Kabali Film Producer KP Chowdary Dies: तेलुगू चित्रपट 'कबाली'चे निर्माते केपी चौधरी यांची आत्महत्या; खोलीत लटकलेल्या अवस्थेत आढळला मृतदेह
पोलिसांनी या प्रकरणाचा तपास सुरू केला आहे. प्राथमिक अंदाजानुसार, हे आत्महत्येचे प्रकरण असल्याचे सांगितले जात आहे. के पी चौधरी यांनी वयाच्या 44 व्या वर्षी अखेरचा श्वास घेतला.
Kabali Film Producer KP Chowdary Dies: दाक्षिणात्य चित्रपट सृष्टीतून एक धक्कादायक बातमी समोर आली आहे. तेलुगू चित्रपट निर्माते के पी चौधरी (KP Chowdary) यांनी आज म्हणजेच सोमवारी जगाचा निरोप घेतला आहे. प्राप्त माहितीनुसार, चित्रपट निर्माता गोव्याला गेला होता. के पी चौधरी उत्तर गोव्यातील एका गावात भाड्याच्या घरात फासावर लटकलेल्या अवस्थेत आढळले. पोलिसांनी या प्रकरणाचा तपास सुरू केला आहे. प्राथमिक अंदाजानुसार, हे आत्महत्येचे प्रकरण असल्याचे सांगितले जात आहे. के पी चौधरी यांनी वयाच्या 44 व्या वर्षी अखेरचा श्वास घेतला.
पोलिस अधीक्षक (उत्तर) अक्षत कौशल यांनी माध्यमांशी बोलताना सांगितले की, रजनीकांत अभिनीत कबाली या तेलुगू चित्रपटाचे निर्माते म्हणून ओळखले जाणारे चौधरी यांचा मृतदेह सिओलिम गावातील भाड्याच्या खोलीत आढळला. अंजुना पोलिस ठाण्याच्या सिओलिम चौकीला निर्मात्याच्या मृत्यूची माहिती मिळाली. पुढील तपास सुरू आहे. (हेही वाचा -Rajinikanth Hospitalized: सुपरस्टार रजनीकांत चेन्नईच्या रुग्णालयात हृदय शस्त्रक्रियेसाठी दाखल, प्रकृती स्थिर!)
'कबाली'चे निर्माते केपी चौधरी यांची आत्महत्या -
#BREAKING South Indian movie producer Sunkara Krishna Prasad Chowdary, known as NK Choudhary, was found hanging in his rented house in Siolim, North Goa. He was declared dead at the hospital. Choudhary, known for producing Kabali, is suspected to have died by suicide. Anjuna… pic.twitter.com/NN3ZA4FPjQ
— IANS (@ians_india) February 3, 2025
दरम्यान, 2023 मध्ये, सायबराबाद स्पेशल ऑपरेशन्स टीमने त्यांना ड्रग्ज प्रकरणाच्या संदर्भात अटक केली होती. सुरुवातीच्या अहवालांवरून असं सांगण्यात येत आहे की, चौधरी आर्थिक नुकसान आणि कर्जदारांकडून वाढत्या दबावाला तोंड देत होते. चित्रपट उद्योगात मोठ्या अडचणींना तोंड दिल्यानंतर, ते ड्रग्ज खरेदी आणि वितरणात सहभागी झाले होते. त्यांनी गोव्यात ओएचएम पब देखील उघडला, जिथे त्यांनी सेलिब्रिटींना ड्रग्ज वाटल्याचा आरोप आहे.
(The above story first appeared on LatestLY on Feb 03, 2025 06:16 PM IST. For more news and updates on politics, world, sports, entertainment and lifestyle, log on to our website latestly.com).
