भारत आणि न्यूझीलंडमधील दुसऱ्या सामन्याच्या दुसऱ्या दिवसाचा खेळ संपला असून भारताने 6 विकेट गमावून 90 धावा केल्या आहेत. दुसऱ्या डावात फलंदाजी करत भारताने न्यूझीलंडवर 97 धावांची आघाडी घेतली. न्यूझीलंडकडून ट्रेंट बोल्ट ने 3 विकेट घेतल्या. टिम साऊथी, कॉलिन डी ग्रैंडहोम आणि नील वॅग्नर यांनी प्रत्येकी 1 गडी बाद केला. भारताकडून हनुमा विहारी 5 आणि रिषभ पंत 1 धावा करून खेळत आहेत. दुसऱ्या दिवशी सकाळपासूनच भारतीय गोलंदाजांनी जबरदस्त गोलंदाजी केली आणि किवी फलंदाजांना क्रीजवर टिकू दिले नाही. 

ट्रेंट बोल्टने भारताला दुसऱ्या डावात बॅकफूट वर टाकले. बोल्टने 89 च्या एकूण धावसंख्येवर उमेश यादवला बोल्ड केले. उमेशने 12 चेंडूंचा सामना केला आणि 1 धाव केली.

ट्रेंट बोल्टने भारताला पाचवा झटका दिला. बोल्टने चेतेश्वर पुजाराला 24 धावांवर बोल्ड केले. दुसऱ्या डावात भारताचा अर्धा संघ 80 धावांवर माघारी परतला. 

सतत संघर्ष करत करणाऱ्या अजिंक्य रहाणेला नील वॅगनर 9 धावा करून बोल्ड केले. भारताने 72 च्या स्कोरवर वसुतही विकेट गमावली आणि न्यूझीलंडवर 84 धावांची आघाडी घेतली. 

भारतीय कर्णधार विराट कोहली पुन्हा एकदा अपयशी ठरला. किवी मैदानावरील कसोटी मालिकेच्या तिसर्‍या सामन्यातही कोहलीच्या फलंदाजीने काही विशेष कामगिरी करू शकला नाही. कोहलीला कॉलिन डी ग्रैंडहोमने 14 धावांवर एलबीडब्ल्यू आऊट केले.

भारताच्या दुसऱ्या डावाची सुरुवात झाली आहे. किवी गोलंदाजांनी भारताच्या दोन्ही सलामी फलंदाजांना माघारी धाडले. भारताने 27 धावांवर पृथ्वी शॉ च्या रूपात दुसरी विकेट गमावली. पहिल्या डावात अर्धशतक करणारा पृथ्वी दुसऱ्या डावात 14 धावाच करू शकला. त्याला टिम साऊथीने बोल्ड केले. 

न्यूझीलंडला पहिल्या डावात 235 धावांवर ऑलआऊट करत भारताने 7 धावांची आघाडी घेतली होती. दुसऱ्या डावात फलंदाजी करत ट्रेंट बोल्टने भारताला पहिला धक्का दिला. बोल्टने मयंक अग्रवालला एलबीडब्ल्यू आऊट केले. मयंक दुसऱ्या डावातही धावा करू शकला नाही आणि फक्त 3 च्या स्कोरवर माघारी परतला. 

न्यूझीलंडविरुद्ध दुसऱ्या कसोटी सामन्याच्या दुसऱ्या दिवशी भारतीय गोलंदाजांनी जोरदार कामगिरी केली आणि यजमान संघाला दुसऱ्या सत्रात 235 धावांवर ऑलआऊट केले. टॉस गमावून पहिले फलंदाजी करताना भारताचा पहिला डाव 242 धावांवर संपुष्टात आला. पहिल्या डावात न्यूझीलंडविरुद्ध मोहम्मद शमी 4, जसप्रीत बुमराह 3, रवींद्र जडेजा 2 आणि उमेश यादवने 1 गडी बाद केला. न्यूझीलंडकडून टॉम लाथम ने अर्धशतकी डाव खेळला. लाथमने सर्वाधिक 52 धावा केल्या. 

न्यूझीलंडच्या खालच्या फळीतील फलंदाजानी भारताच्या गोलंदाजांना भरपूर त्रास दिला. काईल जैमीसन आणि नील वॅग्नरमध्ये चांगली भागीदारी होत असताना शमीने त्याला जडेजाकडे कॅच आऊट केले. वाग्नरने 21 धावा केल्या. 

भारताच्या पहिल्या डावातील 242 धावांच्या प्रत्युत्तरात न्यूझीलंडच्या 200 धावा पूर्ण झाल्या आहेत. काईल जैमीसन 37 आणि नील वॅग्नर 4 धावा करून खेळत आहे. न्यूझीलंड भारताच्या अजून 37 धावा मागे आहेत. 

