Jake Paul vs Mike Tyson: जेक पॉल विरुद्ध माइक टायसन; जबरदस्त बॉक्सिंग सामना, जगभरातील चाहत्यांमध्ये उत्सुकता

Mike Tyson Fight 2024: जेक पॉल वि माइक टायसन बॉक्सिंग बाउटवर लाइव्ह अपडेट्स फॉलो करा, जे पिढ्यांचे ऐतिहासिक संघर्ष आहे. येथे बक्षिसाची रक्कम, सामन्याची वेळ, ठिकाण आणि संपूर्ण फाईट कार्ड तपशील शोधा.

Jake Paul vs Mike Tyson | (Photo credit: archived, edited, representative image)

यूट्यूबर-बॉक्सर बनलेले जेक पॉल आणि दिग्गज माजी हेवीवेट चॅम्पियन माइक टायसन (Jake Paul vs Mike Tyson) यांच्यातील बहुप्रतिक्षित बॉक्सिंग सामन्यांबद्दल जोरदार उत्सुकता आहे. पिढ्यानपिढ्यांची लढाई म्हणून ओळखल्या जाणाऱ्या या लढ्याने जगभरातील चाहत्यांना भुरळ घातली आहे. माईक टायसन हा जगप्रसिद्ध बॉक्सर आहे. त्याच्या अनेक लढती प्रचंड गाजल्या आहेत. त्याला पाठिमागील काही दिवसांमध्ये जेक पॉल (Jake Paul Boxing Match) याने आव्हान दिले होते. जे टायसनने स्वीकारले आहे. त्यामुळे या लढतीकडे जगभरातील बॉक्सरप्रेमींचे लक्ष लागले आहे.

बक्षीस रक्कम आणि आर्थिक उलाढाल

आर्थिक उलाढाल हे जेक पॉल विरुद्ध माइक टायसन सामन्याचे खास वैशिष्ट्य आहे. 58 वर्षीय माईक टायसन $20 दशलक्ष कमावणार आहे, तर त्याचा 27 वर्षीय विरोधक जेक पॉल तब्बल $40 दशलक्ष कमावणार आहे. (हेही वाचा, Mike Tyson vs Jake Paul Fight: बॉक्सिंग जगतातील दिग्गज माईक टायसनचा तरुण बॉक्सर जेक पॉलशी होणार सामना; जाणून घ्या कुठे व कधी पाहाल लाईव्ह स्ट्रिमिंग)

सामन्यापूर्वीचे नाट्य

साम्यापूर्वी मोठे नाट्यही सुरु झाले आहे. ज्यामध्ये माईक टायसन याच्या पाठिमागील कारकीर्दीचा संदर्भ देऊन जेक पॉल याने टोमणा मारला आहे. ज्यामध्ये टायसनच्या 1997 च्या इव्हेंडर होलीफिल्ड विरुद्धच्या लढाईत त्याच्या कुप्रसिद्ध कान चावण्याच्या घटनेचा संदर्भ दिला गेला आहे. उल्लेखनीय असे की, टायसन सन 2005 पासून आखाड्यात उतरला नाही.