Israel Hamas War: गाझामध्ये मारल्या गेलेल्या पॅलेस्टिनींची संख्या 18,400 पेक्षा जास्त

• गाझा पट्टीतील आरोग्य मंत्रालयाने जाहीर केले आहे की 7 ऑक्टोबरपासून हमास-इस्रायल संघर्ष सुरू झाल्यापासून पॅलेस्टिनी प्रदेशातील मृतांची संख्या 18,400 पेक्षा जास्त झाली आहे. मंत्रालयाचे प्रवक्ते अश्रफ अल-केद्रा यांनी पत्रकार परिषदेत सांगितले की, मंगळवारपर्यंत गाझावरील इस्रायली लष्करी हल्ल्यात एकूण 18,412 पॅलेस्टिनी ठार झाले आहेत आणि 50,100 जखमी झाले आहेत, अशी माहिती शिन्हुआ वृत्तसंस्थेने दिली आहे. (हेही वाचा - Israel Using AI For War: गाझामधील हल्ल्यांसाठी इस्त्रायल वापरतयं कृत्रिम बुद्धिमत्ता? भविष्यातील युद्धाचे परिमान बदलण्याची चिन्हे)

अल-केद्रा यांनी सांगितले की, गेल्या काही तासांत 207 पॅलेस्टिनींचे मृतदेह गाझा पट्टीतील रुग्णालयात हलवण्यात आले, तर इस्रायलच्या हल्ल्यात 450 जण जखमी झाले.

हमासने दक्षिण इस्रायलवर केलेल्या हल्ल्याला प्रत्युत्तर म्हणून इस्रायल 7 ऑक्टोबरपासून गाझामध्ये सतत हवाई हल्ले आणि जमिनीवर हल्ले करत आहे. हमासच्या हल्ल्यात इस्रायलच्या हद्दीत सुमारे 1,200 लोक मारले गेले. इस्रायली तुरुंगातून 240 पॅलेस्टिनी कैद्यांच्या सुटकेच्या बदल्यात हमासने 105 इस्रायली ओलीसांची सुटका करून नोव्हेंबरच्या उत्तरार्धात 10 दिवसांचा युद्धविराम लागू केला होता.

(The above story first appeared on LatestLY on Dec 13, 2023 01:15 PM IST. For more news and updates on politics, world, sports, entertainment and lifestyle, log on to our website latestly.com).