Saudi Arabia Bans 'Singham Again' and 'Bhool Bhulaiyaa 3': अजय देवगणचा 'सिंघम अगेन' आणि कार्तिक आर्यनच्या 'भूल भुलैया 3'ला मोठा झटका; सौदी अरेबियामध्ये 'या' कारणांसाठी घातली बंदी

Saudi Arabia Bans 'Singham Again' and 'Bhool Bhulaiyaa 3': या दिवाळीत बॉक्स ऑफिसवर मोठी टक्कर पाहायला मिळणार आहे. एका बाजूला अजय देवगण आणि रोहित शेट्टीचा 'सिंघम अगेन' (Singham Again) प्रदर्शित होत आहे, तर दुसरीकडे कार्तिक आर्यनचा 'भूल भुलैया 3' (Bhool Bhulaiyaa 3) येत आहे. दिवाळीसारख्या सणाचा फायदा घेण्यासाठी या दोन्ही चित्रपटांच्या स्क्रीन्सबाबत निर्मात्यांमध्ये जोरदार भांडण झाले. आता बातमी अशी आहे की, या दोन्ही चित्रपटांवर सौदी अरेबियात बंदी घालण्यात आली आहे. सिंघम अगेन आणि भूल भुलैया 3 या शुक्रवारी, 1 नोव्हेंबरला दिवाळीच्या मुहूर्तावर रिलीज होत आहेत, परंतु सौदी अरेबियामध्ये त्यांच्यावर बंदी घालण्यात आली आहे.

एका रिपोर्टनुसार, धार्मिक कारणामुळे 'सिंघम अगेन'वर सौदी अरेबियामध्ये बंदी घालण्यात आली आहे. चित्रपटात हिंदू-मुस्लिम वाद दाखवण्यात आल्याचे सांगितले जात आहे. तर 'भूल भुलैया 3' वर बंदी घालण्यात आली आहे कारण यात समलैंगिकता दाखवण्यात आली आहे.

कार्तिकशिवाय 'भूल भुलैया 3'मध्ये माधुरी दीक्षित, तृप्ती डिमरी आणि विद्या बालन यांच्याही भूमिका आहेत. आता या बंदीच्या निर्णयावर निर्माते काय कारवाई करतात हे पाहायचे आहे. सध्या या बंदीमुळे दोन्ही चित्रपटांना मोठा फटका बसला आहे. दोन्ही चित्रपटांच्या आगाऊ बुकिंगबद्दल सांगायचे तर, 'भूल भुलैया 3'चे आगाऊ बुकिंग 28 ऑक्टोबरपासून सुरू झाले आहे, तर 'सिंघम अगेन'चे बुकिंग बुधवार, 30 ऑक्टोबरपासून सुरू झाले आहे. असे असूनही, 'सिंघम अगेन' प्री-सेल्सच्या बाबतीत 'भूल भुलैया 3' च्या पुढे गेला. (हेही वाचा: Singham Again Box Office Prediction Day 1: 'सिंघम अगेन' बॉक्स ऑफिसवर दमदार ओपनिंग करणार, पाहा ताजे आकडे)

भारतात, दोन्ही चित्रपट स्क्रीन 60-40 टक्के गुणोत्तराने विभागले गेले आहेत. म्हणजेच अजय देवगणच्या चित्रपटाला 60 टक्के आणि कार्तिकच्या चित्रपटाला 40 टक्के स्क्रीन मिळाले आहेत. दरम्यान, अलीकडेच बॉलीवूड हंगामावर एक रिपोर्ट प्रसिद्ध झाला होता, ज्यामध्ये म्हटले होते की, 'सिंघम अगेन' सिंगापूरमध्ये रिलीज करण्याचा निर्णय पुढे ढकलावा लागला आहे. याचे कारण म्हणजे, सेन्सॉर बोर्ड. तेथे सेन्सॉरची प्रक्रिया पूर्ण झाली नाही. स्त्रोताच्या हवाल्याने असे म्हटले आहे की, सिंगापूर सेन्सॉर बोर्ड अतिशय कडक आहे आणि त्यामुळे यापूर्वीही अनेक चित्रपटांचे नुकसान झाले आहे. आता 'सिंघम अगेन' हा चित्रपट 1 नोव्हेंबर ऐवजी आता 7 नोव्हेंबरला सिंगापूरमध्ये प्रदर्शित होणार आहे.

(The above story first appeared on LatestLY on Oct 31, 2024 07:19 PM IST. For more news and updates on politics, world, sports, entertainment and lifestyle, log on to our website latestly.com).