IND vs AUS 3rd Test 2024 Day 2 Scorecard, Lunch Break: दुसऱ्या दिवसाच्या लंच ब्रेकपर्यंत ऑस्ट्रेलियाच्या 3 गडी गमावून 104 धावा, जसप्रीत बुमराहने घेतल्या 2 विकेट, सामन्याचे स्कोअरकार्ड येथे पहा
आज दुसऱ्या दिवसाच्या लंच ब्रेकपर्यंत भारत आणि ऑस्ट्रेलिया यांच्यातील पाच सामन्यांच्या कसोटी मालिकेतील तिसरा सामना रोमांचकारी स्थितीत आहे. दुसऱ्या दिवसाचे पहिले सत्र संपेपर्यंत ऑस्ट्रेलियाने 43 षटकांत 3 गडी गमावून 104 धावा केल्या आहेत.
Australia National Cricket Team vs India National Cricket Team Match Scorecard: ऑस्ट्रेलिया विरुद्ध भारतीय (AUS vs IND) संघ 5 सामन्यांच्या कसोटी मालिकेतील तिसरा कसोटी सामना खेळत आहे. ब्रिस्बेन येथील द गाबा येथे हा सामना खेळवला जात आहे. पावसामुळे पहिल्या दिवशी सामन्याच्या पहिल्या दिवसाचा खेळ लवकर संपवावा लागला. पहिल्या सत्रात केवळ 13.2 षटकांचा खेळ होऊ शकला. ज्यामध्ये ऑस्ट्रेलियाने (Australia Team) एकही विकेट न गमावता 28 धावा केल्या. आज दुसऱ्या दिवसाच्या लंच ब्रेकपर्यंत भारत (India Team)आणि ऑस्ट्रेलिया यांच्यातील पाच सामन्यांच्या कसोटी मालिकेतील तिसरा सामना रोमांचकारी स्थितीत आहे. दुसऱ्या दिवसाचे पहिले सत्र संपेपर्यंत ऑस्ट्रेलियाने 43 षटकात 3 गडी गमावून 104 धावा केल्या आहेत. (हेही वाचा:Gulbadin Naib Fined: गुलाबदिन नायबला मोठा दंड, आयसीसीने ठोठावली शिक्षा; यापूर्वी बनावट दुखापतीचा होता आरोप)
स्टीव्ह स्मिथ 25 धावा (68 चेंडू) आणि ट्रॅव्हिस हेड 20 धावा (35 चेंडू) केल्यानंतर क्रीजवर आहे. ऑस्ट्रेलियाच्या डावात भारतीय गोलंदाजांनी चमकदार कामगिरी करत महत्त्वपूर्ण विकेट्स घेतल्या. उस्मान ख्वाजाने 54 चेंडूत 21 धावा (3 चौकार) केल्या मात्र जसप्रीत बुमराहच्या चेंडूवर तो ऋषभ पंतकडे झेलबाद झाला. नॅथन मॅकस्विनीने 49 चेंडूत 9 धावा (1 चौकार) केला आणि तो विराट कोहलीने झेलबाद झाल्यावर बुमराहचा दुसरा बळी ठरला. मार्नस लॅबुशेनने 55 चेंडूत 12 धावा केल्या, पण त्याचा संघर्षही फार काळ टिकला नाही.
भारतीय गोलंदाजांच्या तगड्या गोलंदाजीमुळे ऑस्ट्रेलियाच्या फलंदाजांना धावा काढण्यासाठी संघर्ष करावा लागला. भारतासाठी, जसप्रीत बुमराहने आतापर्यंत शानदार गोलंदाजी केली आहे. त्याने 14 षटकात 26 धावा देत 2 बळी घेतले आहेत. आकाश दीपने 12.4 षटकात 25 धावा दिल्या, मात्र त्याला अद्याप यश मिळालेले नाही.
पहिल्या दिवशी भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलियाने पहिल्या सत्रात एकही विकेट न गमावता 28 धावा केल्या. सलामीवीर उस्मान ख्वाजा (19* धावा, 47 चेंडू) आणि नॅथन मॅकस्विनी (4* धावा, 33 चेंडू) यांनी संयमी सुरुवात केली. भारतीय गोलंदाज जसप्रीत बुमराह, मोहम्मद सिराज आणि आकाश दीप यांनी चिवट गोलंदाजी केली, पण त्यांना विकेट घेता आली नाही.
आकाश दीपने 3.2 षटकात फक्त 2 धावा देत प्रभावित केले. टीम इंडियामध्ये दोन बदल करण्यात आले आहेत. आर. अश्विनच्या जागी रवींद्र जडेजाला संधी मिळाली, तर हर्षित राणाच्या जागी आकाश दीपचा समावेश करण्यात आला. स्कॉट बोलँडच्या जागी जोश हेझलवूडचा ऑस्ट्रेलियाच्या संघात समावेश करण्यात आला. सध्या मालिका १-१ अशी बरोबरीत असून हा सामना निर्णायक ठरू शकतो.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
