IPL 2021 Purple Cap Updated: हर्षल पटेल बनला आयपीएलच्या एका हंगामातील सर्वकालीन यशस्वी भारतीय गोलंदाज, DJ Bravo च्या रेकॉर्डची बरोबरी करत घडवला इतिहास
आयपीएल 2021 पर्पल कॅप अपडेटेड लिस्ट (Photo Credit: File Image)

IPL 2021 Purple Cap Updated List: कोलकाता नाईट रायडर्स (Kolkata Knight Riders) सलामीवीर व्यंकटेश अय्यरची विकेट घेत रॉयल चॅलेंजर्स बेंगलोरचा (Royal Challengers Bangalore) वेगवान गोलंदाज हर्षल पटेलने (Harshal Patel) चेन्नई सुपर किंग्जचा गोलंदाज ड्वेन ब्राव्होच्या विक्रमाची बरोबरी केली आहे. अय्यरच्या विकेटसह त्याने यंदाच्या हंगामात 32 विकेट्स पूर्ण केल्या आहेत आणि ब्रावोसह आयपीएलमध्ये (IPL) संयुक्त सर्वाधिक विकेट घेणारा गोलंदाज बनला आहे. ड्वेन ब्रावोने (Dwayne Bravo) 2013 मध्ये 32 विकेट्स घेतल्या होत्या. याशिवाय हर्षल पटेल एका हंगामात सर्वाधिक विकेट घेणारा भारतीय गोलंदाजही बनला आहे. बेंगलोर गोलंदाजाने यापूर्वी गतविजेता मुंबई इंडियन्सविरुद्ध पाच विकेट्स घेत मोसमाची सुरुवात केली होती. त्यानंतर त्याने युएई आवृत्तीत संघाच्या पहिल्या सामन्यात मुंबईविरुद्ध हॅटट्रिक देखील घेतली. (IPL 2021 Points Table Updated: रोमांचक सलामी सामन्यात विराट कोहलीची RCB गुणतालिकेत शीर्षस्थानी)

आयपीएल स्पर्धेच्या अखेर मोसमात सर्वाधिक विकेट आणि सर्वाधिक धावा करणाऱ्या खेळाडूंना अनुक्रमे पर्पल कॅप (Purple Cap) आणि ऑरेंज कॅप देण्यात येते. विशेष म्हणजे संपूर्ण स्पर्धेत सर्वाधिक विकेट घेणाऱ्या गोलंदाजाला पर्पल कॅप देण्यात येते. आयपीएलच्या पहिल्या सत्रात, 2008 मध्ये पाकिस्तानचा वेगवान गोलंदाज सोहेल तन्वीर पहिल्या पर्पल कॅपचा मानकरी ठरला होता. तन्वीरने या मोसमात शानदार गोलंदाजी राजस्थान रॉयल्सकडून एकूण 22 विकेट्स घेतल्या होत्या. आयपीएलचा पहिला सत्र राजस्थान संघाने जिंकले होते आणि त्यात सोहेलने मुख्य भूमिका बजावली होती.

Rank Player Team Matches Played Wickets
1 हर्षल पटेल रॉयल चॅलेंजर्स बेंगलोर 15 32
2 आवेश खान दिल्ली कॅपिटल्स 16 24
3 जसप्रीत बुमराह मुंबई इंडियन्स 14 21
4 मोहम्मद शमी पंजाब किंग्स 14 19
5 वरुण चक्रवर्ती कोलकाता नाईट रायडर्स 16 18

डेक्कन चार्जर्सकडून खेळताना आरपी सिंहने 2009 मध्ये पर्पल कॅप काबीज केली होती. यानंतर, 2010 मध्ये प्रग्यान ओझा यांनी पर्पल कॅप ताब्यात घेतला. 2011 मध्ये लसिथ मलिंगा, 2012 मध्ये मॉर्ने मॉर्केल, 2013 मध्ये ड्वेन ब्राव्हो, 2014 मध्ये मोहित शर्मा, 2015 मध्ये ड्वेन ब्राव्हो, 2016 मध्ये भुवनेश्वर कुमार, 2017 मध्ये भुवनेश्वर कुमार, 2018 मध्ये अँड्र्यू टाय आणि 2019 मध्ये इमरान ताहिरने पर्पल कॅप आपल्या नावे केली होती