Mohammed Shami Death Threat: भारतीय क्रिकेटपटू मोहम्मद शमीला जीवे मारण्याची मिळाली धमकी, पोलिस स्टेशनमध्ये गुन्हा दाखल
34 वर्षीय मोहम्मद शमी सध्याच्या आयपीएल हंगामात सनरायझर्स हैदराबादकडून खेळत आहे. रविवारी संध्याकाळी त्यांना एक धमकीचा ईमेल आला ज्यामध्ये 1 कोटी रुपये न दिल्यास जीवे मारण्याची धमकी देण्यात आली होती.
Mohammed Shami Death Threat: भारतीय संघाचा वेगवान गोलंदाज मोहम्मद शमीला जीवे मारण्याची धमकी मिळाली आहे. राजपूत सिंदरच्या नावाने ई-मेलद्वारे त्याला धमकी देण्यात आली आहे. मोहम्मद शमीच्या भावाच्या तक्रारीवरून पोलिस या प्रकरणाचा तपास करत आहेत. 34 वर्षीय मोहम्मद शमी सध्याच्या आयपीएल हंगामात सनरायझर्स हैदराबादकडून खेळत आहे. रविवारी संध्याकाळी त्यांना एक धमकीचा ईमेल आला ज्यामध्ये 1 कोटी रुपये न दिल्यास जीवे मारण्याची धमकी देण्यात आली होती. (हे देखील वाचा: India A Tour of England: आयपीएल फायनलच्या दिवशी भारतीय खेळाडू इंग्लंड दौऱ्यावर होणार रवाना? जाणून घ्या काय आहे बीसीसीआयचा प्लॅन)
VIDEO | Uttar Pradesh: Indian cricketer Mohammed Shami receives death threat. Here's what Amroha SP Amit Kumar said:
"Mohammed Shami's brother Haseeb has informed us that the cricketer has received a death threat via email. The sender had demanded a ransom of Rs 1 crore. A case… pic.twitter.com/67kiV7Enua
— Press Trust of India (@PTI_News) May 5, 2025
मोहम्मद शमीच्या भावाने दाखल केली तक्रार
दुसरीकडे, मोहम्मद शमीचा भाऊ मोहम्मद हसीबने सोमवारी उत्तर प्रदेशचे अमरोहाचे एसपी अमित कुमार आनंद यांची भेट घेतली आणि या प्रकरणी तक्रार दाखल केली. त्याने सांगितले की 4 मे रोजी मोहम्मद शमीला एक ई-मेल आला होता. यानंतर, आज (5 मे) दुसरा ई-मेल आला ज्यामध्ये त्याला 1 कोटी रुपये न दिल्यास जीवे मारण्याची धमकी देण्यात आली होती. मोहम्मद शमीच्या भावाच्या लेखी तक्रारीची गंभीर दखल घेत सायबर पोलिस स्टेशनने या प्रकरणाची चौकशी सुरू केली आहे.
प्रशिक्षक गौतम गंभीर यांनाही मिळाली होती धमकी
केवळ भारतीय वेगवान गोलंदाज मोहम्मद शमीच नाही तर सध्याचे भारतीय संघाचे प्रशिक्षक आणि दिल्लीचे माजी भाजप खासदार गौतम गंभीर यांनाही ई-मेलद्वारे जीवे मारण्याच्या धमक्या मिळाल्या. यावर त्यांनी दिल्ली पोलिसांकडे तक्रार दाखल केली. या प्रकरणात पोलिसांनी गुजरातमधून एका आरोपीला अटक केली होती. आरोपी हा अभियांत्रिकीचा विद्यार्थी आहे. तिच्या कुटुंबीयांनी आरोपी मानसिक आजारी असल्याचा दावा केला होता.
(The above story first appeared on LatestLY on Aug 17, 3247 05:46 PM IST. For more news and updates on politics, world, sports, entertainment and lifestyle, log on to our website latestly.com).
