FIFA World Cup 2022: फुटबॉल विश्वचषकाच्या 92 वर्षांच्या इतिहासात प्रथमच असे घडणार, मैदानावर दिसणार ‘वुमन पॉवर’
21 नोव्हेंबर ते 18 डिसेंबर या कालावधीत कतार येथे होणार्या 2022 फिफा विश्वचषक स्पर्धेत तीन महिला पंच आणि तीन महिला सहाय्यक पंचांची निवड करण्यात आली आहे. महिला अधिकारी या स्पर्धेत भाग घेण्याची ही पहिलीच वेळ असेल.
Qatar FIFA World Cup 2022: फिफा विश्वचषक स्पर्धा (FIFA World Cup) या वर्षाच्या अखेरीस कतार (Qatar) येथे होणार आहे. हा विश्वचषक स्वतःमध्ये ऐतिहासिक असेल. यावेळी अशा अनेक गोष्टी पाहायला मिळतील ज्या विश्वचषकाच्या इतिहासात पहिल्यांदाच पाहायला मिळतील. प्रथमच, जगातील सर्वाधिक पाहिली जाणारी स्पर्धा मध्य पूर्व येथे आयोजित आहे. नोव्हेंबर-डिसेंबरमध्ये पहिल्यांदाच विश्वचषक खेळवला जाणार असून आता प्रथमच या स्पर्धेत महिला पंचाच्या भूमिकेत दिसणार आहेत. 21 नोव्हेंबर ते 18 डिसेंबर या कालावधीत विश्वचषक स्पर्धा होणार आहे. FIFA ने या स्पर्धेसाठी जगभरातून 36 रेफरी, 69 सहाय्यक रेफरी आणि 24 VAR अधिकारी निवडले आहेत. (FIFA World Cup 2022 Draw: स्पेन आणि जर्मनी एकाच गटात, मेक्सिको लिओनेल मेस्सीच्या अर्जेंटिनाशी भिडणार; पहा संपूर्ण ग्रुप ऑफ डेथ)
पंच म्हणून तीन महिलांची निवड करण्यात आली आहे. फ्रान्सची स्टेफनी फ्रानपार्ट, रवांडाची सलीमा मुकानसांगा आणि जपानची योशिमी यामाशिता विश्वचषक दरम्यान रेफ्री म्हणून काम पाहणार आहेत. या तिघांव्यतिरिक्त ब्राझीलच्या नुएझा बॅक, मेक्सिकोच्या कॅरेन डायझ मेडिना आणि अमेरिकेच्या कॅथरीन नेस्बिट यांची सहाय्यक रेफ्री म्हणून निवड करण्यात आली आहे. एक धाडसी पाऊल, मध्य पूर्वमध्ये समारंभ आयोजित केला जाईल हे लक्षात घेऊन, FIFA ने एका निवेदनात म्हटले आहे की हे पाऊल येण्यास बराच काळ लोटला आहे आणि या निर्णयाने एक दीर्घ प्रक्रिया पूर्ण केली आहे. “फिफा पुरुष कनिष्ठ आणि वरिष्ठ स्पर्धांमध्ये महिला रेफरींच्या तैनातीसह अनेक वर्षांपूर्वी सुरू झालेल्या दीर्घ प्रक्रियेचा निष्कर्ष काढला गेला,” फिफा रेफ्री समितीचे अध्यक्ष पियरलुइगी कॉलिना यांनी सांगितले. “ते फिफा विश्वचषकात सहभागी होण्यास पात्र आहेत कारण ते सतत खरोखर उच्च स्तरावर कामगिरी करतात आणि आमच्यासाठी हाच महत्त्वाचा घटक आहे,” ते पुढे म्हणाले.
Congratulations to:
Yamashita Yoshimi 🇯🇵
Stephanie Frappart 🇫🇷
Salima Mukansanga 🇷🇼
The first three female referees to be selected for a men's FIFA World Cup 👏 pic.twitter.com/tnCS3zImSd
— FIFA World Cup (@FIFAWorldCup) May 19, 2022
दरम्यान एकूण 36 रेफरी, 69 सहाय्यक रेफरी आणि 24 व्हिडिओ मॅच अधिकारी फिफाने स्पर्धेसाठी निवडले आहेत. “नेहमीप्रमाणे, आम्ही वापरलेला निकष 'क्वालिटी फर्स्ट' आहे आणि निवडलेले मॅच अधिकारी जगभरातील सर्वोच्च रेफरींगचे प्रतिनिधित्व करतात,” कॉलिना यांनी आपल्या निवेदनात म्हटले आहे.
(The above story first appeared on LatestLY on May 19, 2022 07:59 PM IST. For more news and updates on politics, world, sports, entertainment and lifestyle, log on to our website latestly.com).
