IPL 2021: आयपीएलचा 14वा हंगाम भारतात की भारताबाहेर होण्याबाबत अद्याप अस्पष्टता, UAE बॅक-अप पर्याय
इंडियन प्रीमियर लीग 2021च्या लिलावासाठी काऊंटडाऊन सुरु झाले असून बीसीसीआय या स्पर्धेच्या योजना आखण्यात व्यस्त आहे. स्पर्धा यंदा भारतात होणार की भारताबाहेर याबाबत अद्याप स्पष्टता नाही. यावर बीसीसीआयच्या उच्चपदस्थ अधिकाऱ्याने माहिती दिली. वृत्तानुसार, बीसीसीआय कार्यक्रमाच्या अखेरीस स्थळाबाबत निर्णय घेणार असल्याचे सांगितले जात आहे.
IPL 2021: इंडियन प्रीमियर लीग (Indian Premier League) 2021च्या लिलावासाठी काऊंटडाऊन सुरु झाले असून बीसीसीआय (BCCI) या स्पर्धेच्या योजना आखण्यात व्यस्त आहे. स्पर्धा यंदा भारतात (India) होणार की भारताबाहेर याबाबत अद्याप स्पष्टता नाही. यावर बीसीसीआयच्या उच्चपदस्थ अधिकाऱ्याने माहिती दिली. 18 फेब्रुवारी रोजी आयपीएल लिलाव (IPL Auction) चेन्नई येथे आयोजित केला जाणार आहे आणि वृत्तानुसार, बीसीसीआय कार्यक्रमाच्या अखेरीस स्थळाबाबत निर्णय घेणार असल्याचे सांगितले जात आहे. कोविड-19 महामारी लक्षात घेऊन युएईला (UAE) बॅक-अप स्थळ म्हणून ठेवले गेले असल्याचेही अहवालात म्हटले गेले आहेत. अहवालात पुढे असेही म्हटले आहे की, आयपीएल यंदा देशात आयोजित करणे त्यांचे प्राधान्य असेल आहे आणि बीसीसीआय त्यांच्या लॉजिस्टिक्सचा शोध घेत आहे. बीसीसीआयच्या एका वरिष्ठ अधिकाऱ्याने पुढे म्हटले की बोर्ड सर्व पर्यायांचा विचार करीत आहे आणि त्यांनी अमिरातीबरोबर सामंजस्य करार केला आहे. (IPL 2021 Auction: आयपीएल 14 च्या लीलावात भाग घेणारे संघ व्यवस्थापन आणि मालक होणार क्वारंटाइन? पहा काय म्हणाली BCCI)
"18 फेब्रुवारी रोजी होणाऱ्या मिनी-लिलावानंतर या जागेबाबत निर्णय होण्याची शक्यता आहे. बीसीसीआय सर्व पर्याय शोधत आहे. भारतात आयपीएल होस्ट करणे नेहमीच प्राधान्य असते परंतु लॉजिस्टिक्स तपासणे आवश्यक आहे. युएई अजूनही तेथे एक पर्याय आहे कारण तेथे रसद कमी किंवा जास्त प्रमाणात उपलब्ध आहे. बीसीसीआयने सप्टेंबरमध्ये अमिराती क्रिकेट बोर्डाशी सामंजस्य करार आणि होस्टिंग करारावर स्वाक्षरी ही केली आहेत," बीसीसीआयच्या वरिष्ठ अधिकाऱ्याने सांगितले. अहवालात असेही म्हटले आहे की आतापर्यंत कोणत्याही पर्यायांना नकार देण्यात आलेला नाही, पण अंतिम निर्णय 18 फेब्रुवारी नंतरच घेतला जाईल. युएईमध्ये मैदानात आदर्श इलेव्हन उतरण्यासाठी काही फ्रँचायझींना अडचणींचा सामना करावा लागला. विशेषत: चेन्नई सुपर किंग्जला मोठी अडचण झाली. इमरान ताहिर आणि मिशेल सॅटनर इलेव्हनमध्ये फिरकीपटू म्हणून मैदानात उतरू शकले नाही. भारतात आयोजित आयपीएल 2019 मध्ये ताहीर सीएसकेचा मुख्य गोलंदाज होता.
दरम्यान, 18 फेब्रुवारी रोजी लिलाव प्रक्रिया पार पडणार असल्याची घोषणा आयपीएलने अधिकृत सोशल मीडिया हँडलवरून केली. मात्र, त्यापूर्वी प्रत्येक संघाने 20 जानेवारी रोजी कायम ठेवलेल्या आणि करारमुक्त केलेल्या खेळाडूंची यादी बीसीसीआयकडे सुपूर्द केली आहे.
(The above story first appeared on LatestLY on Jan 28, 2021 04:25 PM IST. For more news and updates on politics, world, sports, entertainment and lifestyle, log on to our website latestly.com).
