MI vs CSK, IPL 2024 29th Match: रविवारी दुसऱ्या सामन्यात मुंबई इंडियन्स-चेन्नई सुपर किंग्ज आमनेसामने, आकडेवारीत कोण आहे वरचढ घ्या जाणून
दोन्ही संघांमधील हा सामना मुंबईच्या होम ग्राऊंड वानखेडे स्टेडियमवर संध्याकाळी 7.30 वाजल्यापासून खेळवला जाईल. आयपीएलमध्ये दोन्ही संघांमध्ये नेहमीच चुरशीची स्पर्धा पाहायला मिळत आहे.
MI vs CSK, IPL 2024: इंडियन प्रीमियर लीग 2024 च्या 17 व्या (IPL 2024) हंगामात रविवारी दोन सामने खेळवले जाणार आहेत. दिवसाच्या पहिल्या सामन्यात कोलकाता नाईट रायडर्सचा सामना लखनौ सुपर जायंट्सशी होत आहे. तर दुसऱ्या सामन्यात मुंबई इंडियन्सचा सामना चेन्नई सुपर किंग्जशी (MI vs CSK) होणार आहे. दोन्ही संघांमधील हा सामना मुंबईच्या होम ग्राऊंड वानखेडे स्टेडियमवर संध्याकाळी 7.30 वाजल्यापासून खेळवला जाईल. आयपीएलमध्ये दोन्ही संघांमध्ये नेहमीच चुरशीची स्पर्धा पाहायला मिळत आहे. 17 व्या मोसमातील पहिले 3 सामने गमावल्यानंतर मुंबई इंडियन्सने शेवटचे 2 सामने जिंकले आहेत. अशा स्थितीत हार्दिक पांड्याकडे विजयाची हॅट्ट्रिक करण्याकडे लक्ष असेल. गेल्या 2 सामन्यातील विजयामुळे मुंबईच्या खेळाडूंचा आत्मविश्वास वाढला आहे.
हेड टू हेड आकडेवारी
चेन्नई सुपर किंग्जविरुद्धच्या सामन्यात मुंबई इंडियन्सचा वरचष्मा राहिला आहे. आयपीएलच्या इतिहासात आतापर्यंत मुंबई इंडियन्स आणि चेन्नई सुपर किंग्ज यांच्यात एकूण 36 सामने खेळले गेले आहेत. या कालावधीत मुंबई इंडियन्सने 20 सामने जिंकले आहेत. त्याचबरोबर चेन्नई सुपर किंग्सने 16 सामने जिंकले आहेत. आयपीएलच्या मागील हंगामात दोन्ही संघांमध्ये 2 सामने झाले होते. ज्यामध्ये चेन्नई सुपर किंग्जने दोन्ही सामने जिंकले होते. दोन्ही संघांमधील परस्पर संघर्षात चेन्नई सुपर किंग्जने सर्वाधिक 219 धावा केल्या आहेत. (हे देखील वाचा: MI vs CSK, IPL 2024 29th Match Live Streaming: वानखेडे स्टेडियमवर मुंबईसमोर असणार चन्नईचे तगडे आव्हान, कधी अन् कुठे पाहणार सामना घ्या जाणून)
वानखेडे स्टेडियमवर दोन्ही संघांची कामगिरी
मुंबई इंडियन्सने वानखेडे स्टेडियमवर आतापर्यंत एकूण 81 सामने खेळले आहेत. या कालावधीत मुंबई इंडियन्स संघाने 50 सामने जिंकले आहेत, तर मुंबई इंडियन्स संघाला 30 सामन्यांमध्ये पराभवाचा सामना करावा लागला आहे. याशिवाय 1 सामना बरोबरीत आहे. या मैदानावर मुंबई इंडियन्सची सर्वोत्तम धावसंख्या 234 धावांची आहे. दुसरीकडे, चेन्नई सुपर किंग्जने या मैदानावर 24 सामने खेळले आहेत, त्यापैकी त्यांनी 12 जिंकले आहेत आणि तेवढेच सामने गमावले आहेत. या स्टेडियममध्ये चेन्नई सुपर किंग्जची सर्वोत्तम धावसंख्या 230 धावा आहे.
(The above story first appeared on LatestLY on Apr 14, 2024 05:54 PM IST. For more news and updates on politics, world, sports, entertainment and lifestyle, log on to our website latestly.com).
