असम रायफल्सच्या महिला सैनिकांना पहिल्यांदाच कश्मीरमध्ये तैनात करण्यात आले . त्यांना पाहून स्थानिकांच्या चेहऱ्यावर उमललेले हस्य हे या सैनिकांचे यश असल्याचे असम रायफल्सने म्हटले आहेे.

लेबनानची राजधानी बैरुतमध्ये झालेल्या स्फोटांत 10 जणांचा मृत्यू झाला आहे.

 

कोरोनाच्या पार्श्वभूमीवर गणेशोत्सवासाठी कोकणात जाणाऱ्या चाकरमान्यांना 12 ऑगस्टपर्यंत कोकणात जाता येणार आहे.

 

मुंबईत आज दिवसभरात कोरोना व्हायरस संक्रमित 709 रुग्णांची नोंद, 56 जणांचा मृत्यू झाला आहे. मुंबईतील एकूण कोरोना संक्रमितांची संख्या 1,18,130 इतकी झाली आहे. यात डिस्चार्ज मिळालेल्या 90,962, प्रत्यक्ष उपचार घेत असलेल्या 20,326 आणि एकूण मृत्यूमुखी पडलेल्या 6,546 जणांचाही समावेश आहे. मुंबई महापालिकेने ही आकडेवारी दिली आहे.

एचडीएफसी बँकेचे व्यवस्थापकीय संचालक आणि मुख्य कार्यकारी अधिकारी म्हणून शशिधर जगदीशन यांच्या नियुक्तीला रिझर्व्ह बँक ऑफ इंडियाने (आरबीआय) मान्यता दिली आहे.

सुशांत सिंह राजपूत आत्महत्या प्रकरणाचा तपास सीबीआय द्वारे करण्यास बिहारच्या राज्यपालांनी सहमती दर्शवली आहे. सुशांतच्या कुटुंबीयांनी पाटना पोलिसांमध्ये तक्रार दाखल केली आहे. त्यानंतर या प्रकरणाची चौकीश सीबीआयद्वारे करण्यासाठी बिहार पोलीस आणि सरकार आग्रही आहेत.

राम मंदिर भूमिपूजन कार्यक्रमावर मनसे अध्यक्ष राज ठाकरे यांनी प्रतिक्रिया दिली आहे. राज ठाकरे यांनी म्हटले आहे की, जवळपास ३ दशकांचा संघर्ष, शेकडो करसेवकांचं बलिदान आणि दोन पिढ्यांमधील राजकीय कार्यकर्त्यांचा त्याग ज्या एका मूर्त स्वप्नासाठी होता, त्या स्वप्नपूर्तीचा क्षण अवघ्या काही तासांवर येऊन ठेपला आहे. आपल्या रामाचा वनवास संपला. उद्या राममंदिराचं अयोध्येत भूमिपूजन होणार, स्वतंत्र भारताच्या इतिहासातील जे काही मोजके मंगलमय क्षण आहेत त्यातील हा एक क्षण आहे.

ज्येष्ठ भाजप नेते आणि राम जन्मभूमी आंदोलनाचे प्रमुख नेते लालकृष्ण अडवाणी यांनी अयोध्येत होत असलेल्या राम मंदिर भूमिपूजन कार्यक्रमाबाबत पहिल्यांदाच प्रतिक्रिया दिली आहे. माझ्या हृदयातील एक मोठे स्वप्न पूर्णत्वाच्या दिशेने जात आहे, अशी प्रतिक्रिया अडवाणी यांनी दिली आहे.

राज्यात आज 7,760 नवे कोरोना बाधित रुग्ण आढळले असून 300 रुग्णांचा मृत्यू झाला आहे. तर 12,326 रुग्णांची प्रकृती सुधारल्यामुळे त्यांना रुग्णालयातून डिस्चार्ज देण्यात आला आहे. या नव्या वाढीमुळे राज्यातील कोरोना बाधितांचा आकडा 4,57,956 वर पोहचला आहे. त्यापैकी 1,42,151 सक्रीय रुग्ण असून 2,99,356 रुग्ण कोरोनामुक्त झाले आहेत. तर कोरोना संसर्गामुळे तब्बल 16,142 रुग्णांचा मृत्यू झाला आहे. अशी माहिती राज्याच्या आरोग्य विभागाने दिली आहे.

