IPL 2022: दिल्ली कॅपिटल्स संघाच्या डोकेदुखीत वाढ; 15 व्या हंगामापूर्वी झंझावाती सलामीवीर ‘Yo-Yo’ टेस्टमध्ये फेल
दिल्ली कॅपिटल्सचा (DC) सलामीवीर पृथ्वी शॉ नॅशनल क्रिकेट अकादमी (NCA) मधील यो-यो फिटनेस चाचणीत नापास झाल्याची माहिती समोर आली आहे. अहवालानुसार शॉ याने 15 पेक्षा कमी स्कोर केला, तर त्याला उत्तीर्ण होण्यासाठी 16.5 गुणांची आवश्यकता असते. तंदुरुस्तीची कमतरता असूनही तो कदाचित लीगमध्ये खेळू शकेल.
दिल्ली कॅपिटल्सचा (Delhi Capitals) सलामीवीर पृथ्वी शॉ (Prithvi Shaw) नॅशनल क्रिकेट अकादमी (National Cricket Academy) मधील यो-यो फिटनेस चाचणीत (Yo-Yo Fitness Test) नापास झाल्याची माहिती समोर आली आहे. हार्दिक पांड्यासह इतर अनेक क्रिकेटपटूंसोबत ही चाचणी घेण्यात आली, जे सहज उत्तीर्ण झाले. अहवालानुसार शॉ याने 15 पेक्षा कमी स्कोर केला, तर त्याला उत्तीर्ण होण्यासाठी 16.5 गुणांची आवश्यकता असते. तंदुरुस्तीची कमतरता असूनही तो कदाचित लीगमध्ये खेळू शकेल. तथापि अशा अफवा देखील आहेत की राष्ट्रीय संघासाठी त्याचा विचार केला जात नाही याचे हे एक कारण आहे. शॉ सध्या अप्रतिम लयीत आहे आणि त्याने गेल्या वर्षभरापासून सातत्यपूर्ण कामगिरी केली आहे. मात्र, शॉ याच्या तुलनेत ईशान किशन आणि रुतुराज गायकवाड या खेळाडूंना पसंती दिली जात आहे. (IPL 2022: आयपीएल इतिहासात ‘या’ दोन संघाने सर्वाधिक वेळा बदलले कर्णधार, जाणून घ्या काय होते खरे कारण आणि यादीत कोण-कोणत्या खेळाडूंचा समावेश)
“पृथ्वीचा वारंवार विचार केला जात नसेल, तर कदाचित टीम इंडियाच्या खेळाडूकडून अपेक्षा केल्याप्रमाणे त्याचे फिटनेस दर्जेदार नाही. हे फक्त फिटनेस अपडेट्स आहेत. अर्थात, पृथ्वीला आयपीएलमध्ये दिल्ली कॅपिटल्सकडून खेळण्यापासून रोखत नाही. हे फक्त फिटनेस पॅरामीटर आहे आणि सर्व काही नाही,” एका सुत्राने पीटीआयला सांगितले. शॉ बाबत हा नेहमीच एक मुद्दा राहिला आहे आणि त्याला सामोरे जाण्याचा त्याचा दृष्टीकोन तो भारतीय संघात परत येऊ शकतो की नाही हे ठरवेल. शॉ याने यापूर्वीच तिन्ही फॉरमॅटमध्ये पदार्पण केले आहे परंतु तो खूपच पसंतीस उतरला आहे. आयपीएल 2022 सीझन त्याच्यासाठी या समस्येचे निराकरण करण्यासाठी आणि निवडकर्त्यांच्या रडारवर परतण्यासाठी योग्य व्यासपीठ ठरेल. दिल्ली कॅपिटल्स हंगामातील आपला पहिला सामना मुंबई इंडियन्स (MI) विरुद्ध 27 मार्च रोजी खेळणार आहे.
दरम्यान, दुखापतीने त्रस्त असलेला भारताचा अष्टपैलू खेळाडू हार्दिक पांड्याला बेंगळुरू येथील NCA येथे सामान्य मूल्यांकनानंतर आगामी आयपीएल 2022 मध्ये गुजरात टायटन्सचे नेतृत्व करण्यासाठी ग्रीन सिग्नल मिळाले आहे. या चाचणी दरम्यान त्याने गोलंदाजी केली आणि ‘यो-यो’ चाचणी सहजरित्या पास केली. पांड्याने यो-यो चाचणी 17-प्लस स्कोअरसह पार केली जी कट-ऑफ पातळीपेक्षा खूप वर आहे.
(The above story first appeared on LatestLY on Mar 17, 2022 02:50 PM IST. For more news and updates on politics, world, sports, entertainment and lifestyle, log on to our website latestly.com).
