QuickLY
Socially
Salman Khan Residence Firing Case: बॉलिवूड अभिनेता सलमान खान (Salman Khan) च्या निवासस्थानाबाहेर 14 एप्रिल रोजी झालेल्या गोळीबाराच्या घटनेच्या संदर्भात, सर्वात ताज्या घडामोडीत, पंजाबच्या अभोर गावातून दोघांना अटक करण्यात आली. आता आरोपी सोनू कुमार बिश्नोई आणि अनुज थापन यांना 30 एप्रिलपर्यंत पोलिस कोठडी सुनावण्यात आली आहे. या दोघांनी पनवेलमध्ये आरोपी सागर पाल आणि विकी कुमार गुप्ता यांची भेट घेतली होती. या दोघांनी 15 मार्च रोजी अभिनेत्याच्या घराबाहेर गोळीबार करणाऱ्या दोघांना पिस्तूल पुरवल्या होत्या.
आरोपी सोनू कुमार बिश्नोई आणि अनुज थापन यांना गुन्हे शाखेने एस्प्लेनेड न्यायालयात हजर केले. गुन्हे शाखेने 10 दिवसांची कोठडी मागितली. न्यायालयाने त्यांना 30 एप्रिलपर्यंत गुन्हे शाखेच्या कोठडीत ठेवण्याचे आदेश दिले. सोनू कुमार बिश्नोई आणि अनुज थापन यांनी 15 मार्च रोजी पनवेलमधील पाल आणि गुप्ता यांना शस्त्रे पोचवली होती. (हेही वाचा -Salman Khan Attends Heeramandi Premiere: संजय लीला भन्साळी यांच्यासोबतचे मतभेद बाजूला ठेवून सलमान खान कडेकोट बंदोबस्तात पोहोचला हीरामंडीच्या प्रीमियरला)
सलमान खानच्या घरावर गोळीबार करणाऱ्या आरोपी विकी गुप्ता आणि सागर पाल यांची पोलिस कोठडी गुरुवारी संपली. त्यानंतर त्यांना न्यायालयात हजर करण्यात आले. दोन्ही आरोपींना बंदुकीसोबत 40 गोळ्या पोलिसांकडे दिल्या. त्यापैकी त्यांनी 5 राउंड फायर केले, तर 17 राउंड सुरतच्या नदीत सापडले. उर्वरित 18 राउंड अद्याप सापडले नसून त्यांचा शोध घेणे सुरू आहे. (Mumbai: गाझियाबादच्या विद्यार्थ्याने सलमान खानच्या वांद्रे येथील गॅलेक्सी निवासस्थानाबाहेर लॉरेन्स बिश्नोईच्या नावाने बुक केली OLA कार, तरुणाला अटक)
सलमान खानचे घर मुंबईतील वांद्रे भागात बनलेल्या गॅलेक्सी अपार्टमेंटमध्ये आहे. 14 एप्रिल रोजी पहाटे 3.30 च्या सुमारास मोटारसायकलवरून आलेल्या दोघांनी त्याच्या घराबाहेर गोळीबार केला होता. या गोळीबाराचा व्हिडिओ सोशल मीडियावर व्हायरल झाला होता. गोळीबारानंतर पोलिसांनी कलम 307 अन्वये गुन्हा दाखल करून तपास सुरू केला.