पुणे शहरात आणखी 28 कोरोनाबाधितांचे मृत्यू झाले असून यात DMH 8, ससून 7, नायडू 2, DH AUNDH 2, जहांगीर, जोशी, बुधराणी, दळवी, सूर्या, विनोद, नवले, राव नर्सिंग आणि KEM प्रत्येकी 1 अशा तपशील आहे. सदरील मृत्यू 2 ते 4 ऑगस्ट दरम्यानचे आहेत. दरम्यान कोरोना संसर्गामुळे मृत्यू झालेल्यांची संख्या 1412 वर पोहचली आहे. अशी माहिती पुण्याचे महापौर मुरलीधर मोहोळ यांनी दिली आहे.

Load More

आज, मुंबई आणि शहरामध्ये मध्यरात्रीपासून पावसाने जोरदार हजेरी लावली आहे. मुंबई आणि शहरामध्ये मध्यरात्रीपासून पावसाने जोरदार हजेरी लावली आहे. दादर, कुर्ला, सायन, मुलुंड, माटुंगा, हिंदमाता, अंधेरी, घाटकोपर, गोरेगाव, मालाड, जोगेश्वरी, कांदिवली, बोरिवली, गोवंडी या भागामध्ये पावसाने जोरदार हजेरी लावली. कांदिवली येथे डोंगराचा भाग कोसळल्याने मीरा रोडहून मुंबईकडे येणारी वाहतूकही ठप्प झाली असून रात्रीपासून कोसळणाऱ्या पावसामुळे मुंबईचे जनजीवन ठप्प झाले आहे. मुसळधार पावसाचा मुंबई लोकल ट्रेनवरही मोठा परिणाम झाला आहे. मध्य रेल्वे धीम्यागतीने धावत आहे. तसेच कुर्ला ते सीएसएमटी दरम्यान हार्बर मार्गावरील रेल्वे वाहतूक थांबली आहे.

सोमवार रात्रीपासून सुरू असलेल्या संततधार पावसाच्या व भारतीय हवामान खात्याने दिलेल्या अतिवृष्टीच्या इशाऱ्याच्या पार्श्वभूमीवर आज बृहन्मुंबई महापालिका क्षेत्रातील अत्यावश्यक सेवा वगळता इतर सर्व कार्यालये, आस्थापना इत्यादी बंद ठेवण्याचे आवाहन बृहन्मुंबई महानगरपालिकेने केले आहे. त्याचबरोबर नागरिकांनी सुरक्षिततेच्या दृष्टिकोनातून घरातच थांबण्याचे आवाहन केले आहे.

राज्य विधिमंडळातील विधानसभा आणि विधान परिषद अशा दोन्ही सभागृहातील आमदारांच्या निधी खर्चाबाबत लवकरच नवी नियमावली सादर होणार आहे. या आधी असल्या नियमांमध्ये बदल करण्यासाठी राज्य मंत्रिमंडळाची एक उपसमिती स्थापन करण्यात आली आहे. उपमुख्यमंत्री अजित पवार या समितीचे अध्यक्ष आहेत. तर, एकनाथ शिंदे, अमित देशमुख, बाळासाहेब थोरात, हसन मुश्रीफ, शंभूराज देसाई हे या समितीचे सदस्य आहेत. राज्याच्या नियोजन विभागाने याबाबतचा सरकारी निर्णय आज (सोमवार, 3 ऑगस्ट) काढला आहे.

दिवंगत अभिनेता सुशांत सिंह राजपूत याच्या वडिलांनी केलेला दावा मुंबई पोलिसांनी फेटाळला आहे. सुशांत सिंह राजपूत याच्या वडिलांनी वांद्रे पोलीस स्टेशनमध्ये कोणत्याही प्रकारची लेखी तक्रार 25 फेब्रुवारी या दिवशी दिली नव्हती, असे स्पष्टीकरण मुंबई पोलिसांनी दिले आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.

दरम्यान, भारतात दिवसेंदिवस कोरोनाबाधित रुग्णांच्या संख्येत मोठी वाढ झाल्याचे पाहायला मिळत आहे. देशात आतापर्यंत 18 लाख 3 हजार 695 जणांना कोरोनाचा संसर्ग झाला आहे. यापैकी 38 हजार 135 जणांचा मृत्यू झाला आहे. तर, 11 लाख 86 हजार 203 जणांनी कोरोनावर मात केली आहे. सध्या संपूर्ण देशात 5 लाख 79 हजार 357 ऍक्टीव्ह रुग्ण आहेत.