भारत आणि दक्षिण आफ्रिका यांच्यातील रांची कसोटीच्या तिसर्‍या दिवसाचा खेळ संपला. हा सामना जिंकण्यापासून भारत फक्त 2 विकेट दूर आहे. यंदाच्या मालिकेत आफ्रिकेला दुसऱ्यांदा फॉलोऑन देत भारतीय गोलंदाजांनी आपले वर्चस्व राखून ठेवले. फॉलोऑन देत मोहम्मद शमीने 3, उमेश यादवने 2 तर, रवींद्र जडेजा आणि अश्विन यांना प्रत्येकी 1-1 विकेट मिळाली. 

रविचंद्रन अश्विनच्या गोलंदाजीवर रबाडाने मोठा शॉट खेळण्याचा प्रयत्न केला. पण, रबाडाने मारलेला चेंडू जास्त दूर जाऊ शकला नाही जडेजाने त्याचा हेल पकडला. रबाडाने 12 धावा केल्या. 

रविंद्र जडेजाने 38 ओव्हरच्या चौथ्या बॉलवर डीन पीटला बोल्ड करून दक्षिण आफ्रिकेला आठवा धक्का दिला. पीटने मोठा शॉट खेळण्याचा प्रयत्न केला, पण त्याने बॉल मिस केला आणि बॉल सरळ स्टंपला लागला. 

29 व्या ओव्हर शाहबाझ नदीम याने जॉर्ज लिंडे याला धाव बाद करत डीन पीट बरोबर त्याची भागीदार संपुष्टात आणली. लिंडेने 27 धावा केल्या. 

रविचंद्रन अश्विन याच्या गोलंदाजीवर विकेटकीपर रिद्धिमान साहा याच्या हाताला दुखापत झाल्याने त्याला मैदाना बाहेर जावे लागले. साहाच्या जागी रिषभ पंत याला पर्यायी यष्टिरक्षक म्हणून मैदानात आला. 

फॉलोऑन खेळत दक्षिण आफ्रिकेच्या अडचणीत काही सुधारणा झाली नाही. 17 व्या षटकातील पहिल्याच चेंडूवर उमेश यादवने हेनरिच क्लासेनला एलबीडब्ल्यू आऊट केले. यासह दक्षिण आफ्रिकेचा निम्मा संघ 36 रन्सवर माघारी परतला आहे. 

फलंदाजी करत असलेल्या आफ्रिकेच्या डीन एल्गार याच्या डोक्यावर उमेश यादवचा डोकादायक चेंडू आदळला. यामुळे वेळेआधीच टी ब्रेक घ्यावा लागला आहे. आफ्रिका संघ भारताच्या अजून 309 धावा मागे आहे. 

भारतीय गोलंदाजांनी आफ्रिकेचा अडचणीत वाढ केली आहे. फॉलोऑन खेळत दक्षिण आफ्रिकेने 26 धावांवर ४ विकेट घामावल्या आहे. मोहम्मद शमीने कर्णधार फाफ डू प्लेसीस आणि टेंबा बावुमाला स्वस्तात माघारी धाडले. शमी ने बाऊमाला रिद्धिमान साहाच्या हाती झेल बाद केले. दुसऱ्या डावतही बावुमा खातं उघडू शकला नाही. 

भारतीय संघाचा स्टार वेगवान गोलंदाज मोहम्मद शमीने आफ्रिकेसाठी पहिल्या डावात अर्धशतक झळकावणाऱ्या झुबैर हमजाला दुसर्‍या डावात खाते न उघडता पॅव्हेलियनचा मार्ग दाखविला आहे. दुसर्‍या डावात हमझाने सहा चेंडूंचा सामना केला. शमीने ओव्हरच्या तिसर्‍या बॉलवर हमझाला बोल्ड केले.

क्विंटन डी कॉक याने ज्या प्रकारे संघासाठी दुसऱ्या डावाची सुरुवात केली त्याप्रमाणे तो पॅव्हेलियनमध्ये परतला. उमेश यादवने फॉलोऑन खेळत दक्षिण आफ्रिकेला पहिला धक्का दिला. दुसर्‍या ओव्हरमधील पहिल्याच चेंडूवर उमेशने डी कॉकला बोल्ड केले. या डावात डी कॉकच्या खात्यात केवळ पाच धावा केल्या. 

भारतीय गोलंदाजांनी शानदार प्रदर्शन करत आफ्रिकेला पहिल्या डावात 162 धावांवर ऑल आऊट केले. नंतर भारताने फॉलोऑन दिला आणि दुसऱ्या डावाच्या सुरुवातीलाच आफ्रिका संघाची चांगली झाली नाही. उमेश यादवने क्विंटन डी कॉक शून्यावर माघारी धाडले. 

