ICC Champions Trophy 2025: पीसीबीची नवी युक्ती, टीम इंडियाला पाकिस्तानमध्ये आमंत्रित करण्यासाठी बीसीसीआयला दिला 'हा' प्रस्ताव
भारतीय संघाला (Team India) पाकिस्तानात (Pakistan) आमंत्रित करण्यासाठी ते सर्वतोपरी प्रयत्न करत आहेत, तर बीसीसीआयने (BCCI) कोणत्याही परिस्थितीत आपला संघ पाकिस्तानला पाठवणार नसल्याचे स्पष्ट केले आहे.
ICC Champions Trophy 2025: पाकिस्तान क्रिकेट बोर्ड (PCB) 2025 मध्ये होणाऱ्या आयसीसी चॅम्पियन्स ट्रॉफीच्या (ICC Champions Trophy 2025) तयारीत व्यस्त आहे. भारतीय संघाला (Team India) पाकिस्तानात (Pakistan) आमंत्रित करण्यासाठी ते सर्वतोपरी प्रयत्न करत आहेत, तर बीसीसीआयने (BCCI) कोणत्याही परिस्थितीत आपला संघ पाकिस्तानला पाठवणार नसल्याचे स्पष्ट केले आहे. दरम्यान, पीसीबीने (PCB) भारतीय क्रिकेट नियामक मंडळाला (BCCI) विशेष प्रस्ताव दिला आहे. (हे देखील वाचा: Champions Trophy 2024: टीम इंडिया पाकिस्तानला जाणार का? PCB विरुद्ध BCCI वादात पाकिस्तानला मोठा दिलासा, ICC च्या निर्णयामुळे आशा जिवंत)
पीसीबीची नवी युक्ती
रिपोर्टनुसार, पीसीबीने सुचवले आहे की जर भारतीय संघाला सुरक्षेच्या कारणास्तव पाकिस्तानमध्ये रहायचे नसेल तर प्रत्येक सामन्यानंतर ते भारतात परत येऊ शकतात, यामध्ये बोर्ड त्यांना पूर्ण मदत देखील करेल. भारताच्या शेवटच्या दोन सामन्यांमध्ये एका आठवड्याचे अंतर असल्याने पीसीबीने हा प्रस्ताव दिला आहे. त्यामुळे टीम इंडिया प्रत्येक सामन्यानंतर चंदीगड किंवा नवी दिल्लीला परत येऊ शकते.
⚠️ PCB WRITES A LETTER TO THE BCCI.
PCB are keen to welcome team India in Pakistan for 2025 Champions Trophy. 🏆
PCB writes that team India can return to Delhi or Chandigarh after each match to avoid staying in Pakistan due to security concerns. (Cricbuzz). pic.twitter.com/SYzYeKM5OK
— Mufaddal Vohra (@mufaddal_vohra) October 18, 2024
चॅम्पियन्स ट्रॉफी 2025 चे यजमानपद पाकिस्तानकडे
2025 च्या चॅम्पियन्स ट्रॉफीचे यजमानपद पाकिस्तानकडे सोपवण्यात आले आहे. पीसीबीने स्पर्धेचे ठिकाण आणि वेळापत्रकाचा मसुदा आयसीसीकडे सादर केला आहे. ही स्पर्धा फेब्रुवारी-मार्च 2025 मध्ये होणार आहे.
भारताच्या सामन्यांचे वेळापत्रक
वेळापत्रकानुसार भारताला पाकिस्तान, बांगलादेश आणि न्यूझीलंडसह अ गटात ठेवण्यात आले आहे. ब गटात ऑस्ट्रेलिया, दक्षिण आफ्रिका, इंग्लंड आणि अफगाणिस्तान या संघांचा समावेश आहे. भारताचे सर्व सामने लाहोरमध्ये खेळवले जाऊ शकतात.
पहिला सामना - 20 फेब्रुवारी (बांगलादेश विरुद्ध)
दुसरा सामना- 23 फेब्रुवारी (पाकिस्तान विरुद्ध)
तिसरा सामना- 2 मार्च (न्यूझीलंड विरुद्ध)
भारताच्या पाकिस्तानात जाण्याबाबत साशंकता
भारताच्या पाकिस्तानात खेळण्याबाबत अजूनही साशंकता आहे. भारत सरकारने संघाला पाकिस्तानात पाठवण्याची परवानगी दिली नाही तर आयसीसीवर कोणताही दबाव टाकता येणार नाही. अशा स्थितीत टीम इंडिया आपले सामने हायब्रीड मॉडेलनुसार खेळू शकते, जसे गेल्या वर्षी आशिया कपमध्ये झाले होते. आशिया चषकादरम्यान भारताचे सामने श्रीलंकेत खेळले गेले.
भारताने पाकिस्तानचा शेवटता दौरा कधी केला होता?
भारतीय संघाने शेवटचा पाकिस्तान दौरा 2008 मध्ये केला होता. भारतीय संघाने तीन कसोटी सामन्यांची मालिका 1-0 अशी जिंकली, तर दोन सामने अनिर्णित राहिले.
मुंबई दहशतवादी हल्ल्यानंतर टीम इंडिया पाकिस्तानला गेली नाही
2008 च्या मुंबई दहशतवादी हल्ल्यानंतर, भारत सरकारने पाकिस्तानमध्ये क्रिकेट खेळण्यावर बंदी घातली, तेव्हापासून दोन्ही संघ फक्त आयसीसी आणि ACC स्पर्धांमध्ये एकमेकांसमोर येतात.
(The above story first appeared on LatestLY on Oct 19, 2024 10:56 AM IST. For more news and updates on politics, world, sports, entertainment and lifestyle, log on to our website latestly.com).