रवींद्र जडेजाने न्यूझीलंडला आठवा झटका दिला. जडेजाने कॉलिन डी ग्रैंडहोमला ओव्हरच्या तिसऱ्या दुसऱ्या चेंडूवर बोल्ड केले. ग्रैंडहोम 26 धावा करून परतला. भारताच्या पहिल्या डावातील 242 धावांच्या प्रत्युत्तरात न्यूझीलंड अजून 65 धावांनी पिछाडीवर आहे. 

लंचनंतर जसप्रीत बुमराहने एका ओव्हरमध्ये न्यूझीलंडच्या दोन फलंदाजांना पॅव्हिलिअनचा मार्ग दाखवला. ओव्हरच्या तिसऱ्या बीजे वॅटलिंग आणि पाचव्या चेंडूवर टिम साऊथीला आऊट केले. दोघे फलंदाज शून्यावर आऊट झाले. 

भारत आणि यजमान न्यूझीलंड संघात क्राइस्टचर्चमध्ये सुरु असलेल्या टेस्ट सामन्याच्या दुसऱ्या दिवशीच्या दुपारच्या जेवणाची घोषणा झाली आहे. लंचपर्यंत न्यूझीलंडने 5 विकेट्स गमावून 142 धावा केल्या आहेत. बीजे वाटलिंग आणि कॉलिन डी ग्रैंडहोम नाबाद खेळत आहेत. भारताच्या पहिल्या डावातील 242 धावांच्या प्रत्युत्तरात किवी संघ अजून 100 धावा मागे आहेत. मोहम्मद शमी 2 गडी बाद केले तर, जसप्रीत बुमराह, उमेश यादव आणि रवींद्र जडेजा यांना प्रत्येकी 1 विकेट मिळाली. दुसऱ्या दिवसाच्या पहिल्या सत्रात न्यूझीलंडने टॉम ब्लंडेल, केन विल्यमसन, रॉस टेलर, टॉम लाथम आणि हेन्री निकोल्स यांच्या महत्वपूर्ण अशा 5 विकेट्स गमावल्या. 

दुसऱ्या दिवसाच्या पहिल्या सत्रात न्यूझीलंडने पाचवी विकेटही गमावली. मोहम्मद शमीने हेन्री निकोल्सला बाद करून न्यूझीलंडचा अर्धा संघ तंबूत पाठवला. शमीने निकोल्सला विराट कोहलीकडे 14 धावांवर झेलबाद केले. 

मोहम्मद शमीने न्यूझीलंडला चौथा झटका दिला. शमीने अर्धशतक केलेल्या टॉम लाथमला बोल्ड केले. लाथमने 5 चौकाताच्या मदतीने 52 धावा केल्या. 

भारत-न्यूझीलंडमधील दुसऱ्या कसोटी सामन्याच्या दुसऱ्या दिवशी किवी फलंदाज टॉम लाथमने 119 चेंडूत 5 चौकारांच्या मदतीने टेस्ट करिअरमधील 17 वे अर्धशतक पूर्ण केले.  न्यूझीलंड भारताच्या पहिल्या डावातील 242 धावांच्या प्रत्युत्तरात 115 धावांनी पिछाडीवर आहे. 

रवींद्र जडेजाने न्यूझीलंडला तिसरा झटका दिला. जडेजाने 15 धावा करून खेळणाऱ्या रॉस टेलरला उमेश यादवकडे झेलबाद केले. उमेशने टेलरचा अफलातून झेल पकडला आणि किवी संघाने 109 धावांवर तिसरी विकेट गमावली. 

भारताच्या पहिल्या डावातील 242 धावांच्या प्रत्युत्तरात न्यूझीलंडच्या 100 धावा पूर्ण झाल्या आहेत. 37 ओव्हरनंतर टॉम लाथम 43 आणि रॉस टेलर 13 धावा करून खेळत आहेत. 

जसप्रीत बुमराहने भारताला दुसरे यश मिळवून दिले. बुमराहने किवी कर्णधार केन विल्यमसनला 3 धावांवर रिषभ पंतकडे झेलबाद केले. भारताविरुद्ध न्यूझीलंडने 69 धावांवर दोन विकेट्स गमावल्या. 

दुसऱ्या दिवसाच्या सुरुवातीला भारताने न्यूझीलंडला पहिला झटका दिला. उमेश यादवने किवी सलामी फलंदाज टॉम ब्लंडेलला एलबीडब्लू आऊट केले. ब्लंडेलने 77 चेंडूंचा सामना करत 4 चौकाराच्या मदतीने 30 धावा केल्या. 

दुसऱ्या दिवसाचा खेळ सुरु झाला आहे. न्यूझीलंडकडून टॉम ब्लंडेल, टॉम लाथम फलंदाजीसाठी मैदानावर आले आहेत. पहिल्या दिवशी न्यूझीलंडने एकही विकेट न गमावता 63 धावा केल्या होत्या.