WhatsApp वर मिळेल लसीकरण केंद्राची संपूर्ण माहिती; 'हा' मोबाइल नंबर करेल तुमची मदत

1 मे 2021 रोजी व्हॉट्सअॅप हेड Will Cathcart ने घोषित केले की, मेसेजिंग अॅपवर चॅटबॉट्सवरून हेल्पलाईन चालविण्यासाठी कंपनी हेल्थ पार्टनरबरोबर काम करत आहे. मागील वर्षी ही हेल्पलाईन सुरू करण्यात आली होती. या हेल्पलाइनवरून नागरिक आता सर्वात जवळचे लसीकरण केंद्र शोधण्यास सक्षम असतील.

WhatsApp (Photo Credits: Pixabay)

1 मे 2021 पासून 18 ते 45 वर्षे वयोगटातील नागरिकांसाठी लसीकरण मोहीम सुरू झाली आहे. अशा परिस्थितीत सरकारने लोकांच्या सोयीसाठी सोशल मीडिया प्लॅटफॉर्म व्हॉट्सअॅपसोबत मोहीम सुरू केली आहे. त्याअंतर्गत तुम्हाला नजीकचे लसीकरण केंद्र घरी बसून व्हॉट्सअ‍ॅपच्या मदतीने मिळू शकेल. जर आपण लस घेणार असाल तर सर्वप्रथम आपल्याला जवळच्या केंद्राबद्दल संपूर्ण माहिती असणे आवश्यक आहे. जेणेकरुन लसीकरण दरम्यान आपल्याला कोणतीही अडचण उद्भवू नये. 1 मे 2021 रोजी व्हॉट्सअॅप हेड Will Cathcart ने घोषित केले की, मेसेजिंग अॅपवर चॅटबॉट्सवरून हेल्पलाईन चालविण्यासाठी कंपनी हेल्थ पार्टनरबरोबर काम करत आहे. मागील वर्षी ही हेल्पलाईन सुरू करण्यात आली होती. या हेल्पलाइनवरून नागरिक आता सर्वात जवळचे लसीकरण केंद्र शोधण्यास सक्षम असतील. (वाचा - 1 मे पासून बदलत आहेत हे नियम; आजचं करा 'हे' काम अन्यथा WhatsApp सह ही सेवा होईल बंद)

जवळचे लसीकरण केंद्र कसे शोधायचे ते जाणून घ्या -

सर्व प्रथम, वापरकर्त्यास संपर्क यादीमध्ये +91 9013151515 जतन करावा लागेल. हा नंबर MyGov Corona Helpdesk chatbot शी जोडलेले आहे.

यानंतर वापरकर्त्याला या क्रमांकावरून Namaste संदेश टाइप करून पाठवावा लागेल.

यानंतर चॅटबॉक्स आपल्याला स्वयंचलित प्रतिसाद देईल.

त्याच्या मदतीने आपण आपल्या जवळच्या कोविड लसीकरण केंद्राबद्दल माहिती मिळवू शकता.

त्यानंतर आपल्याला 6-अंकी पिन कोड देखील प्रविष्ट करावा लागेल.

येथे करा लसीसाठी नोंदणी -

लसीसाठी ऑनलाईन नोंदणी CoWIN आणि Aarogya Setu अ‍ॅपद्वारे केली जाईल.

आरोग्य सेतु अॅप आणि कोविन वर नोंदणी प्रक्रिया समान आहे. सर्व प्रथम, आपण लॉगिन / नोंदणी वर टॅप करा.