ICC मधील अनिल कुंबळेच्या नेतृत्वाखालील समितीने बॉलवर लाळ वापरण्यावर बंदी घालण्याची केली शिफारस, अतिरिक्त DRS ही प्रस्तावित
अनिल कुंबळे (Photo Credit: Getty)

आंतरराष्ट्रीय क्रिकेट परिषदेच्या (ICC) समितीने सोमवारी चेंडू चमकवण्यासाठी लाळच्या (Saliva) वापरावर बंदी घालण्याची शिफारस करण्याचा एक महत्त्वपूर्ण निर्णय घेतला. अनिल कुंबळे यांच्या अध्यक्षतेखालील आयसीसी क्रिकेट समितीने (ICC Cricket Committee) सोमवारी सामन्यात खेळाडूंच्या आरोग्याच्या दृष्टीने मोठी खबरदारी म्हणूनशिफारस करण्याचा निर्णय घेतला आहे. कोरोना व्हायरसचा (Coronavirus) प्रादुर्भाव झाल्यापासून याबद्दल सतत चर्चा होत आली आहे. बॉल चमकावण्यासाठी खेळाडूंना थुंक किंवा घामाच्या वापरावर बंदी घालण्याच्या सूचना दिल्या जात होत्या. काल, सोमवारी आयोजित आयसीसीची बैठक व्हिडिओ कॉन्फरन्सिंगद्वारे झाली. कोविड-19 ने जगभर थैमान घातले आहे अशा स्थितीत आयसीसीने मोठा निर्णय घेतला आहे. आयसीसी क्रिकेट समितीने सोमवारी आयसीसीच्या नियमात बदल करण्याची शिफारस केली आहे जेणेकरुन कोविड-19 ने खेळाडू आणि सामन्याशी संबंधित सर्व अधिकाऱ्यांचे संरक्षण होऊ शकेल. या समितीने प्रत्येक आंतरराष्ट्रीय सामन्यात पुन्हा एकदा तटस्थ अंपायरचा नियम परत आण्याचा आग्रह धरला. अंतरिम उपाय म्हणून प्रत्येक संघात, प्रत्येक डावात, अतिरिक्त डीआरएस ही प्रस्तावित करण्यात आला. (क्रिकेट फॅन्ससाठी खुशखबर! कोरोना काळात ऑस्ट्रेलियामध्ये 6 जूनपासून सुरु होणार स्पर्धात्मक क्रिकेट, खेळाडूंना करावे लागणार 'या' नियमांचे पालन)

आयसीसीच्या प्रसिद्धीपत्रकात अनिल कुंबळे म्हणाले, "लाळचा वापर बॉलची चमकवण्यासाठी केला जातो, खासकरुन लाल बॉल स्वरूपात, जे बॉल स्विंग करण्यास मदत करते परंतु असे केल्याने आरोग्यास धोका आहे." मागील महिन्यापासून, सुरक्षा मानदंडांनुसार आयसीसी त्यावर बंदी आणेल अशी अपेक्षा होती. आता क्रिकेट समितीची शिफारस आयसीसीच्या मुख्य कार्यकारी समितीसमोर ठेवली जाईल. जुलैमध्ये हे जवळपास अपेक्षित आहे. कुंबळेच्या नेतृत्वाखालील पॅनेलला आंतरराष्ट्रीय खेळासाठी तटस्थ अधिकाऱ्यांची नेमणूक करण्याचा नियम अस्थायीपणे स्थगिती द्यावी अशी इच्छा आहे. 2002 पासून केवळ तटस्थ अधिकाऱ्याची नेमणूक करण्याचा नियम लागू आहे.

आयसीसीच्या वैद्यकीय सल्लागार समितीचे अध्यक्ष डॉ. पीटर हार्कोर्ट यांच्याकडून क्रिकेट समितीने लाळ माध्यमातून व्हायरस होण्याच्या उच्च जोखमीविषयी ऐकले आणि बॉल पॉलिश करण्यासाठी लाळ वापरण्यावर बंदी घालण्याची शिफारस सर्वानुमते केली. त्यांनी वैद्यकीय सल्ल्याचा देखील विचार केला की घामातून विषाणूचा संसर्ग होण्याची शक्यता कमी आहे आणि बॉलवर त्याचा वापर करण्यास मनाई करण्याची गरज नाही.शिवाय, त्यांनी खेळाच्या मैदानाभोवती आणि आजूबाजूला कठोर स्वच्छतेची मागणी केली आहे.  दरम्यान, बॉलवर लाळ वापरण्याच्या बंदीला जर मान्यता मिळाली तर क्रिकेटमध्ये नव्या युगाची ही सुरुवात होईल असे म्हणता येईल. तथापि, या बदलांनंतर चेंडू आणि फलंदाजीच्या या खेळामध्ये संतुलनाचा किती परिणाम होतो हे आता येणाऱ्या काळालाच सांगता येईल. यापूर्वी मायकेल होल्डिंग आणि वकार युनूस या वेगवान गोलंदाजांनी या कल्पनेला मूर्खपणा म्हटले आहे.