Japan Will Disappear: जगाच्या नकाश्यावरून जपान लवकरच गायब होणार! इलॉन मस्कचा दावा
Elon Musk

Japan Will Disappear:जपानच्या लोकसंख्येमध्ये सातत्याने घट होत असल्याबद्दल चिंता व्यक्त केली जात आहे. या समस्येवर लवकर तोडगा न निघाल्यास जपानचे अस्तित्व धोक्यात येऊ शकते, असे टेस्ला आणि स्पेसएक्सचे प्रमुख इलॉन मस्क यांनी म्हटले आहे. एलोन मस्क X वर म्हणाले, 'जर काही लवकर केले नाही तर जपान नकाश्यावर दिसणार नाही'. गेल्या काही वर्षांत जपानची लोकसंख्या झपाट्याने कमी होत आहे. जपानची लोकसंख्या 2016 मध्ये 12.7 कोटी होती, जी 2023 मध्ये घटून 12.39 कोटी झाली आहे. म्हणजे अवघ्या 7 वर्षात जपानची लोकसंख्या अंदाजे 31 लाखांनी कमी झाली आहे!

पाहा पोस्ट:

जपानमधील जन्मदर सातत्याने विक्रमी नीचांकी पातळीवर पोहोचत आहे. नुकत्याच जाहीर झालेल्या आकडेवारीनुसार, 2023 मध्ये संपूर्ण देशात केवळ 758,631 मुलांचा जन्म झाला, ज्यामध्ये परदेशात राहणारे जपानी आणि जपानमध्ये राहणारे परदेशी यांचाही समावेश आहे. त्याच वेळी, याच कालावधीत मृत्यू दर 1,574,865 होता.

या आकडेवारीवरून असे दिसून येते की 2023 मध्ये जपानमध्ये दर दोन मृत्यूंमागे फक्त एकच जन्म होईल. सतत घटणारा जन्मदर आणि वाढता मृत्यूदर यामुळे जपानची लोकसंख्या झपाट्याने कमी होत आहे, त्यामुळे देशाच्या सामाजिक आणि आर्थिक भविष्याबाबत चिंता वाढत आहे.

इलॉन मस्क यांनी ट्विटरवर हा मुद्दा उपस्थित करत म्हटले आहे की, "जपानमध्ये जन्मदर मृत्यूदरापेक्षा कमी असल्याने, काहीही बदलले नाही, तर हा देश कालांतराने संपुष्टात येईल. हे जगाचे मोठे नुकसान होईल."

या समस्येचा सामना करण्यासाठी जपान सरकार अनेक प्रयत्न करत आहे, ज्यात तरुणांना लग्न करण्यास आणि मुले जन्माला घालण्यासाठी आर्थिक मदत आणि इतर योजनांचा समावेश आहे. मात्र, आजपर्यंत या प्रयत्नांचा फारसा परिणाम दिसून आलेला नाही. जपान आपल्या घटत्या लोकसंख्येच्या समस्येवर तोडगा काढू शकतो का, की इलॉन  मस्कचे भाकीत खरे ठरते का, हे पाहणे बाकी आहे.