत्रात परिवर्तन घडवून आणण्यासाठी अँकरिंग भूमिका बजावेल.