Taliban Attack (Representational Image/ Photo Credit: Getty)

काबूल विमानतळावरून (Kabul Airport) पुन्हा एकदा अफगाणिस्तान (Afghanistan) नागरिकांच्या हानीची बातमी आली आहे. रविवारी ब्रिटिश लष्कराने (Army) जारी केलेल्या निवेदनानुसार आंतरराष्ट्रीय विमानतळावर चेंगराचेंगरीत 7 अफगाण नागरिक ठार झाले आहेत. लष्कराने म्हटले आहे की तालिबान्यांच्या (Taliban) पकडीतून सुटण्यासाठी देश सोडून पळून जाणाऱ्या लोकांना अजूनही धोका असल्याचे दिसून आले आहे. यूकेच्या (UK) संरक्षण मंत्रालयाने (Ministry of Defense) एक निवेदन जारी केले की विमानतळावरील परिस्थिती अत्यंत आव्हानात्मक आहे. परंतु आम्ही परिस्थिती सामान्य करण्यासाठी आणि लोकांना सुरक्षित बाहेर काढण्यासाठी सर्वतोपरी प्रयत्न करत आहोत. तालिबानने रविवारी काबूलचा (Kabul) ताबा घेतल्यानंतर विमानतळावर मोठ्या संख्येने लोक येऊ लागले.

हे मृत्यू अफगाणिस्तानातील इस्लामिक स्टेटशी संबंधित गटांकडून नवीन धोका म्हणून उदयास आले आहेत. येथे विमानतळावर अमेरिकेच्या बाजूने होणाऱ्या उपक्रमांमध्येही बदल करण्यात आले आहेत. अमेरिकन विमान उड्डाणापूर्वी फ्लेयर्स वापरत आहेत जेणेकरून त्यांच्यावर डागली जाणारी क्षेपणास्त्रे टाळता येतील.  शनिवारीच अमेरिकन दूतावासाने नवीन सुरक्षा सूचना जारी केल्या. यामध्ये नागरिकांना अमेरिकन सरकारच्या सूचनेशिवाय काबूल विमानतळावर प्रवास करू नये असे सांगण्यात आले. हेही वाचा संरक्षणमंत्री राजनाथ सिंह, ऑलिंपिक मधे सहभागी झालेल्या सैन्यसेवेतील कर्मचाऱ्यांचा पुण्यात करणार सत्कार; सुवर्णपदक विजेता सुभेदार नीरज चोप्रा याच्या उपस्थितीची शक्यता

अधिकाऱ्यांनी आयएसच्या धमकीविषयी अधिक तपशील दिलेला नाही, परंतु ते अत्यंत महत्वाचे असल्याचे वर्णन केले आहे. त्यांनी म्हटले आहे की या हल्ल्याची अद्याप दहशतवाद्यांनी पुष्टी केली नाही. ज्यांनी यापूर्वी तालिबानशी लढा दिला होता. रविवारी ब्रिटीश लष्कराने काबूलमध्ये जमावाने केलेल्या सात नागरिकांच्या मृत्यूची माहिती दिली होती. त्याने सांगितले होते की गर्दीतील लोकांना चिरडले गेल्याने जखमी झाले आहेत. विशेषतः जेव्हा तालिबान लढाऊ देश सोडून जाण्याचा प्रयत्न करणाऱ्या नागरिकांना हाकलण्यासाठी हवेत गोळीबार करत आहेत.

मंत्रालयाने स्वतंत्रपणे सांगितले की यूकेने आता 13 ऑगस्टपासून अफगाणिस्तानातून जवळपास 4,000 लोकांना बाहेर काढले आहे. सोमवारीही विमानतळावर प्रचंड गर्दी जमली होती, ज्यामुळे अमेरिकेला खाली उडणाऱ्या हेलिकॉप्टरद्वारे धावपट्टी साफ करण्याचा प्रयत्न करावा लागला. या दरम्यान, विमानात लटकून देश सोडण्याचा प्रयत्न करणाऱ्या काही नागरिकांचाही मृत्यू झाला. मात्र, गर्दीतील मृतांची संख्या अद्याप स्पष्ट झालेली नाही.