वाढदिवसानिमित्त शाहरुख खानची प्रतिमा झळकली Burj Khalifa वर; अशा प्रकारे सन्मान मिळवणारी जगातील पहिली व्यक्ती (Video)
आजच्या दिवसाचे औचित्य साधून थेट दुबईमध्येही (Dubai) एका आगळ्यावेगळ्या पद्धतीने शाहरुखचा वाढदिवस साजरा झाला. ही गोष्ट ऐकून तुम्हालाही आश्चर्याचा धक्का बसेल. तर वाढदिवसानिमित्त शाहरुख खानच्या नावाची अक्षरे जगातील सर्वात उंच इमारतीवर, बुर्ज खलिफा (Burj Khalifa) वर झळकली आहेत.
बॉलिवूडचा बादशाह, डॉन, किंग खान शाहरुख खानचा (Shahrukh Khan) आज 54 वा वाढदिवस आहे. आजवर शेकडो सिनेमांमधून त्याने आपला कोट्यवधींचा चाहता वर्ग निर्माण केला आहे. शाहरुख खानच्या वाढदिवसाच्या निमित्ताने दरवर्षीप्रमाणे आजही सकाळपासून त्याच्या चाहत्यांनी मन्नतवर गर्दी केली होती. आपल्या आवडत्या ताऱ्याची एक झलक पाहण्यासाठी चाहते ताटकळत उभे होते. मात्र आजच्या दिवसाचे औचित्य साधून थेट दुबईमध्येही (Dubai) एका आगळ्यावेगळ्या पद्धतीने शाहरुखचा वाढदिवस साजरा झाला. ही गोष्ट ऐकून तुम्हालाही आश्चर्याचा धक्का बसेल. तर वाढदिवसानिमित्त शाहरुख खानच्या नावाची अक्षरे जगातील सर्वात उंच इमारतीवर, बुर्ज खलिफा (Burj Khalifa) वर झळकली आहेत.
To my brother, the awesomely cool Mr. @Mohamed_Alabbar and @BurjKhalifa @emaardubai. Thanks for making me shine so bright. Your love and kindness is unsurpassable. Wow! This is really the Tallest I have ever been. Love u Dubai. It’s my birthday and I’m the guest! pic.twitter.com/8oFAQCqNbD
— Shah Rukh Khan (@iamsrk) November 2, 2019
शाहरुख खान हा जगातील पहिला अभिनेता किंवा व्यक्ती ठरला आहे, ज्याच्या नावांची अक्षरे बुर्ज खलिफावर दाखवण्यात आली. दुबईमधील शाहरुखच्या चाहत्यांसाठी ही एक मोठी ट्रीट होती. ‘Happy Birthday To The King Of Bollywood Shah Rukh Khan’ अशी अक्षरे बुर्ज खलिफावर झळकली आहेत. अशाप्रकारे शाहरुखचा यावर्षी वाढदिवस एका वेगळ्याच उंचीवर पोहचला आहे. याआधी फक्त महत्वाच्या घटनांच्याच प्रतिमा बुर्ज खलिफा वर झळकत असत.
SRK has become the FIRST EVER PERSON to FEATURE on the Burj Khalifa! First in the whole wide world.
First pics:
(@saaniisweet) pic.twitter.com/CznXKp9bdi
— SRK Universe Fan Club (@SRKUniverse) November 2, 2019
दरम्यान, शाहरुखने काल रात्री उशिरा घराबाहेर जमलेल्या आपल्या चाहत्यांना भेटून, त्यांना अभिवादन करून आपला दिवस सुरू केला. आज संध्याकाळी त्याने मुलगा अब्राहम खानसोबत दुसऱ्यांदा आपले दर्शन चाहत्यांना दिले. आज दिवसभर मन्नतसमोर चाहत्यांची एकच गर्दी होती. आज शाहरुखने चाहत्यांनी भरलेल्या सभागृहात एका खास कार्यक्रमात हजेरी लावली, तिथे त्याने वाढदिवसाचा केक कापला व नृत्य केले. यावेळी त्याने चाहत्यांशी संवाद साधत आपल्या पुढील वाटचालीबद्दल माहिती दिली.
(The above story first appeared on LatestLY on Nov 02, 2019 11:37 PM IST. For more news and updates on politics, world, sports, entertainment and lifestyle, log on to our website latestly.com).