वेगवान गोलंदाज उमेश यादव याने भारताला नऊवे यश मिळवून दिले. उमेशने जॉर्ज लिंडेला माघारी धाडले. लिंडेने 37 धावा केल्या. 

लंचनंतर उमेश यादवच्या शानदार थ्रोने दक्षिण आफ्रिकेला आठवा धक्का दिला. रविचंद्रन अश्विन याच्या गोलंदाजीवर उमेशने कगिसो रबाडाला रन-आऊट केले. जॉर्ज लिंडे, दुसऱ्या टोकावरून रबाडाला एकच सिंगल धाव घेण्यास सांगितलं. पण, रबाडाने यावर उशिरा प्रतिक्रिया दिली आणि याचा फटका त्याला आपले विकेट गमावून सहन करावा लागला.

लंच झाला असून दक्षिण आफ्रिकेने सहा गडी गमावून 129 धावा केल्या आहेत. जॉर्ज लिंडे 10 आणि डीन पीट 4 धावांवर खेळत आहेत. या सत्रात जडेजाने आतापर्यंत दोन गडी बाद केले असून शाहबाज नदीमने एक गडी बाद केला.

दक्षिण आफ्रिकाविरुद्ध तिसऱ्या टेस्टसह आंतरराष्ट्रीय क्रिकेटमध्ये पदार्पण करणाऱ्या शाहबाझ नदीम याने टेस्ट क्रिकेटमधील विकेट काढली. आफ्रिकेच्या धोकादायक फलंदाज टेंबा बावुमा याला त्याने रिद्दीमान साहाच्या हाती झेल बाद केले. बावुमाने 32 धावा केल्या. यासह फक्त 107 धावांवर अर्धा आफ्रिकी संघ तंबूत परतला आहे. 

दक्षिण आफ्रिका संघावर दबाव बनवून देवण्यात भारतीय गोलंदाज प्रयत्न करत आहे. भारताला चौथे यश मिळवून देत रवींद्र जडेजा याने झुबैर हमजा याला ओव्हरच्या चौथ्या चेंडूवर बोल्ड केले. हमझा 62 धावांवर माघारी परतला.

दक्षिण आफ्रिका संघावर दबाव बनवून देवण्यात भारतीय गोलंदाज प्रयत्न करत आहे. भारताला चौथे यश मिळवून देत रवींद्र जडेजा याने झुबैर हमजा याला ओव्हरच्या चौथ्या चेंडूवर बोल्ड केले. हमझा 62 धावांवर माघारी परतला.

दक्षिण आफ्रिकेच्या 100 धावा पूर्ण झाली असून भारताकडे अजून 397 धावांची आघाडी आहे. टेम्बा बावूमा आणि हमजा डाव सावरण्याचा प्रयत्न करीत आहेत. या दोघांमध्ये 90 धावांची भागीदारी झाली आहे. आता ही जोडी टीम इंडियासाठी त्रासदायक ठरत आहे.

18 व्या ओव्हरमध्ये आर अश्विनच्या शेवटच्या चेंडूवर हमझाने लाँग ऑनवर षटकार मारत आपले अर्धशतक पूर्ण केले. त्याने हाशिम आमला याच्या स्टाईलमध्ये आश्चर्यकारक कामगिरी केली. हमजाने 56 चेंडूत 50 धावा पूर्ण केल्या.

भारतीय संघाचा कर्णधार विराट कोहलीने स्लिपमध्ये आफ्रिकेचा फलंदाज झुबैर हमझाचा सहज झेल सोडला. हमझाने मोहम्मद शमीच्या ओव्हरमध्ये दोन चौकार लगावत त्याने आपल्या संघाच्या 50 धावा पूर्ण केल्या. उमेश यादवच्या ओव्हरच्या पहिल्या चेंडूवर हमजा बाद होता होता बचावला.

झुबेर हमजा आणि टेम्बा बावूमा चांगली फलंदाजी करत आहेत. यावेळी दक्षिण आफ्रिकेच्या संघाला मोठी भागीदारीची आवश्यकता आहे. संघासमोर मोठ्या धावांचे लक्ष्य आहे. आणि त्यांचे प्रसिद्ध खेळाडू आधीच पॅव्हेलियनमध्ये परतले आहेत.

दक्षिण आफ्रिका विरुद्ध तिसऱ्या दिवशीचा खेळ सुरु झाला आहे. आणि आपल्या फलंदाजीने कमाल केलेल्या उमेश यादवने संघाला पहिले यश मिळवून दिले. उमेशने फाफ डू प्लेसिसला माघारी धाडले. डू प्लेसिसने 1 धाव केली.