MS Dhoni Birthday Special: एमएस धोनी आज झाला 42 वर्षांचा, पहा माहीचे मोठे रेकॉर्ड जे मोडणे आहे कठीण

टीम इंडियाचा माजी कर्णधार महेंद्रसिंग धोनीचे (MS Dhoni) चाहते जगभर आहेत. रांचीमध्ये असलेल्या धोनीच्या बंगल्याबाहेरही चाहत्यांची गर्दी दिसत आहे. टीम इंडियाचा सर्वात यशस्वी कर्णधार महेंद्रसिंग धोनी आज 7 जुलै रोजी आपला 42 वा वाढदिवस साजरा करत आहे. माहीचा वाढदिवस साजरा करण्यासाठी चाहते वर्षभर आतुरतेने वाट पाहत असतात. कॅप्टन कूल म्हणून प्रसिद्ध असलेल्या एमएस धोनीने त्याच्या नेतृत्वाखाली टीम इंडियाला अनेक संस्मरणीय क्षण दिले आहेत. इतकेच नाही तर माहीची गणना जगातील सर्वोत्तम कर्णधार आणि फिनिशरमध्ये केली जाते. 16 वर्षांच्या कारकिर्दीत एमएस धोनीने अनेक विक्रम आपल्या नावावर केले आहेत. 7 जुलै 1981 रोजी जन्मलेल्या धोनीने क्रिकेटमध्ये सर्व काही मिळवले.

तीनही आयसीसी ट्रॉफी जिंकणारा एकमेव कर्णधार

टीम इंडियाचा माजी कर्णधार एमएस धोनीची आंतरराष्ट्रीय क्रिकेटमधील सर्वात यशस्वी कर्णधारांमध्ये गणना केली जाते. तीनही आयसीसी ट्रॉफी जिंकणारा एमएस धोनी एकमेव कर्णधार आहे. एमएस धोनीच्या नेतृत्वाखाली टीम इंडियाने 2007 साली T20 विश्वचषक जिंकला होता, 2011 साली धोनीच्या नेतृत्वाखाली टीम इंडियाने दुसऱ्यांदा विश्वचषक जिंकला होता. त्याचबरोबर धोनीच्या नेतृत्वाखाली टीम इंडियाने 2013 साली आयसीसी चॅम्पियन्स ट्रॉफीचे जेतेपदही पटकावले होते. एमएस धोनीने टीम इंडियासाठी तीन आयसीसी ट्रॉफी जिंकून देशाचे नाव उंचावले आहे.

कर्णधारपदाचा विक्रम

टीम इंडियाचा माजी कर्णधार एमएस धोनीच्या नावावर भारताकडून सर्वाधिक कर्णधारपदाचा विक्रम आहे. धोनीने 60 कसोटी सामने, 200 एकदिवसीय आणि 72 टी-20 आंतरराष्ट्रीय सामन्यांमध्ये टीम इंडियाचे कर्णधारपद सांभाळले आहे. यासोबतच टीम इंडियाकडून सर्वाधिक 27 कसोटी, 110 वनडे आणि 41 आंतरराष्ट्रीय टी-20 सामने जिंकणारा कर्णधार देखील आहे. (हे देखील वाचा: MS Dhoni Birthday: चाहत्यांकडून CSK चा कॅप्टन महेंद्र सिंग धाेनीला वाढदिवसाच्या शुभेच्छा,सोशल मीडियावर शुभेच्छा होतोय वर्षावर)

यष्टिरक्षक फलंदाज म्हणून सर्वोच्च वैयक्तिक धावसंख्या

विकेटकीपर-फलंदाज म्हणून एमएस धोनीने सर्वाधिक वैयक्तिक धावसंख्या नोंदवली आहे. 31 ऑक्टोबर 2005 रोजी, एमएस धोनीने जयपूरमध्ये श्रीलंकेविरुद्ध नाबाद 183 धावांची शानदार खेळी खेळली. यादरम्यान एमएस धोनीने 15 चौकार आणि 10 षटकारही मारले. यापूर्वी, ऑस्ट्रेलियाचा अनुभवी यष्टीरक्षक-फलंदाज अॅडम गिलख्रिस्टने 2004 साली झिम्बाब्वेविरुद्ध 172 धावांची धडाकेबाज खेळी खेळली होती.

आंतरराष्ट्रीय क्रिकेटमध्ये सर्वाधिक स्टंपिंगचा विक्रम

टीम इंडियाचा माजी कर्णधार एमएस धोनीच्या विकेटकीपिंगवर सगळ्यांनाच खात्री आहे. विकेटकीपिंगमध्ये सर्वात वेगवान स्टंपिंग करण्याची कला धोनीपेक्षा क्वचितच कोणी करू शकेल. आंतरराष्ट्रीय क्रिकेटमध्ये सर्वाधिक स्टंपिंग करण्याचा विक्रम धोनीच्या नावावर आहे. आंतरराष्ट्रीय क्रिकेटमध्ये धोनीने आतापर्यंत सर्वाधिक 192 वेळा फलंदाजांना यष्टीचीत केले आहे. एका अहवालानुसार, धोनीच्या नावावर कसोटी क्रिकेटमध्ये 38, वनडेमध्ये 120 आणि टी-20मध्ये 34 वे स्टंपिंगचा विक्रम आहे.

सातव्या क्रमांकावर फलंदाजी करताना केले शतक 

एमएस धोनी हा जगातील एकमेव कर्णधार आहे ज्याने वनडे क्रिकेटमध्ये सातव्या क्रमांकावर फलंदाजी करताना शतक (113) केले. धोनीने डिसेंबर 2012 मध्ये पाकिस्तानविरुद्ध हे शतक केले होते. एमएस धोनीने पाकिस्तानविरुद्ध वनडे आणि कसोटी कारकिर्दीतील पहिले शतक झळकावले.

(The above story first appeared on LatestLY on Jul 07, 2023 04:26 PM IST. For more news and updates on politics, world, sports, entertainment and lifestyle, log on to our website latestly.com).