कोण ठरणार ICC Men’s T20I Cricketer of the Year 2022? 'हा' भारतीय फलंदाज आहे सर्वात मोठा दावेदार
विशेष म्हणजे या वर्षी टी-20 विश्वचषकही खेळला गेला जिथे एकापेक्षा एक सरस कामगिरी पाहायला मिळाली. या संपूर्ण वर्षात टी-20 क्रिकेटमध्ये आपले राज्य प्रस्थापित करणाऱ्या सूर्यकुमार यादवला (Surya Kumar Yadav) या यादीत एकमेव भारतीय म्हणून स्थान मिळाले आहे.
ICC Men’s T20I Cricketer of the Year 2022: आंतरराष्ट्रीय क्रिकेट परिषदेने (ICC) गुरुवारी 2022 सालातील टी-20 क्रिकेटर ऑफ द इयरसाठी (ICC Men’s T20I Cricketer of the Year 2022) चार नामांकित व्यक्तींची नावे जाहीर केली. या यादीत एक भारतीय खेळाडू देखील आहे जो या पुरस्कारासाठी सर्वात मोठा दावेदार मानला जात आहे. अनेकांना नावाचा अंदाज आला असेल. या भारतीयांशिवाय झिम्बाब्वे (ZIM), पाकिस्तान (PAK) आणि इंग्लंडच्या (ENG) प्रत्येकी एका खेळाडूलाही नामांकन देण्यात आले आहे. विशेष म्हणजे या वर्षी टी-20 विश्वचषकही खेळला गेला जिथे एकापेक्षा एक सरस कामगिरी पाहायला मिळाली. या संपूर्ण वर्षात टी-20 क्रिकेटमध्ये आपले राज्य प्रस्थापित करणाऱ्या सूर्यकुमार यादवला (Surya Kumar Yadav) या यादीत एकमेव भारतीय म्हणून स्थान मिळाले आहे.
सुर्या या पुरस्काराचा सर्वात मोठा दावेदार
या वर्षाच्या अखेरीपर्यंत तो आयसीसी टी-20 क्रमवारीत पहिल्या क्रमांकाचा फलंदाज होता. त्याच्या नावावर यावर्षी सर्वाधिक 1164 धावांचा विक्रमही नोंदवला गेला. तसेच टी-20 क्रिकेटमध्ये एका वर्षात 1000 धावांचा टप्पा पार करणारा तो दुसरा फलंदाज ठरला. यंदाच्या टी-20 विश्वचषकातही त्याने अप्रतिम कामगिरी केली होती. त्यामुळेच यंदा दोन टी-20 शतके झळकावणारा सूर्या या पुरस्काराचा सर्वात मोठा दावेदार मानला जात आहे.
View this post on Instagram
कोण मारणार बाजी?
आता आयसीसीने जाहीर केलेल्या चार नामांकित व्यक्तींच्या यादीवर नजर टाकली तर, या यादीत भारताचा शूरवीर सूर्यकुमार यादव यांच्यासह पाकिस्तानचा मोहम्मद रिझवान, झिम्बाब्वेचा सिकंदर रझा आणि इंग्लंडचा सॅम करन यांचा समावेश आहे. जिथे सूर्याने फलंदाजीत झेंडा रोवला आहे, तिथे सॅम करणच्या अष्टपैलू कामगिरीमुळे इंग्लंडचा संघ यंदा टी-20 मध्ये वर्ल्ड चॅम्पियन बनला आहे. पाकिस्तानच्या सिकंदर रझा आणि मोहम्मद रिझवान यांनीही या स्पर्धेत आश्चर्यकारक कामगिरी केली. आता कोण बाजी मारतो हे पाहावे लागेल.
(The above story first appeared on LatestLY on Dec 29, 2022 05:32 PM IST. For more news and updates on politics, world, sports, entertainment and lifestyle, log on to our website latestly.com).
