India Beat Pakistan In Champions Trophy 2025: भारतासमोर पाकिस्तानची शरणागती! भारतीय संघाच्या विजयाची 'ही' आहेत 3 मोठी कारणे

India National Cricket Team vs Pakistan National Cricket Team: आयसीसी चॅम्पियन्स ट्रॉफी 2025 चा पाचवा सामना रविवारी म्हणजे 23 फेब्रुवारी रोजी भारतीय राष्ट्रीय क्रिकेट संघ विरुद्ध पाकिस्तान राष्ट्रीय क्रिकेट संघ (IND vs PAK) यांच्यात दुबई आंतरराष्ट्रीय क्रिकेट स्टेडियमवर खेळला गेला. या पाचव्या सामन्यात भारताने पाकिस्तानचा सात गडी राखुन पराभव केला आहे. एकीकडे, टीम इंडियाने उपांत्य फेरीतील आपले स्थान जवळजवळ निश्चित केले आहे. तर सलग दुसऱ्या सामन्यात पराभव पत्करल्याने पाकिस्तान स्पर्धेतून जवळजवळ बाहेर पडला आहे. याआधी, पाकिस्तानने नाणेफेक जिंकून फलंदाजी करण्याचा निर्णय घेतला. प्रथम फलंदाजीसाठी आलेल्या पाकिस्तानने भारतासमोर 242 धावांचे लक्ष्य ठेवले. लक्ष्याचा पाठलाग करण्यासाठी आलेल्या भारतीय संघाने 42.3 षटकात लक्ष्य गाठले.

सामन्याची स्थिती

या शानदार सामन्यात पाकिस्तानचा कर्णधार मोहम्मद रिझवानने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकल्यानंतर, पाकिस्तानने प्रथम फलंदाजी केली परंतु त्यांचा डाव 49.4 षटकांत 241 धावांवर संपला. हा सामना जिंकण्यासाठी टीम इंडियाला 50 षटकांत 242 धावा कराव्या लागल्या. लक्ष्याचा पाठलाग करताना टीम इंडियाने केवळ 42.3 षटकांत चार गडी गमावून लक्ष्य गाठले. (हे देखील वाचा: Rohit Sharma Milestone: रोहित शर्माची मोठी कामगिरी, सलामीवीर म्हणून सर्वात जलद 9 हजार धावा करणारा ठरला पहिला खेळाडू)

टीम इंडियाच्या विजयाचे सर्वात मोठे कारण

भारतीय खेळाडूंची घातक गोलंदाजी

संपूर्ण सामन्यात भारतीय गोलंदाजांनी उत्तम गोलंदाजी केली. संघासाठी एका हाय-व्होल्टेज सामन्यात, टीम इंडियाचे अनुभवी गोलंदाज कुलदीप यादव, हार्दिक पंड्या, अक्षर पटेल, रवींद्र जडेजा आणि हर्षित राणा यांनी शानदार गोलंदाजी केली. भारतीय गोलंदाजांनी संपूर्ण पाकिस्तानी संघाला केवळ 241 धावांत गुंडाळले. गोलंदाजांनी टीम इंडियाला सामन्यात परत आणले.

गोलंदाजांनंतर फलंदाजांनी केला कहर

दुबईमध्ये टीम इंडियाला कर्णधार रोहित शर्माच्या रूपाने पहिला मोठा धक्का बसला. रोहित शर्मानंतर, विराट कोहली आणि शुभमन गिल यांनी एकत्रितपणे डावाची सूत्रे हाती घेतली आणि 69 धावांची महत्त्वाची भागीदारी केली. यानंतर विराट कोहली आणि श्रेयस अय्यर यांनीही धमाकेदार भागीदारी केली.

विराट कोहलीची शानदार खेळी

टीम इंडियाने पहिली विकेट गमावल्यानंतर, दिग्गज फलंदाज विराट कोहलीने डावाची सूत्रे हाती घेतली. विराट कोहलीने सुरुवातीपासूनच पाकिस्तानचे मुख्य गोलंदाज शाहीन शाह आफ्रिदी आणि हरिस रौफ यांच्याविरुद्ध आक्रमक खेळ केला आणि भरपूर धावा केल्या. विराट कोहलीने नाबाद १०० धावा केल्या. या उत्कृष्ट खेळीदरम्यान विराट कोहलीने सात चौकार मारले.

(The above story first appeared on LatestLY on Feb 23, 2025 10:09 PM IST. For more news and updates on politics, world, sports, entertainment and lifestyle, log on to our website latestly.com).