Ukraine-Russia War: युक्रेनवर रशियाचे हल्ले सुरूच, संरक्षण मंत्रालयाचा दावा- युक्रेनचे 471 सैनिक ताब्यात

सलग चौथ्या दिवशी रशियाचे युक्रेनवर हल्ले (Ukraine-Russia War) सुरूच आहेत. रशियाच्या हल्ल्यामुळे युक्रेनमधील परिस्थिती आता अनियंत्रित होत आहे. युद्धामुळे संपूर्ण देशातील जनता पुर्णपणे घाबरलेली आहे. रशियाच्या संरक्षण मंत्रालयाच्या (Russian Defence Ministry) प्रवक्त्याने सांगितले की, आतापर्यंत 471 युक्रेनियन सैनिकांना त्यांच्या सैन्याने ताब्यात घेतले आहे. याशिवाय रशियन सैनिकांनी (Russian Soldiers) युक्रेनचे 223 रणगाडे आणि इतर बख्तरबंद लढाऊ वाहने, 28 विमाने, 39 मल्टिपल रॉकेट लॉन्चर, 86 फील्ड आर्टिलरी माउंट्स आणि 143 विशेष लष्करी वाहने नष्ट केली आहेत. रशियन संरक्षण मंत्रालयाच्या प्रवक्त्याने सांगितले की, ज्या युक्रेनच्या सैनिकांनी आत्मसमर्पण केले आहे त्यांच्याशी आदराने वागले जात आहे आणि कागदपत्रे भरल्यानंतर त्यांना त्यांच्या कुटुंबीयांकडे परत पाठवले जाईल.

प्रवक्त्याने सांगितले की शनिवारी खार्किव प्रदेशात युक्रेनियन सशस्त्र दलाच्या 302 व्या विमानविरोधी क्षेपणास्त्र रेजिमेंटने स्वेच्छेने आपली शस्त्रे खाली ठेवली आणि आत्मसमर्पण केले. याव्यतिरिक्त, रशियन सैन्याने खेरसनजवळील जेनिचेव्हस्क शहर आणि चेर्नोबेव्हका एअरफील्डचा ताबाही घेतला.

Tweet

223 tanks and other armored combat vehicles, 28 aircraft (on the ground), 39 multiple rocket launchers, 86 field artillery mounts and mortars, 143 units of special military vehicles were destroyed: Russian Defence Ministry spokesperson

— ANI (@ANI) February 27, 2022

रशियन सैन्याने कीवपासून 25 मैल दक्षिणेस तेल डेपोवर केला हल्ला 

रशियन संरक्षण मंत्रालयाकडून मिळालेल्या माहितीनुसार, गेल्या 24 तासांत लुहान्स्क पीपल्स रिपब्लिकच्या सैनिकांच्या एका गटाने, रशियन सशस्त्र दलाच्या फायर समर्थनासह, यशस्वी आक्रमण केले आणि नोवोख्तीर्का, स्मोल्यानिनोवो, स्टॅनिच्नो-लुहांस्कोचा ताबा घेतला. सेटलमेंट्स युक्रेनचे विमानतळ आणि इंधन सुविधा रशियन सैन्याने लक्ष्य करुन ते नष्ट करण्यात आले. युक्रेनची राजधानी कीवच्या दक्षिणेला रविवारी पहाटे मोठा स्फोट झाला. राजधानीच्या दक्षिणेस सुमारे 25 किलोमीटर असलेल्या झुलियानी विमानतळाजवळ तेल डेपोवर हल्ला करण्यात आला. हल्ल्यानंतर तेथून धूर निघताना दिसत आहे. (हे ही वाचा Elon Musk यांनी युक्रेनला दिला मदतीचा हात; मंत्र्यांच्या विनंतीवरून Ukraine मध्ये सक्रिय केली Starlink Internet Service)

युक्रेन सरकारने 39 तासांचा कर्फ्यू लागू केला

युद्धाच्या काळात बिघडलेली परिस्थिती पाहता, लोक रस्त्यावर येऊ नयेत म्हणून युक्रेन सरकारने 39 तासांचा कर्फ्यू लागू केला आहे. 150,000 हून अधिक लोक युक्रेनमधून पोलंड, मोल्दोव्हा आणि इतर देशांमध्ये गेले आहेत. युद्ध सुरू राहिल्यास हा आकडा 4 दशलक्षांपेक्षा जास्त होऊ शकतो, असा इशारा संयुक्त राष्ट्रांनी दिला आहे. अमेरिकेने युक्रेनला रणगाडाविरोधी शस्त्रे आणि लहान शस्त्रांसह 350 दशलक्ष अतिरिक्त लष्करी मदत देण्याचे वचन दिले आहे. जर्मनीने सांगितले की ते युक्रेनला क्षेपणास्त्रे आणि रणगाडाविरोधी शस्त्रे पाठवेल आणि रशियन विमानांसाठी आपली हवाई हद्द बंद करेल.

(The above story first appeared on LatestLY on Feb 27, 2022 03:47 PM IST. For more news and updates on politics, world, sports, entertainment and lifestyle, log on to our website latestly.com).