IND vs SA ODI 2020: दक्षिण आफ्रिकेचे 'हे' 3 खेळाडू टीम इंडियासाठी ठरू शकतात घातक, रहावे लागणार सावध
क्विंटन डी कॉक, लुंगी एनगीडी, हेनरिक क्लासेन (Photo Credit: Getty Images)

महिन्याच्या सुरुवातीला कसोटी मालिकेतील पराभवासह न्यूझीलंड दौरा संपल्यानंतर विराट कोहलीच्या नेतृत्वाखालील भारतीय संघ (Indian Team) तीन सामन्यांच्या वनडे मालिकेसाठी दक्षिण आफ्रिकेचे (South Africa) यजमानपद भूषवेलं आणि नव्याने सुरुवात करण्यावर लक्ष्य केंद्रित करेल. गेल्या वेळी सप्टेंबरमध्ये दक्षिण आफ्रिकेचा संघ भारतात होता. त्यावेळी 0-3 ने टेस्ट मालिका गमावल्यावर टी -20 मालिका त्यांनी 1-1 ने ड्रॉ केली. यावेळी ते भारत दौरा सकारात्मक पद्धतीने संपवू पाहत असेल यात शंका नाही. 12 मार्चपासून धर्मशालामध्ये सहा दिवसांच्या कालावधीत तीन वनडे सामने खेळले जातील. दुसरा आणि तिसरा वनडे सामना अनुक्रमे लखनऊ आणि कोलकाता येथे खेळला जाईल. कागिसो रबाडाच्या दुखापतीनंतर दक्षिण आफ्रिकेला धक्का बसला आहे, तर हार्दिक पांड्या, भुवनेश्वर कुमार आणि शिखर धवन यांचे टीम इंडियामध्ये पुनरागमन झाले आहेत. (IND vs SA 2020: हार्दिक पांड्या ने वनडे मालिकेआधी दक्षिण अफ्रिका टीमला दिली चेतावणी, सरावा दरम्यान खेळला जबरदस्त शॉट Video)

मात्र, ऑस्ट्रेलियाविरुद्ध केलेला खेळ पाहून आफ्रिकी टीमला फक्त थोड्या आत्मविश्वासाची गरज आहे. 12 मार्चपासून होणाऱ्या मालिकेसाठी घरातील परिचित परिस्थितीत खेळत असल्याने भारत मालिका जिंकण्यासाठी आवडता आहे, असे म्हणणे योग्य ठरेल. मात्र, दक्षिण आफ्रिकी संघात असे अनेक खेळाडू आहेत जे भारतासाठी घातक ठरू शकतात. मालिका जिंकण्यासाठी भारताला या खेळाडूंची काळजी घेणे आवश्यक आहे. पाहा:

क्विंटन डी कॉक (Quinton de Kock) 

कर्णधारपद एखाद्या क्रिकेटपटूचे करिअर बनवू किंवा तोडू शकते. आणि क्विंटन डी कॉकने स्पष्टपणे टी-20 आणि वनडे संघाचा पूर्ण-वेळेचा कर्णधार म्हणून पदाचा स्वीकार केला आहे. डी कॉकच्या आत्मविश्वासाची पातळी स्पष्टपणे वाढत आहे. गेल्या वर्षी भारतामध्ये टी-20 मालिकेत त्याने शानदार कामगिरी बजावली होती. नुकत्याच संपुष्टात आलेल्या ऑस्ट्रेलियाविरुद्ध एकदिवसीय मालिकेतही तो चांगल्या फॉर्मामध्ये होता. आयपीएलमध्ये बर्‍यापैकी वेळ घालवल्यामुळे डी कॉक हा भारतात खेळण्याचा आनंद घेत आहे. तीन सामन्यांच्या मालिकेत दक्षिण आफ्रिकेच्या विजयासाठी तो अत्यंत निर्णायक असेल.

लुंगी एनगीडी (Lungi Ngidi)

दुखापतीतून बाहेर पडलेल्या अनुभवी गोलंदाज कगिसो रबाडाच्या अनुपस्थितीत लुंगी एनगिडी यावेळी प्रोटीसच्या वेगवान गोलंदाजीच्या हल्ल्याचे नेतृत्व करेल. त्याने नुकतच ऑस्ट्रेलियाविरुद्ध तीन सामन्यांच्या मालिकेत 10 गडी बाद केले होते. यामधील अखेरच्या सामन्यात त्याने 58 धावा देऊन 6 गडी बाद केले होते. त्याने वनडेमध्ये भारताविरुद्ध सभ्य विक्रमाची नोंद केली असून चार सामन्यांत त्याने आठ विकेट्स घेतल्या आहेत.

हेनरिक क्लासेन (Henrich Klaasen)

आफ्रिकेचा क्लासेन सध्या त्याच्या सर्वोत्तम फॉर्ममध्ये आहे. त्याने ऑस्ट्रेलियाविरुद्ध तीनही सामन्यात दमदार कामगिरी केली. तीन सामन्यात त्याने नाबाद 123, 51 आणि नाबाद 68 धावा केल्या. आणि अन्यथा वनडे मालिकेत 242 धावांसह सर्वाधिक धावा करणारा फलंदाज ठरला. त्याच्याजवळ स्थिर राहण्याची आणि भक्कम भागीदारी तयार करण्याची क्षमता आहे आणि जर ते एखाद्या कठीण परिस्थितीत तो संभाव्य सामना-फिनिशरही सिद्ध होऊ शकतो.

फाफ डू प्लेसिस आणि रबाडाच्या अनुपस्थितीत आफ्रिकी संघ सामर्थ्याशी खेळले आणि ऑस्ट्रेलियाविरुद्ध वर्चस्व गाजवले. त्यांना एनरिच नॉर्टजे, क्लासेन, जनमन मालन आणि एनगीडी यांच्या रूपात अल्पावधी आणि दीर्घकाळासाठी खेळाडू मिळाले आहेत जे त्यांना विजय मिळवू देऊ शकतात.